ორშაბათი, მაისი 20, 2024
spot_img

ბოლნისის პირველი  საჯარო სკოლა 80 წლისაა

80 წლის ისტორიის მქონე ბოლნისის პირველმა საჯარო სკოლამ დღეს საიუბილეო თარიღი აღნიშნა. ღონისძიება სკოლის მომღერალთა გუნდმა „მრავალჟამიერით“ გახსნა, რასაც სხვადასხვა მუსიკალური და ქორეოგრაფიული ნომრები მოჰყვა, საიუბილეო თარიღი სკოლას, ყოფილ და მოქმედ პედაგოგებთან ერთად, მუნიციპალიტეტის მერმაც მიულოცა და სიმბოლურად „ვეფხისტყაოსანი“ გადასცა.

საიუბილეო თარიღთან დაკავშირებით სკოლის ფოიეში „დროის კაფსულა“ დაიდგა, სადაც მსურველებმა თავიანთი სურვილები მოათავსეს, რის შემდეგაც დაილუქა და 20 წლის შემდეგ, 100 წლის იუბილეზე საზეიმოდ გაიხსნება.

ღონისძიება სკოლის სააქტო დარბაზში გაიმართა, მოწვეულ სტუმრებს შორის იყვნენ მუნიციპალიტეტის მერის მოადგილე ლონგინოზ გასანოვი და ადგილობრივი რესურსცენტრის ხელმძღვანელი იამზე სვანიძე.

მსგავსი სტატიები
- Advertisment -spot_img

ყველაზე პოპულარული

ბოლო კომენტარები