ილია დარჩიაშვილი საგარეო საქმეთა მინისტრად დაინიშნა. ამის შესახებ მთავრობის ადმინისტრაციაში გამართულ ბრიფინგზე პრემიერ-მინისტრმა, ირაკლი ღარიბაშვილმა განაცხადა. დარჩიაშვილმა ამ თანამდებობაზე დავით ზალკალიანი შეცვალა, რომელიც აშშ-ში საქართველოს ელჩის პოზიციაზე გააგრძელებს მუშაობას.

„ბოლნისის მუზეუმი – მრავალფეროვნებისა და ინტეგრაციის კერა“- აღნიშნული პროექტის ფარგლებში, ბოლნისის ახალ მუზეუმს სოფელ შულავერის ეთნიკურად აზერბაიჯანელი, სომეხი და ქართველი ახალგაზრდების ჯგუფი სტუმრობდა, რომლებმაც მულტიკულტურულ საგანმანათლებლო სივრცეში თავმოყრილი ექსპონატები და არტეფაქტები დაათვალიერეს, გაეცნენ სამეცნიერო მნიშვნელობის არქეოლოგიურ მასალებს. ახალგაზრდები,  ასევე ესტუმრნენ  ქვემო ქართლში მოღვაწე რეწვის ოსტატებსაც.

პროექტი  საქართველოს ეროვნული მუზეუმისა და პარტნიორი ორგანიზაციის ტრადიციული რეწვის ასოციაციის მიერ ხორციელდება და ამერიკის საელჩოს მიერაა დაფინანსებული.

დარეჯან ძოწენიძე, საქართველოს ეროვნული მუზეუმის საგანმანათლებლო დეპარტამენტის ხელმძღვანელი:

-ეს პროექტი გულისხმობს რეგიონში არსებული კულტურული მემკვიდრეობის ძეგლების შესწავლის გზით მრავალეთნიკურ და მრავალკულტურულ მხარეში მრავალფეროვნების და ინტეგრაციის ხელშეწყობას, ვფიქრობ, რომ სწორედ მუზეუმს დიდი როლის შესრულება შეუძლია ამ საქმეში.

ანა შანშიაშვილი, საქართველოს ტრადიციული რეწვის ასოციაციის ხელმძღვანელი:

-ეროვნულ მუზეუმთან მჭიდრო თანამშრომლობით გვაქვს საინტერესო პროექტი, რომელიც ითვალისწინებს ბოლნისის ახალი მუზეუმი გადაიქცეს ერთგვარ ცენტრად მულტიკულტურულ საზოგადოებისთვის. პროექტის ფარგლებში ვაწყობთ ერთდღიან ტურებს და ახალგაზრდა ჯგუფებს ვაცნობთ რეგიონში მოღვაწე რეწვის ოსტატებს და ვსტუმრობთ მათ სახელოსნოებს, რაც ძალიან მნიშვნელოვანია ახალგაზრდების ცნობიერების ამაღლების კუთხით.

,,ყველა მუსლიმს რამაზანის წმინდა თვის დაწყებას ვულოცავ. დღეიდან მარხვა იწყება. მარხვა კი რწმენაში განმტკიცების, სულიერი სიმშვიდის მოპოვების საშუალებაა, სწორედ ამიტომ ეს პერიოდი თითოეული მორწმუნესთვის განსაკუთრებულია. კიდევ ერთხელ გილოცავთ რამაზანის თვის დაწყებას, ყველას ერთიან და ძლიერ საქართველოში მშვიდობიან თანაცხოვრებას გისურვებთ”- ბოლნისის მუნიციპალიტეტის მერი დავით შერაზადიშვილი.

