☑ საქართველოს ვენახების კადასტრის პროგრამას ბოლნისის მუნიციპალიტეტში ღვინის ეროვნული სააგენტო ახორციელებს და მიზნად ისახავს ვენახების და ღვინის წარმოების მართვისა და კონტროლისთვის საჭირო, განახლებადი საინფორმაციო სისტემის შექმნას.

➡️ საქართველოს ვენახების ეროვნული კადასტრის შექმნა ხელს შეუწყობს ბოლნისური ღვინის ხარისხის და კონკურენტიანობის გაზრდას მსოფლიო ღვინის ბაზარზე, ამასთან უზრუნველყოფს რთველის პროცესის გამარტივებას და გამჭვირვალედ ჩატარებას.

⤵️ ვენახების კადასტრი იქმნება თითოეული ვენახის ნაკვეთის ინდენტიფიკაციის და რეგისტრაციის შესახებ დეტალური ინფორმაციის შეგროვებით ვენახებისა და მევენახეების შესახებ, რომელიც შეიცავს ვენახში არსებულ ვაზის ჯიშებს, დარგვის თარიღს, ვენახის მდგომარეობას და ა.შ.

⬇️ ვენახების კადასტრი გააჩნია ევროკავშირის წევრ ყველა იმ ქვეყანას, სადაც განვითარებულია მევენახეობა – მეღვინეობის ინდუსტრია. საქართველოს ვენახების კადასტრის შექმნა კიდევ ერთი წინგადადგმული ნაბიჯი იქნება ევროპული გამოცდილებისკენ.

15 აგვისტოს ბოლნისის მუნიციპალიტეტის საკრებულომ მორიგი სხდომა გამართა, რომელსაც საკრებულოს თავმჯდომარის პირველი მოადგილე გიორგი მირიანაშვილი უძღვებოდა. სხდომაზე განხილული იყო შემდეგი ოთხი საკითხი:

1. „ბოლნისის მუნიციპალიტეტის 2022 წლის ადგილობრივი ბიუჯეტის დამტკიცების შესახებ ბოლნისის მუნიციპალიტეტის საკრებულოს 2021 წლის 1 დეკემბრის №17 დადგენილებაში ცვლილების შეტანის თაობაზე“; 2.„ბოლნისის მუნიციპალიტეტის ადგილობრივი ბიუჯეტიდან სოციალური დახმარების გაცემისა და მიღების წესის დამტკიცების შესახებ“ ბოლნისის მუნიციპალიტეტის საკრებულოს 2020 წლის 20 იანვრის №2 დადგენილებაში ცვლილების შეტანის შესახებ“; 3.„საქართველოს სახელმწიფო ბიუჯეტით გათვალისწინებული საქართველოს რეგიონებში განსახორციელებელი პროექტების ფონდიდან სოფლის მხარდაჭერის პროგრამის საფუძველზე, ბოლნისის მუნიციპალიტეტში ჩატარებული სოფლის კრებების შედეგად მოთხოვნილი ინფრასტრუქტურული პროექტების მოწონების შესახებ“ ბოლნისის მუნიციპალიტეტის საკრებულოს 2022 წლის 18 აპრილის N8 გაკნარგულებაში ცვლილების შეტანის თაობაზე“; 4. „ბოლნისის მუნიციპალიტეტის 2022 წლის მეორე კვარტლის ბიუჯეტის შესრულების ანგარიში“. სამივე საკითხზე მიღებული იქნა დადებითი გადაწყვეტილება.

ასევე დადებითად შეფასდა 2022 წლის მეორე კვარტლის ბიუჯეტის შესრულების ანგარიში.

