არემჯის აღმასრულებელმა დირექტორმა თორნიკე ლიპარტიამ, საქართველოს ტექნიკური უნივერსიტეტის, საქართველოს მინერალოგიური საზოგადოების, გრიგოლ წულუკიძის სამთო ინსტიტუტის, ჰიდროგეოლოგიისა და საინჟინრო გეოლოგიის ინსტიტუტის მიერ ორგანიზებულ მე-8 საერთაშორისო სამეცნიერო-პრაქტიკულ  კონფერენციაში მიიღო მონაწილეობა.

20-21 ოქტომბერს, ორ დღიანი კონფერენციის ფარგლებში საკუთარი მოხსენებით 26 სპიკერი წარსდგება. განსახილველ თემებს შორის განსაკუთრებული ყურადღება დაეთმობა: სამთო საქმისა და გეოლოგიის აქტუალურ პრობლემების შეფასებას და გადაწყვეტის გზებს, მინერალური რესურსების როლს ქვეყნის ეკონომიკის განვითარებაში, გარემოსდაცვით ღონისძიებებს და სხვა.

კონფერენციის მონაწილეებს და სხვა დაინტერესებულ პირებს, ასევე შესაძლებლობა ექნებათ  გაეცნონ კონფერენციის ფარგლებში მომზადებულ 16 სასტენდო მოხსენებას, რომელიც საქართველოს მინერალოგიური საზოგადოების ვებ-გვერდზე http://www.msgeorgia2012.com/ პრეზენტაციის სახით გამოქვეყნდება.

არემჯი 2018 წლიდან საერთაშორისო სამეცნიერო-პრაქტიკულ  კონფერენციის გენერალური სპონსორია.  კონფერენციაზე წარმოთქმულ სიტყვაში, თორნიკე ლიპარტიამ ხაზი გაუსვა კომპანიას და უნივერსიტეტს შორის მრავალწლიანი თანამშრომლობის მნიშვნელობას და წარმატება უსურვა ყველა მონაწილეს.

,,მოხარული ვარ, რომ ჩვენ ასე მჭიდროდ ვთანამშრომლობთ საქართველოს ტექნიკურ უნივერსიტეტთან და არაერთი მნიშვნელოვანი საგანმანათლებლო ღონისძიებისა თუ პროექტის პარტნიორები და მხარდამჭერები ვართ. ვფიქრობ, ეს მდგრადი პარტნიორობა მნიშვნელოვანია, როგორც ახალგაზრდებისთვის, ისე ქვეყანაში სამთო-საქმისა და გეოლოგიის დარგის განვითარებისთვის. კონფერენცია მნიშვნელოვან პლატფორმას ქმნის დარგით დაინტერესებული პირებისთვის, გაცვალონ თანამედროვე მიდგომები და ცოდნა. – აღნიშნა „არემჯის“ აღმასრულებელმა დირექტორმა თორნიკე ლიპარტიამ.

