კვირა, ივნისი 16, 2024
spot_img

მალე სოფელ ბოლნისს თანამედროვე სტანდარტების შესაბამისი საგანმანათლებლო ბავშვთა დღის ცენტრი ექნება

ფერები, საგნები, რიცხვები, დღეები, ამ ყველაფერს პატარები სოფელ ბოლნისის საგანმანათლებლო ბავშვთა დღის ცენტრში ეუფლებიან. აღნიშნული ცენტრი 2015 წლიდან ერთ ჯგუფად სწავლების ბილინგური მეთოდით ფუნქციონირებს, სადაც 5 ადგილობრივია დასაქმებული, რომლებსაც გავლილი აქვთ არაერთი ტრენინგი.

აღნიშნულ ცენტრს დაარსებიდან დღემდე სკოლისთვის 157 აღსაზრდელი ჰყავს მომზადებული. პატარები აქ გარდა სასკოლო მზაობისა, სწავლობენ საზოგადოებაში ქცევის წესებს და მოსმენას.

„დაგეგმე შენი ბიუჯეტი“, ბოლნისის მუნიციპალიტეტში განხორციელებული პროექტის ფარგლებში, მოქალაქეთა მიერ წარმოდგენილი საპროექტო იდეები ხმის მიცემით მიმდინარეობდა, სადაც როგორც გათვალისწინებული იყო ხუთი პროექტი გამოვლინდა. ერთ-ერთი მათგანი სოფელ ბოლნისში „სკოლამდელი სასწავლო ცენტრის განვითარების თანამედროვე სტანდარტების შესაბამისად“ წარდგენილი პროექტი იყო.

პროექტში გამარჯვება სოფლის მოსახლეობისთვის უმნიშვნელოვანესია. თემის მოთხოვნის შესაბამისად მოხდება შენობის შეძენა, გარემონტდება და შესაბამისი სტანდარტებით აღიჭურვება ორი ჯგუფი. „დაგეგმე შენი ბიუჯეტი,“  აღნიშნული პროექტის განხორციელებით  სასკოლო მზაობას და სხვადასხვა უნარ-ჩვევების გამომუშავებას  2-ჯერ მეტი მოსწავლე შეძლებს.

მსგავსი სტატიები
- Advertisment -spot_img

ყველაზე პოპულარული

ბოლო კომენტარები