საქართველს პრეზიდენტის გადაწყვეტილებით, გუდაურში სამაშველო ოპერაციისას დაღუპულები მედლით „სამოქალაქო თავდადებისთვის“ დაჯილდოვდნენ. ინფორმაციას პრეზიდენტის ადმინისტრაცია ავრცელებს.

„29 ივლისს, გუდაურში სამაშველო ოპერაციისას დაღუპული ზაზა ლორია, დიმიტრი ქააძე, ლევან ჩოხელი, ანდრო ქუჯოშვილი, გიორგი მარგიანი, კახა ტორჩინავა, გირგი ვენეცკი, ქეთევან გულაღაშვილი სამაშველო ოპერაციისას პროფესიული მოვალეობის შესრულებისას გამოვლენილი უმაღლესი სამოქალაქო პასუხისმგებლობისათვის, სამაგალითო, თავგანწირული ქმედებისათვის დაჯილდოვდნენ“, – ნათქვამია ინფორმაციაში.

ბოლნისის მუნიციპალიტეტის 2023 წლის ბიუჯეტში „სამოქალაქო ბიუჯეტის“ პროექტის ფარგლებში მოქალაქეთა ინიციატივებისთვის 1 500 000 (მილიონ ხუთასი ათასი) ლარი იქნება გათვალისწინებული. სულ 5(ხუთი) ინიციატივა დაფინანსდება, თითოეული პროექტის ღირებულება 300 000 ლარს არ უნდა აჭარბებდეს. 5 ინიციატივას კი თავად მოქალაქეები კენჭისყრის გზით შეარჩევენ. 2 პროექტი დაფინანსდება ქალაქ ბოლნისში (ქალაქში განსახორციელებელი იდეებიდან ყველაზე მეტ ხმას რომელი 2 (ორი) პროექტიც მიიღებს), ხოლო 3 პროექტი სასოფლო დასახლებებში (სოფლებში განსახორციელებელი იდეებიდან ყველაზე მეტ ხმას რომელი 3 (სამი) პროექტიც მიიღებს). პირველი ეტაპი: საპროექტი წინადადებების წარდგენა ბოლნისში რეგისტრირებულ ნებისმიერ მოქალაქეს (18 წლის ასაკიდან) შეუძლია პროექტის სახით წარმოადგინოს საკუთარი იდეა, რომელიც მის სოფელში, თემსა თუ ქალაქში საზოგადოებრივი მნიშვნელობის ობიექტის მოწყობას ითვალისწინებს; პროექტი „დაგეგმე შენი ბიუჯეტი“ არ ითვალისწინებს ბიზნეს იდეების დაფინანსებას, ამიტომ ის იდეები, რომელიც კერძო ბიზნესს ეხება, არ მიიღება; დაინტერესებულმა პირებმა საპროექტი წინადადება უნდა წარმოადგინონ 10 აგვისტომდე; საპროექტო წინადადებების წარდგენა ხდება ინტერნეტის მეშვეობით, მუნიციპალიტეტის ვებ-გვერდზე, მერიის ფეისბუქ გვერდზე და ასევე Facebook გვერდზე – დაგეგმე შენი ბიუჯეტი – ბოლნისი / Bolnisi – განთავსებულია ლინკი https://docs.google.com/…/1FAIpQLSfouTfsL5o…/viewform…  საპროექტო წინადადებების წარდგენა ასევე შესაძლებელია მოხდეს ფიზიკურად, საპროექტო წინადადებების ადმინისტრაციულ ერთეულებში მერის წარმომადგენლებისთვის მიწოდებით, ან მერიაში განცხადების დატოვების გზით; მოქალაქეს/საინიციატივო ჯგუფს შეუძლია წარადგინოს საპროექტო წინადადებების შეუზღუდავი რაოდენობა.

საპროექტო წინადადების წარმდგენმა უნდა გამოაგზავნოს შემდეგი სახის ინფორმაცია:

ა) სახელი, გვარი;

ბ) პირადი ნომერი;

გ) საკონტაქტო ტელეფონი;

დ) ელ-ფოსტა;

ე) პროექტის სახელწოდება;

ვ) პროექტის აღწერა;

ზ) დასახლებული პუნქტი, სადაც უნდა განხორციელდეს პროექტი;

თ) პროექტის სავარაუდო ბიუჯეტი.