დირექტორობის მსურველთა სერტიფიცირება ორ საფეხურს – ტესტირებასა და გასაუბრებას მოიცავს. სერტიფიცირების მსურველთა რეგისტრაცია 2022 წლის 24 ოქტომბრიდან 4 დეკემბრის ჩათვლით იქნება შესაძლებელი შემდეგ ბმულზე: https://directors.mes.gov.geაღსანიშნავია, რომ სერტიფიცირების პროცესში მონაწილეობის შესაძლებლობა მიეცემათ უმაღლესი განათლების მქონე საქართველოს მოქალაქეებს, რომელთაც მუშაობის არანაკლებ 3-წლიანი გამოცდილება აქვთ. 2020 წელს გამოცხადებული დირექტორობის მსურველთა შესარჩევი კონკურსის ფარგლებში უკვე დარეგისტრირებული პირები ხელახალ რეგისტრაციას აღარ საჭიროებენ.დირექტორობის მსურველთა საგამოცდო პროგრამა და ტესტის ნიმუშები 24 ოქტომბრიდან ხელმისაწვდომი იქნება ვებგვერდზე: https://directors.mes.gov.ge 26 ოქტომბრიდან დირექტორობის მსურველებს ექნებათ საშუალება, ვებგვერდზე https://el.ge ვებინარის სახით მიიღონ კონსულტაცია შემდეგ თემებზე:1. სკოლის დირექტორის სტანდარტი;2. განათლების ხარისხის მართვის მექანიზმები; 3. სკოლის სტრატეგიული დაგეგმვა და განვითარება; 4. სასკოლო კურიკულუმის შემუშავება; 5. სასკოლო კურიკულუმის დანერგვა: მოსწავლეზე ორიენტირებული პროცესი; 6. სასკოლო კურიკულუმის მონიტორინგი და შეფასება;7. ადამიანური რესურსების მართვა და განვითარება; 8. ადამიანებისა და პროცესების უსაფრთხოება; 9. მატერიალური და ფინანსური რესურსების მართვა; 10. საინფორმაციო რესურსები და სტრატეგიული კომუნიკაცია;11. მოსწავლეთა უფლებების დაცვა და მათი მხარდაჭერის ღონისძიებები; 12. სასკოლო კულტურის ფორმირება.სერტიფიცირებით დაინტერესებულ პირებს შესაძლებლობა ექნებათ, კონკრეტული შეკითხვები გამოაგზავნონ ელექტრონულ ფოსტაზე – directors@emis.ge. ამასთან, ხშირად დასმული კითხვების ანალიზის საფუძველზე, 2022 წლის 30 ოქტომბრიდან 16 დეკემბრის ჩათვლით პერიოდულად გაიმართება საინფორმაციო შეხვედრები, სადაც დაინტერესებული მხარეები მათთვის საინტერესო საკითხებზე ამომწურავ ინფორმაციას მიიღებენ. საქართველოს განათლებისა და მეცნიერების სამინისტროს ერთ-ერთ პრიორიტეტს სკოლის დირექტორის თანამდებობაზე, ჯანსაღი კონკურენციის პირობებში, მაღალკვალიფიციური და ღირსეული კადრების მოზიდვა წარმოადგენს. ამ მიმართულებით ბოლო წლებში არაერთი მნიშვნელოვანი ნაბიჯი გადაიდგა. მათ შორის, სამინისტრომ დირექტორობისა და სკოლების მართვის ახალი კონცეფცია შეიმუშავა, რომლის საფუძველზეც 2022 წელს, საერთაშორისო პარტნიორებთან თანამშრომლობით, სკოლის დირექტორის განახლებული სტანდარტი მომზადდა. ახალი სტანდარტი ორიენტირებულია სკოლის დირექტორის, როგორც საგანმანათლებლო ლიდერის ფუნქციების გაძლიერებაზე. დოკუმენტში, დირექტორის ფუნქცია-მოვალეობასთან ერთად, განსაზღვრულია ყველა ის მოთხოვნა, რომელსაც თანამედროვე ტიპის სკოლის ლიდერი უნდა აკმაყოფილებდეს.

ბოლნისის მუნიციპალიტეტის მერიის განათლების და ახალგაზრდობის საქმეთა განყოფილების უფროსი გიორგი საცკოვი სასწავლო ვიზიტით დანიაში,  ქალაქ კოპენჰაგენში იმყოფებოდა, სადაც შეხვედრები, ადგილობრივ არასამთავრობო ორგანიზაციებთან, თვითმმართველობის წარმომადგენლებთან, კოპენჰაგენის მერიის ახალგაზრდული დეპარტამენტის უფროსთან, დანიის ახალგაზრდულ საბჭოსთან, ახალგაზრდობის სააგენტოსთან და სხვადასხვა ქვეყნების წარმომადგენელ ელჩებთან გაიმართა,  საუბარი დაეთმო ახალგაზრდების ჩართულობის გაძლიერებას ადგილობრივ პროგრამებსა და ღონისძიებებში, შეხვედრებზე ისაუბრეს  სამომავლო თანამშრომლობასა და გაცვლით პროგრამებზე.

