ბოლნისის მუნიციპალიტეტის საზოგადოებრივი ჯანდაცვის ცენტრის შენობას, ადგილობრივი ბიუჯეტის დაფინანსებით, რამდენიმე თვეა სრული რეაბილიტაცია უტარდება, მიმდინარე სამუშაოები ბოლნისის მუნიციპალიტეტის მერმა დავით შერაზადიშვილმა, ქვემო ქართლის სახელმწიფო რწმუნებულ გიორგი დოხტურიშვილთან და ინფრასტრუქტურის სამსახურის უფროსთან კონსტანტინე კორძაძესთან ერთად მოინახულა.
წლების განმავლობაში აღნიშნული სამსახური ჩვეულ რეჟიმში, ძველ შენობაში ფუნქციონირებდა. პანდემიის დაფიქსირებიდან კი ვალდებულებების ფარგლებში, დაიწყო შესაბამისი აქტივობები, რომლის განსახორციელებლად აუცილებელი გახდა სათანადო ინფრასტრუქტურა, რაც სამსახურს არ გააჩნდა.
საზოგადოებრივი ჯანდაცვის ცენტრში სარეაბილიტაციო სამუშაოები მაისის თვიდან დაიწყო და მას, შ.პ.ს. ,,მეტრი“ ახორციელებს. შენობა სრულად ადაპტირდება შესაბამისი ინფრასტრუქტურით და ლაბორატორიით, კეთილმოეწყობა ეზოც. სამუშაოები სექტემბრის თვეში დასრულდება და ბოლნისს თანამედროვე სტანდარტების შესაბამისი საზოგადოებრივი ჯანდაცვის ცენტრი ექნება.
