ეპიდ ვითარება ბოლნისში

0
1355

ბოლნისის მუნიციპალიტეტში, ისევე როგორც მთელ საქართველოში, ეპიდსიტუაცია უარესდება. მუნიციპალიტეტის თითქმის ყველა ტერიტორიულ ერთეულში აღირიცხება Sars-cov2-ით გამოწვეული ინფექციის ყოველდღიური მზარდი რაოდენობა. ბოლო კვირის განმავლობაში, ყოველდღიურად 50-მდე შემთხვევა ფიქსირდება. ძირითადად ადგილი აქვს ომიკრონის შიდა გავრცელებას. ამ ეტაპზე ბოლნისის მუნიციპალიტეტში სრულად დისტანციური სწავლის მოდელზე გადავიდა: ქ. ბოლნისის №1 და იოანე ბოლნელის სახელობის სასულეირო სკოლა, ქ. ბოლნისის №3 საჯარო და ქვ.არქევანის სკოლებში 8 კლასია დისტანციურ სწავლებაზე.
ეპიდსიტუაციის გაუარესების გამო სააღმზრდელო პროცესი შეჩერდა ტანძიისა და ქ. ბოლნისის №3 საბავშვო ბაღებში. ასევე შეჩერებულია სააღმზრდელო პროცესი ქვეშის ბაღის ერთ ჯგუფში.
ბოლნისის საზოგადოებრივი ჯანდაცვის სამსახური საზოგადოებას კოვიდ რეგულაციების შესრულებისკენ მოუწოდებს.
„ბოლო დღეებში ყოველდღიურად ფიქსირდებოდა 50-მდე შემთხვევა, თუმცა დღეის მდგომარეობით დადასტურებული შემთხვევების რაოდენობამ 50-ს გადააჭარბა. ვითარება გვაქვს საკმაოდ რთული, ამიტომ ბოლნისის მუნიციპალიტეტის მოსახლოებას უმორჩილესად ვთხოვ დაიცვან კოვიდ რეგულაციები, ვისაც არ ჩაუტარებია ვაქცინაცია, მოიხადონ მოქალაქეობრივი ვალი და ჩაერთონ ვაქცინაციაში. გარდა ამისა, ვისაც მეორე ვაქცინის გაკეთებიდან შეუსრულდა 90 დღე და ეკუთვნის დამატებითი დოზა, გაიკეთონ აუცილებლად ეგრეთწოდებული ბუსტერდოზა. აუცილებელია პირბადის ტარება, ხელების ჰიგიენა, სოციალური ფიზიკური დისტანცია, დახურული სივრცეების ბუნებრივი ვენტილაცია. ასევე გარკვეული პერიოდი თავი შეიკაონ შეკრებებისგან. ავკრძალოთ დროებითი ხალხმრავალი სუფრები, რადგან რამდენადაც მსუბუქია ახალი შტამი, იმდენად სწრაფად ვრცელდება და შესაძლოა გარკვეული რისკ-ჯგუფებისთვის ფატალური შემთხვევით დასრულდეს, ამიტომ კიდევ ერთხელ გთხოვთ დავიცვათ რეკომენდაციები და გავუფრთხილდეთ ერთმანეთს“. განაცხადა მაკა მამარდაშვილმა.