დანიაში ვიზიტი პროექტის „ახალგაზრდები დემოკრატიისთვის“  ფარგლებში განხორციელდა, რომელსაც  დანიური ორგანიზაცია „Corssing Bonduers” „მშვიდობისა და განვითარების საერთაშორისო ცენტრის ICPI  და ახალგაზრდული ასოციაცია „დრონის“ მიერ ხორციელდება.

შეგახსენებთ, რომ აღნიშნული პროექტის პირველ ეტაპზე წინასწარ შერჩეულმა თორმეტმა სამიზნე მუნიციპალიტეტის საბჭოს წევრმა გაიარა ტრენინგი, სადაც განხილული იქნა მუნიციპალური ახალგაზრდული პოლიტიკის განვითარების შესაძლებლობები. ისაუბრეს და ერთმანეთს გაუზიარეს გამოცდილება წარმატებული პროექტების ევროპული პროგრამების შესახებ.

საქარტველოს პარლამენტის, საფინანსო-საბიუჯეტო კომიტეტის თავმჯდომარის მოადგილემ, ბოლნისის,დმანისის,თეთრიწყაროსა და წალკის მაჟორიტარმა საქართველოს პარლამენტში ბოლნისის მუნიციპალიტეტის სოფელ ტალავერის N2 საჯარო სკოლის მოსწავლეებს უმასპინძლა.

„დღეს საქართველოს პარლამენტში სოფელ ტალავერის N2 საჯარო სკოლის მოსწავლეებს ვუმასპინძლე. ახალგაზრდებს პარლამენტის სასახლე დავათვალიერებინეთ და საპარლამენტო საქმიანობის შესახებ ვესაუბრე. ისინი, ასევე დაესწრნენ პლენარულ სხდომას. მადლობას ვუხდი არასამთავრობო ორგანიზაცია „სამოქალაქო თანასწორობის პლატფორმას“, მოსწავლეების პარლამენტში ვიზიტის ორგანიზებისთვის.“- განაცხადა გოგი მეშველიანმა.

DRG, მსოფლიოს განვითარებულ ქვეყნებში, დაფინანსების ფართოდ აპრობირებული მოდელია, რომლითაც ავტომატურად გამოითვლება ის სამართლიანი ფასი, რასაც სამინისტრო, მოქალაქეების ხარისხიანი მკურნალობისთვის გადაიხდის. დაფინანსების მოცულობას პაციენტის დიაგნოზი, ასაკი, ჰოსპიტალიზაციის ხანგრძლივობა და სხვა კრიტერიუმები განსაზღვრავს.

DRG სისტემის დანერგვის შემდეგ, სამედიცინო მომსახურების მიღებისას, პაციენტს, დამატებითი ხარჯების გაწევა აღარ მოუწევს და მხოლოდ იმ თანხას გადაიხდის, რასაც საყოველთაო ჯანდაცვის პროგრამის ფარგლებში, თანაგადახდის წილი ითვალისწინებს ( 0-დან 30%-მდე, საყოველთაო ჯანდაცვის პროგრამის პაკეტების შესაბამისად).

#ჯანდაცვა2022

ბოლნისის მუნიციპალიტეტის კერძო სკოლა „დავითიანის“ მეთორმეტე კლასის ორი მოსწავლე ნინი უგრეხელიძე და მაია მარტიაშვილი, ათდღიანი ვიზიტით, ლიეტუაში გაემგზავრებიან. მოსწავლეები Erasmus+ მოკლევადიანი გაცვლითი პროგრამის ფარგლებში, არაფორმალური განათლების მიმართულებით, ჩაერთვებიან სხვადასხვა აქტივობებსა და პროექტებში. Erasmus+ არის ევროკავშირის პროგრამა, რომელიც განათლების, ახალგაზრდობისა და სპორტის სფეროში, ევროპის ქვეყნებში, აწარმოებს  გაცვლით პროგრამებს.

