ბოლნისის მურმან ჯაფარიძის სახელობის ძიუდოს დარბაზში, დავით ნავერიანის ხსოვნისადმი მიძღვნილი მეცხრე საერთაშორისო ტურნირი ჭაბუკ ძუდიუსტთა შორის მიმდინარეობს, სადაც მონაწილეობას 2011-2012 წლებში დაბადებული სპორტსმენები იღებენ. საქართველოს სხვადასხვა რეგიონიდან მოწვეული 200-მდე ძიუდოისტი, 2 დღის განმავლობაში, თერთმეტ წონით კატეგორიაში იასპარეზებს. ტურნირი ბოლნისის მუნიციპალიტეტის მერიისა და საქართველოს ძიუდოს ფედერაციის ხელშეწყობით ტარდება. გამარჯვებულები და პრიზიორები ვეტერანმა ძიუდოისტებმა ნესტორ ხერგიანმა და ავთანდილ ჭრიკიშვილმა შესაბამისი მედლებით, სიგელებით და თასებით დააჯილდოვეს.
დავით ნავერიანი იყო მრავალგზის ჩემპიონი და პრიზიორი ძიუდოში, სამბოსა და ქართულ ჭიდაობაში. დავით ნავერიანის ხსოვნისადმი მიძღვნილი საერთაშორისო ტურნირი ყოველწლიურად ტარდება, ეს დღე ძიუდოს ფედერაციის კალენდარშია შესული.