საპროექტო წინადადებები უნდა აკმაყოფილებდეს შემდეგ კრიტერიუმებს:

• საპროექტო წინადადების განხორციელება უნდა იგეგმებოდეს მუნიციპალიტეტის ტერიტორიაზე;

• საპროექტო წინადადების განხორციელება უნდა შედიოდეს თვითმმართველობის საკუთარ უფლებამოსილებებში;

• საპროექტო წინადადების განსახორციელებლად საჭირო სავარაუდო თანხა არ უნდა აღემატებოდეს 300 000 ლარს;

• წინადადებით შემოთავაზებული პროექტი არ უნდა იყოს მიმდინარე, ან ისედაც ჩადებული ბიუჯეტში (ბიუჯეტის პროექტში);

• პროექტის განხორციელება უნდა იყოს ტექნიკურად შესაძლებელი (მაგალითად, სათამაშო მოედნისთვის უნდა არსებობდეს მუნიციპალიტეტის საკუთრებაში არსებული მიწის ნაკვეთი).

მეორე ეტაპი: საპროექტო წინადადებების პირველადი გადარჩევამოქალაქეების მიერ წარმოდგენილი საპროექტო წინდადებების პირველადი გადარჩევა მოხდება 10 აგვისტოდან 5 სექტემბრამდე. კენჭისყრის ეტაპზე გადავლენ მხოლოდ ის წინადადებები, რომლებიც საპროექტი წინადადებისთვის საჭირო კრიტერიუმებს აკმაყოფილებენ.

მესამე ეტაპი: საპროექტო წინადადებების კენჭისყრა საპროექტო წინადადებების კენჭისყრა ჩატარდება ელექტრონულად. ბოლნისში რეგისტრირებულ (18 წლიდან) მოქალაქეებს შეუძლიათ ხმა მისცენ მათთვის მისაღებ საპროექტო წინადადებებას სპეციალურად პროექტისთვის შექმნილ ვებ-პლატფორმაზე. კენჭისყრის ეტაპი გაიმართება 12 სექტემბრიდან 31 ოქტომბრამდე.

მეოთხე ეტაპი: გამარჯვებული პროექტების ბიუჯეტში ასახვა 5 (ხუთი) გამარჯვებული პროექტი გამოვლინდება 1 ნოემბერს და 10 ნოემბრამდე მოხდება ამ პროექტების დამუშავება და ბოლნისის 2023 წლის ბიუჯეტის პროექტში ასახვა.

https://docs.google.com/forms/d/e/1FAIpQLSfouTfsL5oPbZQsMBI5sWvI-wnFMbVSBaHOpjYRrpw2xZiG9A/closedform

გუდაურში შინაგან საქმეთა სამინისტროს სასაზღვრო პოლიციის ვერტმფრენის ჩამოვარდნის შედეგად დაღუპული ეკიპაჟის წევრების, მაშველებისა და ექიმების ხსოვნის პატივსაცემად საქართველოს მთელ ტერიტორიაზე, შინაგან საქმეთა სამინისტროს ყველა ადმინისტრაციულ შენობაზე სახელმწიფო დროშები დაშვებულია.

შინაგან საქმეთა სამინისტროს სასაზღვრო პოლიციის კუთვნილმა ვერტმფრენმა, რომლის დახმარებით გუდაურში ჩამოვარდნილი პარაპლანისტების სამაშველო ღონისძიება მიმდინარეობდა, გუშინ მართვა დაკარგა და ჩამოვარდა, რის შედეგადეგაც ვერტმრფრენში მყოფი რვავე პირი დაიღუპა.

შემთხვევის ადგილზე სამაშველო და სამძებრო ღონისძიებები რამდენიმე საათის განმავლობაში უწყვეტად მიმდინარეობდა. ამ დროისთვის, ტრაგედიის შედეგად დაღუპულთა ცხედრები ამოსვენებულია.

შინაგან საქმეთა სამინისტროს ინფორმაციით, გუდაურში ჩამოვარდნილ ვერტმფრენში მყოფი რვავე ადამიანი დაიღუპა, ექვსი შსს-ს, ხოლო ორი სასწრაფო-სამედიცინო დახმარების თანამშრომელი.მათ შორის იყო ბოლნისელი, სოფელ ტანძიაში მცხოვრები გიორგი მარგიანი. ,,გაზეთი ბოლნისი” ღრმა მწუხარებას გამოთქვამს მომხდარის გამო და უსამძიმრებს დაღუპულთა ოჯახებს.