დიდგორის ბრძოლიდან 901-ე წელი აღინიშნა. ამ თარიღთან დაკავშირებით, დიდგორის ველზე, თეთრიწყაროს მუნიციპალიტეტში ყოველწლიური სახალხო დღესასწაული „დიდგორობა 2022“ გაიმართა. დღესასწაული მოსახლეობას საქართველოს პრემიერ-მინისტრმა ირაკლი ღარიბაშვილმა მიულოცა. ღონისძიებას ქვემო ქართლში სახელმწიფო რწმუნებული გიორგი დოხტურიშვილი, ბოლნისის მუნიციპალიტეტის მერი დავით შერაზადიშვილი და ბოლნისის, დმანისის, თეთრიწყაროსა და წალკის მაჟორიტარი დეპუტატი გოგი მეშველიანი დაესწრნენ.

ღონისძიების ფარგლებში საქართველოს თავდაცვის მინისტრმა, ჯუანშერ ბურჭულაძემ საომარი და საბრძოლო მოქმედებების დროს გაბედული მოქმედებებისათვის, ლიდერის თვისებებისა და თანამებრძოლის სიცოცხლის გადარჩენისთვის გამოჩენილი სიმამაცისთვის, მედალი „დიდგორის ჯვარი“გადასცა: პოლკოვნიკ – ოთარ დოლიძეს;მასტერ სერჟანტს – გენრი სიმსივეს;სერჟანტ – ალექსანდრე ქოთოლაშვილს.„დიდგორობა 2022“-ის ფარგლებში სხვადასხვა კულტურული და სპორტული ღონისძიება მოეწყო. სახალხო დღესასწაულში მონაწილეობა “ბოლნისის კულტურის ცენტრმაც” მიიღო, რომელმაც საქართველოს რამდენიმმე კუთხე წარმოადგინა მათთვის დამახასიათებელი კულინარიითა და ფოლკლორით. „1121 წელს, მეფე დავით აღმაშენებლის წინამძღოლობით ქართველებმა თურქ-სელჩუკები დაამარცხეს. ეს ბრძოლა ქართველი ერის სიძლიერისა და სიმტკიცის სიმბოლოდ იქცა. „ძლევაი საკვირველი“ ნათლად ადასტურებს, რომ თავისუფლების სიყვარულს, გაერთიანებული ძალებით ერთი მიზნისკენ სწრაფვას ნებისმიერი მტრის დამარცხება შეუძლია. თითოეულ თქვენგანს ვულოცავ ამ ბრწყინვალე დღეს“, – განაცხადა ბოლნისის მუნიციპალიტეტის მერმა დავით შერაზადიშვილმა.

საქართველოს პარლამენტის წევრი, ბოლნისის, დმანისის, თეთრიწყაროსა და წალკის მაჟორიტარი გოგი მეშველიანი 14 წლის წინ შინდისში განვითარებულ მოვლენებს სოციალურ ქსელში ეხმიანება. „სამშობლოს სიყვარულის, მისთვის ბრძოლის და თავგანწირვის გამორჩეული მაგალითია შინდისის ბრძოლა. კიდევ ერთხელ ქედს ვიხრი მათ წინაშე! დიდება გმირებს!“ – წერს გოგი მეშველიანი.

 2008 წლის 11 აგვისტოს,  რუსულ სამხედრო ნაწილთან უთანასწორო შეტაკების დროს, 17 ქართველი ჯარისკაცი გმირულად დაიღუპა.

გაეროს განვითარების პროგრამის (UNDP) ვირტუალური პლატფორმა – ქართული გამოგონებების მუზეუმი აცხადებს კონკურსს „ენერგოეფექტური სახალხო გამოგონებები“.

კონკურსის მიზანია ისეთი იდეების მოძიება და პოპულარიზაცია, რომლებიც ამცირებენ წიაღისეულ საწვავზე დამოკიდებულებას და ხელს უწყობენ განახლებად ენერგიაზე გადასვლას. ასეთი გამოგონებების რიცხვს მიეკუთვნება განახლებადი ენერგიის გამოყენება ყოფით ცხოვრებაში, ენერგოდამზოგავი მოწყობილობები, ენერგიის მოხმარების მონიტორინგის უკეთესი მეთოდები და სხვა. გამოგონება შეიძლება იყოს როგორც ახალი ხელსაწყო ან ნივთი, ასევე მომსახურება ან საქმიანობა.