„ახალგაზრდა მკვლევართა და ანალიტიკოსთა გაერთიანებასთან კერძო სკოლა „დავითიანმა“ გააფორმა ურთიერთთანამშრომლობის მემორანდუმი, რომლის მიზანია არაფორმალურ განათლებაში მოსწავლეთა უნარების განვითარება, ასევე სხვადასხვა პროექტებისა და აქტივობების განხორციელება. მემორანდუმის ფარგლებში ჩართულები არიან სკოლა „დავითიანის“ მოსწავლეები, რომლებიც მოკლევადიან გაცვლით პროგრამაში იღებენ მონაწილეობას, პირველ ეტაპზე ორი მოსწავლე მიემგზავრება ლიეტუაში,“ აღნიშნა სკოლა „დავითიანის“ ხარისხის მართვის მენეჯერმა ბელა უგრეხელიძემ.

საქართველოს პარლამენტში ბოლნისის, დმანისის, თეთრიწყაროსა და წალკის მაჟორიტარმა გოგი მეშველიანმა საფინანსო-საბიუჯეტო კომიტეტის სხდომაზე საქართველოს ფინანსთა მინისტრის პირველ მოადგილეს, გიორგი კაკაურიძეს ბოლნისში არსებულ გამოწვევებზე კითხვა დაუსვა.

„ როგორც იცით ბოლნისის მუნიციპალიტეტის ადგილობრივი ბიუჯეტი ფორმირდება ბუნებრივი რესურსებით სარგებლობის მოსაკრებლით და მიმდინარე წლიდან მოსაკრებელში კლების ტენდენციაა. შეიძლება ითქვას, რომ წელს წარმოდგენილი პროგნოზით , გასულ წელთან შედარებით ამ შემოსავლის მაჩვენებელი ნახევრდება, რაც ადგილობრივ ბიუჯეტში პრაქტიკულად 11 მილიონიან დეფიციტის წარმოშობის საშიშროებას ქმნის და რაც ყველაზე მნიშვნელოვანია ამ დეფიციტის გადაფარვის არანაირი წყარო თვითმმართველობას არ გააჩნია . მინდა გკთხოთ ბატონო გიორგი მსგავს არაორდინალურ შემთხვევებში რა მექანიზმები არსებობს წარმოდგენილ ბიუჯეტში , რომ ეს გამოწვევა იქნას დაძლეული და თუ არ არსებობს გთხოვთ, რომ განსაკუთრებული ყურადღება მიაქციოთ ამ საკითხს და რაღაც ერთობლივი გამოსავალი მოვიფიქროთ.“- განაცხადა გოგი მეშველიანმა.

მინისტრის მოადგილის თქმით მოსაკრებლის მოცულობა მართლაც შემცირებულია და ასეთ შემთხვევაში შეეცდებიან სპეციალური ტრანსფერით შეუწყონ ბოლნისს ხელი „მართლაც მოსაკრებლების მოცულობა შემცირებულია. ამას ნაწილობრივ დააკომპენსირებს დღგ-ის ზრდა, თუმცა არ ეყოფა და ალბათ სპეციალური ტრანსფერის სახით მოგვიწევს ხელშეწყობა ბოლნისის შემთხვევაში. ამაზე განხილვებს რომ დავასრულებთ, ჩვენ ბოლნისთან გვექნება შეხვედრა,”-განაცხადა გიორგი კაკაურიძემ.

მიმდინარე წლის 17 ოქტომბერს, ბოლნისის მუნიციპალიტეტის საკრებულოს მორიგი სხდომა გაიმართა. სხდომას უძღვებოდა საკრებულოს თავმჯდომარე თამაზ ჟორჟოლიანი. დღის წესრიგით განხილული იყო ერთი საკითხი. 1. ბოლნისის მუნიციპალიტეტის საკუთრებაში არსებული ქონების სახელმწიფოსთვის უსასყიდლოდ, საკუთრების უფლებით გადაცემის შესახებ. ხმათა უმრავლესობით მიღებულ იქნა დადებითი გადაწყვეტილება.