,,30 ივლისი საქართველოში გლოვის დღედ გამოცხადდა! ღრმა მწუხარებას გამოვთქვამ გუდაურში მომხდარი ტრაგედიის გამო, რომელსაც სამაშველო ოპერაციაში მონაწილე სასაზღვრო პოლიციის ვერტმფრენის ეკიპაჟის წევრების, მაშველების და სამედიცინო პერსონალის სიცოცხლე ემსხვერპლა. ამ მძიმე წუთებში მხოლოდ გულწრფელი სამძიმარისა და თანადგომის გამოცხადება შეგვიძლია დაღუპულთა ოჯახის წევრებისა და ახლობლებისათვის. მომხდარმა შეძრა სრულიად საქართველოს საზოგადოება და ეს თითოეული ჩვენგანის დიდი ტკივილია”,- ბოლნისის, დმანისის, თეთრიწყაროსა და წალკის მაჟორიტარი დეპუტატი გოგი მეშველიანი.

,,შინაგან საქმეთა სამინისტროს სასაზღვრო პოლიციის ვერტმფრენის ეკიპაჟის წევრები, მაშველები და მედიკოსები თავიანთი პროფესიული მოვალეობისას დაიღუპნენ. ისინი მუდამ ადამიანების სიცოცხლის სადარაჯოზე იდგნენ, მათ ამ გმირობისთვის მადლობას ვუხდით და გვჯერა, რომ ეს სიმამაცე თითოეულ ჩვენგანს ყოველთვის ემახსოვრება. კიდევ ერთხელ გამოვხატავთ ღრმა მწუხარებას და ვუსამძიმრებთ ოჯახის წევრებსა და საზოგადოებას ამ დიდ ტრაგედიას,” – ბოლნისის მუნიციპალიტეტის მერია.

გუდაურში მომხდარი ტრაგედიის გამო, 30 ივლისი ქვეყანაში გლოვის დღედ ცხადდება. ამის შესახებ საქართველოს პრემიერ-მინისტრის, ირაკლი ღარიბაშვილის განცხადებაში არის აღნიშნული.

პრემიერი სამძიმარს უცხადებს დაღუპულების ოჯახის წევრებსა და ახლობლებს.

„ღრმა მწუხარებას გამოვთქვამ გუდაურში შინაგან საქმეთა სამინისტროს სასაზღვრო პოლიციის ვერტმფრენის ჩამოვარდნის შედეგად ეკიპაჟის წევრების, მაშველებისა და ექიმების დაღუპვის გამო.

ამ მძიმე წუთებში გულწრფელ სამძიმარსა და თანადგომას ვუცხადებ დაღუპულთა ოჯახის წევრებსა და ახლობლებს, შინაგან საქმეთა სამინისტროს ხელმძღვანელობას, მთელ ჩვენს საზოგადოებას.

მომხდარი ტრაგედიის გამო 30 ივლისი ქვეყანაში გლოვის დღედ გამოცხადდება“, – აცხადებს ირაკლი ღარიბაშვილი.

გუდაურში სასაზღვრო პოლიციის ვერტმფრენმა მართვა დაკარგა და ჩამოვარდა. ვერტმფრენში მყოფი რვავე ადამიანი დაიღუპა, მათ შორის, ექვსი იყო შსს-ს თანამშრომელი, ხოლო ორი – სასწრაფო-სამედიცინო დახმარების.

ვერტმფრენით გუდაურში ჩამოვარდნილი პარაპლანისტების სამაშველო ღონისძიება მიმდინარეობდა.

საჰაერო ტრანსპორტის ექსპლუატაციის წესების დარღვევის ფაქტზე გამოძიება საქართველოს სისხლის სამართლის კოდექსის 275-ე მუხლით მიმდინარეობს.

გარემოსდაცვითი ინფორმაციისა და განათლების ცენტრი პროექტის – „კლიმატის ცვლილებით გამოწვეული კატასტროფების რისკის შემცირება საქართველოში“ ფარგლებში აცხადებს მწვანე ბანაკისთვის – ,,კლიმატის ელჩები’’ მონაწილეების შერჩევას.

ბანაკში მონაწილეობის მიიღება შეუძლიათ 15–17 წლის ახალგაზრდებს, რომლებიც შეუერთდებიან მოხალისეების ქსელს და მონაწილეობას მიიღებენ გარემოსდაცვითი ინფორმაციისა და განათლების ცენტრის მიერ დაგეგმილ ცნობიერების ასამაღლებელ აქტივობებში.

ბანაკი მიზნად ისახავს ახალგაზრდებში გარემოს
დაცვისა და კლიმატის ცვლილებასთან დაკავშირებული საკითხების შესახებ ცნობიერების ამაღლებას, მონაწილეებს შორის გუნდური მუშაობის უნარ-ჩვევების გაძლიერებას, გარემოსდაცვითი ადვოკატირების კამპანიის დაგეგმვასა და მართვას, არაფორმალური განათლების მიდგომების გამოყენებით.

