ბოლნისში საქართველოს თავდაცვის სამინისტროს ტერიტორიული რეზერვის პროგრამის პრეზენტაცია გაიმართა

33

საქართველოს თავდაცვის ძალების ეროვნული გვარდია ტერიტორიულ რეზერვში მოქალაქეების მიღებას აგრძელებს, ამ მიზნით საინფორმაციო შეხვედრა ბოლნისის მუნიციპალიტეტის მერიის  შენობაში მოეწყო. ეროვნული გვარდიის წარმომადგენლებმა    აქტიური რეზერვის მნიშვნელობასა და პროექტის შესახებ ისაუბრეს. პროგრამაში ჩარიცხულ რეზერვისტებს, რომელიც ოთხწლიან  ანაზღაურებად საკონტრაქტო სამსახურს გულისხმობს, უნარჩუნდებათ სამუშაო ადგილი და საერთო სტაჟში ეთვლებათ. საბრძოლო მომზადება, რომელიც  ქვემო ქართლში კრწანისის ტერიტორიაზე გაიმართება, წლის განმავლობაში 45 დღეზეა  გათვლილი და 12 თვეზე ნაწილდება. პროგრამაში ჩართვა 18-დან 51 წლამდე მოქალაქეს და 18-დან 22 წლამდე სტუდენტს შეუძლია, ტერიტორიულ რეზერვში ჩარიცხული მოქალაქის  მინიმალური წლიური ანაზღაურება  2700 ლარის შეადგენს.  შეხვედრა პროექტის პოპულარიზაციას ეხებოდა , რადგან ამ ეტაპზე ტერიტორიულ რეზერვში მსურველთა რეგისტრაცია ქვემო ქართლის რეგიონში ხორციელდება.

რეზერვში ჩარიცხვის მსურველებს შეუძლიათ გაიარონ ონლაინ რეგისტრაცია ვებ გვერდზე-

onlinebct.mod.gov.ge