სექტემბრის თვეში გაიმართა ინდო-ქართული საერთაშორისო ფესტივალი, სადაც 60- ზე მეტი ქართველი ხელოვანი მონაწილეობდა, მათ შორის იყო ბოლნისის მკვიდრი, №3 საჯარო სკოლის პედაგოგი, ნონა პაპაშვილი. ის 21-25 სექტემბერს ინდოეთში, გოაზე გამართულ რიგით მერვე სპანდან-გლობალ ინდო-ქართულ არტ საერთაშორისო ონლაინ ფესტივალiში ცაერთო, სადაც გაიმარჯვა და მისი ნამუშევრები 5 საუკეთესოს შორის მოხვდა. ასევე საერთაშორისო ხელოვნების ჟურნალ „Spandan Artbeat“-ში, ნონას ბიოგრაფია და კონკურსში მონაწილე ნამუშევრებიდან მისი 3 ნაქარგი დაიბეჭდა. აღსანიშნავია, რომ ჟურნალი მსოფლიო მასშტაბით ვრცელდება. ინდო-ქართული ხელოვნების ფესტივალზე გამარჯვებულ მხატვარ შემოქმედთა საზეიმო დაჯილდოება თბილისში 26-29 სექტემბერს არტ-გალერეაში გაიმართა, სადაც ფინალისტები სერთიფიკატებითა და პრესტიჟული ჯილდოებით დააჯილდოვეს. სპანდან-გლობალ ინდო-ქართულ არტ საერთაშორისო ფესტივალმა საფუძველი დაუდო ინდო-ქართულ კულტურათა დიალოგს და ბევრ თანამედროვე ხელოვანს საერთაშორისო ასპარეზზე თვითგანვითარების საშუალება მისცა. ნონა პაპაშვილი: -ძალიან სასიხარულოა, რომ შრომა და წვალება ფასდება, ხელოვანისთვის ბედნიერებაა რომ მოსწონთ, აფასებენ, როცა შენი ნამუშევრები( ნაქარგები) საუკეთესო მხატვრებს შორის მსოფლიო დონის ხელოვნების ჟურნალში იბეჭდება. ანანტ ვიკას ჯეინი, ორგანიზატორი: -ქართველი ხელოვანების მონაწილეობით ჩატარდა არტ ფესტივალი, რომელიც 26-ში დაიწყო და 29-ში დასრულდა, სადაც მოხდა ონლაინ გამარჯვებულთა საზეიმო ვითარებაში დაჯილდოება. ფესტივალზე ყველას გადაეცა მონაწილეობის სერთიფიკატი. ინდურმა მხარემ დაბეჭდა ჟურნალი და კატალოგი, რომელშიც მოხვდნენ ფესტივალში მონაწილეები. ძალიან კმაყოფილი დავრჩი. შევიყვარე ეს ქვეყანა, ნიჭიერი ხალხი ცხოვრობს. სამომავლოდ, ვფიქრობთ, ერთობლივი ფესტივალების ჩატარებას.

ნონა პაპაშვილი:

-ძალიან სასიხარულოა, რომ შრომა და წვალება  ფასდება,  ხელოვანისთვის ბედნიერებაა რომ მოსწონთ, აფასებენ, როცა შენი ნამუშევრები( ნაქარგები) საუკეთესო მხატვრებს შორის მსოფლიო დონის ხელოვნების ჟურნალში იბეჭდება.

ანანტ ვიკას ჯეინი, ორგანიზატორი:

-ქართველი ხელოვანების მონაწილეობით ჩატარდა არტ ფესტივალი, რომელიც 26-ში დაიწყო და 29-ში დასრულდა, სადაც მოხდა ონლაინ გამარჯვებულთა  საზეიმო ვითარებაში დაჯილდოება. ფესტივალზე ყველას გადაეცა  მონაწილეობის სერთიფიკატი. ინდურმა მხარემ დაბეჭდა  ჟურნალი და კატალოგი, რომელშიც მოხვდნენ ფესტივალში მონაწილეები.  ძალიან კმაყოფილი დავრჩი. შევიყვარე ეს ქვეყანა,  ნიჭიერი ხალხი ცხოვრობს. სამომავლოდ, ვფიქრობთ, ერთობლივი ფესტივალების ჩატარებას.