ბანაკის შედეგად მონაწილეები, ლიდერებთან ერთად, შეიმუშავებენ ერთობლივ ინიციატივებს გარემოსდაცვით საკითხებზე.

 „მწვანე ბანაკი“ გაიმართება 2-11 სექტემბერს ბაკურიანში.

 30 ახალგაზრდა შეირჩევა მთელი საქართველოს მასშტაბით.

 განაცხადების გამოგზავნის ბოლო ვადაა 15 აგვისტო.

 მონაწილეთა შერჩევა მოხდება ორ ეტაპად:

სააპლიკაციო ფორმა (სამოტივაციო წერილი და მონაწილის ვიდეო მიმართვა, საქართველოში კლიმატის ცვლილებით გამოწვეულ პრობლემებსა და გადაჭრის გზებზე. ვიდეო მიმართვის ხანგრძლივობაა 3 წუთი და იგი უნდა ასახავდეს კონკრეტულ საპროექტო იდეას).
 გასაუბრება

მწვანე ბანაკი ,,კლიმატის ელჩები” გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის მიერ გაეროს განვითარების პროგრამის (UNDP) ფართომასშტაბიანი ინიციატივის ,,კლიმატის ცვლილებით გამოწვეული კატასტროფების რისკის შემცირება საქართველოში” ფარგლებში იმართება, რომელიც საქართველოს მოსახლეობის კლიმატის ცვლილებით გამოწვეული კატასტროფებისგან დაცვას ემსახურება და კლიმატის მწვანე ფონდის (GCF), საქართველოს, შვედეთისა და შვეიცარიის მთავრობების მხარდაჭერით ხორციელდება.

 ბანაკთან დაკავშირებით, დამატებითი ინფორმაციისთვის, საკონტაქტო პირია – გვანცა ჯანჯღავა (ტელ: +995 591510055 

ხელოვნების მე-18 საერთაშორისო ფესტივალ-კონკურსი „ნარინჯისფერი ქობულეთი 2022“,  26 ივნისს, საზეიმოდ,  ქობულეთის ზღვისპირა პარკში გაიხსნა  და მასში მონაწილეობენ:  ქართული ხალხური, საესტრადო, თანამედროვე სიმღერების, ხალხური, სამეჯლისო, სპორტული ცეკვების და  სამოდელო კოლექტივები. აღნიშნულ ფესტივალში ჩაერთო და პირველი ადგილი და ოქროს მედალი მოიპოვა, ბოლნისის მუნიციპალიტეტის კულტურის სახლთან არსებულმა  ანსამბლმა ,,იმედი“ ლაურა დურგლიშვილის ხელმძღვანელობით. 

  ფესტივალ-კონკურსის მიზანია: ქართული ხალხური სიმღერისა და ცეკვის პოპულარიზაცია-განვითარებისთვის ხელშეწყობა, საესტრადო ხელოვნებისა და თანამედროვე სამეჯლისო ცეკვების წარმოჩენა-განვითარებისთვის ხელშეწყობა, საქართველოს სხვადასხვა კუთხეში მიმობნეული ხალხური კულტურის მარგალიტების შეკრება და წარმოჩინება, მსოფლიოს სხვადასხვა ქვეყანაში მოქმედი შემოქმედებითი კოლექტივების დაახლოება და გამოცდილებათა გაზიარება, პატარებსა და მოზარდებში ხელოვნების სიყვარულის გაღვივება.
      ფესტივალ-კონკურსი 26 ივნისს გაიხსნა და 29 ივლისს ფინალური გრანდიოზული ღონისძიებით დასრულდება.

ლაურა დურგლიშვილი, ანსამბლ ,,იმედის“ ხელმძღვანელი:

 მიწვევა მქონდა ქ. ქობულეთში, ხელოვნების მე-18 საერთაშორისო ფესტივალზე, სადაც 24 ივლისს გავემგზავრეთ.  ყველაფერი მაღალ დონეზე ჩატარდა, ღონისძიებაში ჩართულები იყვნენ მონაწილეები სხვადასხვა ქვეყნიდან: ბელორუსია, უკრაინა, ნალჩიკი, ერევანი, ბაქო და სხვა.  რომ არა ბოლნისის კულტურის ცენტრის გვერდში დგომა და ხელშეწყობა,  აღნიშნულ ფესტივალში ვერ ჩავერთვებოდით, რისთვისაც მინდა  მადლობა გადავუხადო   ბატონ სოსო კოპალეიშვილს.