ბოლნისის მუნიციპალიტეტმა ახალგაზრდულ ფორუმს უმასპინძლა

0
179

ბოლნისის ახალ მუზეუმში ახალგაზრდული ფორუმი მოეწყო. ფორუმის მიზანი იყო შეექმნა დიალოგის სივრცე ახალგაზრდებს, ადგილობრივი თვითმართველობისა და სამოქალაქო საზოგადოების წევრებს შორის, რაც ხელს შეუწყობს ახალგაზრდებისთვის მნიშვნელოვანი საკითხების ადგილობრივი პოლიტიკის შემუშავება-განხორციელების პროცესში გათვალისწინებას.

ფორუმზე სიტყვით გამოვიდნენ სახელმწიფო რწმუნებული ქვემო ქართლში გიორგი დოხტურიშვილი, ბოლნისის მუნიციპალიტეტის მერი დავით შერაზადიშვილი, რუსთავის მუნიციპალიტეტის მერი ნინო ლაცაბიძე და გაეროს მოსახლეობის ფონდის საქართველოს ოფისის ხელმძღვანელი ლელა ბაქრაძე.

ფორუმზე, ქვემო ქართლში მცხოვრებმა ახალგაზრდებმა ინიციატივის „ახალგაზრდები სოციალური ცვლილებებისთვის“ ფარგლებში განხორციელებული აქტივობები პრეზენტაცია გამართეს.

ახალგაზრდული ფორუმი მოეწყო პროგრამის „ქალებისა და გოგოების მიმართ ძალადობის წინააღმდეგ საქართველოში“ (EVAWGG) ფარგლებში, რომელიც ხორციელდება გაეროს მოსახლეობის ფონდის (UNFPA) და გაეროს ქალთა ორგანიზაციის (UN Women) მიერ, ევროკავშირის მხარდაჭერით.

 

წინა სტატიაბავშვთა ონკოლოგიური სახელმწიფო კლინიკის შექმნა და ჰემატო-ონკოლოგიური სერვისების გაფართოება იგეგმება
შემდეგი სტატიასამი დეკემბერი შეზღუდული შესაძლებლობის მქონე პირთა უფლებების დაცვის საერთაშორისო დღეა