„სოლიდარობა უკრაინას” – პროექტის ფარგლებში მოსწავლე- ახალგაზრდობის ეროვნული სასახლის მევიოლინეთა ანსამბლი „სი-მი“; საქველმოქმედო ღონისძიებით, ბოლნისს სტუმრობდა. საქველმოქმედო კონცერტი ზაურ ხუჯაძის სახელობის ბოლნისის მუნიციპალიტეტის სამუსიკო სკოლის გაერთიანებულმა გუნდმა, სიმბოლურად  უკრაინული სიმღერით გახსნა, რის შემდეგაც ნორჩმა მევიოლინეებმა ცნობილი კომპოზიტორების კლასიკად ქცეული კომპოზიციები შეასრულეს და მაყურებლის მქუხარე აპლოდისმენტები და მოწონება დაიმსახურეს.

საქველმოქმედო ღონისძიება ბოლნისის მუნიციპალიტეტის მერიის მხარდაჭერით გაიმართა, რომელსაც მერის პირველი მოადგილე ბუბა გობეჯიშვილი და კულტურის, სპორტისა და ახალგაზრდობის საქმეთა სამსახურის უფროსი კობა ჟღენტი ესწრებოდნენ.უკრაინელი ხალხისთვის მხარდამჭერ საქველმოქმედო ღონისძიებებს მევიოლინეთა ანსამბლი „სი-მი“ ქვეყნის მასშტაბით ახორციელებს.კონცერტის დაწყებამდე ნორჩმა მუსიკოსებმა ჩვენი მუნიციპალიტეტის ღირსშესანიშნაობები დაათვალიერეს და მეუფის რეზიდენციასაც ესტუმრნენ.