საქართველოს პარლამენტის, გარემოს დაცვისა და ბუნებრივი რესურსების კომიტეტის თავმჯდომარის მოადგილე, გოგი მეშველიანი ბოლნისიში ცენტრალურ კლინიკას ესტუმრა და კოვიდ ცენტრის თანამშრომლებს დამდეგი ახალიწელი მიულოცა. „დღეს ბოლნისის ცენტრალურ კლინიკას ვეწვიე და დამდეგი ახალიწელი მივულოცე კოვიდ ცენტრის თანამშრომლებს ადამიანებს, რომლებიც დღედაღამ დგანან ჩვენი ჯანმრთელობისა და სიცოცხლის სადარაჯოზე. მადლობა – ექიმებს, ექთნებს, რომ არა ამ ადამიანების პროფესიონალიზმი, საქმისადმი თავდადება და ძალისხმევა კიდევ უფრო რთული იქნებოდა პანდემიასთან ბრძოლა,“ -განაცხადა გოგი მეშველიანმა.