კონკურსის ფარგლებში გამოვლინდება სახალხო გამოგონებები და მიგნებები, რომლებიც ადამიანებმა სხვადასხვა ყოფითი საჭიროების დასაკმაყოფილებლად შექმნეს და ამისთვის ადგილობრივად ხელმისაწვდომი ცოდნა, რესურსები და ხელსაწყოები გამოიყენეს.

კონკურსში მონაწილეობა შეუძლია ნებისმიერი ასაკისა თუ გამოცდილების გამომგონებლებს, მცირე ბიზნესებს, სათემო ორგანიზაციებსა და აკადემიური წრის წარმომადგენლებს.

განაცხადების მიღება მიმდინარეობს ამა წლის 15 აგვისტოს ჩათვლით მისამართზე: Gamogoneba.ge.

საპრიზო ფონდი შეადგენს 20 000 ლარს.

კონკურსის პირობების სანახავად ეწვიეთ გაეროს განვითარების პროგრამის ვებგვერდს.

ნებისმიერი კითხვის შემთხვევაში გთხოვთ მოგვმართოთ შემდეგ საკონტაქტო ელ-ფოსტაზე: acclab.geo@undo.org.

გაეროს განვითარების პროგრამის სწრაფი განვითარების ლაბორატორიის გუნდი.

თეთრიწყაროს მუნიციპალიტეტი 6-7 აგვისტოს დაბა მანგლისში სახალხო დღესასწაულს „მანგლისობას“ მასპინძლობს .

6 აგვისტოს , მანგლისში გამართულ ღონისძიებებს საქართველოს პარლამენტში ბოლნისის, დმანისის თეთრიწყაროსა და წალკის მაჟორიტარი გოგი მეშველიანი დაესწრო, რომელმაც  ხაზი გაუსვა მსგავსი აქტივოების მნიშვნელობას ტურისტული დაბის პოპულარიზაციისთვის. 

„ვიმყოფებოდი თეთრიწყაროს მუნიციპალიტეტის უმშვენიერეს დაბა მანგლისში, სადაც პირველად აღინიშნა მანგლისობის სახალხო დღესასწაული. მიმაჩნია, რომ მსგავსი ტიპის ღონისძიებები მნიშვნელოვანია საკურორტო დაბის პოპულარიზაციისთვის.მჯერა, რომ ჩვენ, ყველა ერთად შევძლებთ მანგლისი ვაქციოთ ტურისტებისთვის კიდევ უფრო მიმზიდველ ადგილად.გულითადად ვულოცავ მანგლისელებს და ყველა იმ ადამიანს ვისაც აქაურობა უყვარს ამ დღესასწაულს. „- განაცხადა გოგი მეშველიანმა 

ღონისძიების ფარგლებში მოეწყო ადგილობრივი წარმოების პროდუქციის გამოფენა/გაყიდვა და საბავშვო სივრცეები. დღის ბოლოს კი გაიმართა საინტერესო კონცერტი. 

მაჟორიტარი ასევე ესტუმრა მანგლისისა და თეთრიწყაროს მიტროპოლიტ მეუფე ანანიას და მეუფის დალოცვა მიღო. 

ღონისძიების მიზანია, მანგლისში კულტურის სფეროს განვითარების ხელშეწყობა, ადგილობრივი კულტურისა და ტრადიციების წარმოჩენა, მანგლისის, როგორც საკურორტო დასახლების პოპულარულ ტურისტულ ზონად გადაქცევა.

დღეს 7 აგვისტოს, დღესასწაულს გააგრძელებს ბეგა ფესტი, სახელმწიფო ანსამბლი ,,ნართების” ლიეტუვას ანსამბლი ,,ავე- ვიტას” ფოლკლორული ანსამბლი ,,გუდარეხის” და ჯგუფი ,,REGGAEON”- ის მონაწილეობით. ღონსძიება დასრულდება ელექტრონული მუსიკით.