ბოლნისის, დმანისის, თეთრიწყაროსა და წალკის მაჟორიტარი საქართველოს პარლამენტში გოგი მეშველიანი საქართველოში მცხოვრებ მუსლიმებს წმინდა რამაზანის თვის დადგომას ულოცავს. „რამაზანის თვის დადგომას გილოცავთ საქართველოში მცხოვრებ მუსლიმებს! ამ თვის დასაწყისი ყოფილიყოს თითოეული თქვენგანისთვის ბედნიერების, სიკეთის, ჯანმრთელობის მომტანი. მოთმინებას, თავმდაბლობას და სულიერ სიმშვიდეს გისურვებთ.“- გოგი მეშველიანი.

ბოლნისის მუნიციპალიტეტის მერი კონფერენციას სახელწოდებით “საქართველოს მუნიციპალიტეტების მიერ სოციალურ და ჯანდაცვის სფეროში დელეგირებული უფლებამოსილებების აღსრულების გამოცდილების შეფასება და კარგი პრაქტიკების გამოვლენა“ დაესწრო

გაეროს განვითარების პროგრამის (UNDP), დანიის საგარეო საქმეთა სამინისტროსა და საქართველოს მთავრობის მხარდაჭერით, განხორციელებული პროექტის – “დეცენტრალიზაციისა და კარგი მმართველობის ხელშეწყობა ადგილობრივ დონეზე“ ფარგლებში, საქართველოს ადგილობრივ თვითმმართველობათა ეროვნული ასოციაციის (NALAG) ორგანიზებით, ეროვნული კონფერენცია “საქართველოს მუნიციპალიტეტების მიერ სოციალურ და ჯანდაცვის სფეროში დელეგირებული უფლებამოსილებების აღსრულების გამოცდილების შეფასება და კარგი პრაქტიკების გამოვლენა“ გაიმართა.

კონფერენციას საქართველოს მთავრობის, პარლამენტის, ადგილობრივი ხელისუფლების, საერთაშორისო ორგანიზებისა და სოციალურ სფეროში მომუშავე არასამთავრობო ორგანიზაციების წარმომადგენლები ესწრებოდნენ. ღონისძიებაში მონაწილეობა ბოლნისის მუნიციპალიტეტის მერმა დავით შერაზადიშვილმაც მიიღო.

ეროვნული კონფერენციის დღის წესრიგი მოიცავდა მუნიციპალიტეტების მიერ სოციალური და ჯანდაცვის სფეროში უფლებამოსილებათა განხორციელების შედეგებისა და გამოწვევების განხილვას, კვლევის „მუნიციპალიტეტების შესაძლებლობათა შეფასების შესახებ“ ანგარიშის წარდგენას.

შეგახსენებთ, რომ საქართველოს ადგილობრივ თვითმმართველობათა ეროვნულმა ასოციაციამ 2019 წლის „საუკეთესო პრაქტიკის კონკურსში“ მერიის პროექტი, რომელიც შშმ პირებს სხვადასხვა სერვისს სთავაზობს, ნომინაციაში “მუნიციპალური სოციალური პროგრამები მოწყვლადი ჯგუფებისთვის” საუკეთესოდ აღიარა. საერთო ჯამში, „საუკეთესო პრაქტიკის კონკურსში“ ბოლნისის მუნიციპალიტეტმა ზედიზედ ოთხჯერ გაიმარჯვა. 2021 წელს კი მუნიციპალიტეტს ეს ჯილდო ერთდროულად ორ ნომინაციაში გადაეცა.

უკრაინაში მიმდინარე საომარი მოქმედებების შედეგად, საქართველოში ჩარჩენილი უკრაინის 4 მოქალაქე ბოლნისში მცხოვრებმა ჯაბა სამსიანისა და მედეა ჯაფარიძის ოჯახმა შეიფარა. ბოლნისში დროებით მყოფი უკრაინელები ბოლნისის მუნიციპალიტეტის მერმა დავით შერაზადიშვილმა, მოადგილესთან ვალენტინა ნავერიანთან ერთად მოინახულა. დავით შერაზადიშვილი უკრაინის მოქალაქეების საჭიროებებს გაეცნო და მათ სოლიდარობა კიდევ ერთხელ გამოუცხადა.დავით შერაზადიშვილის გადაწყვეტილებით, ბოლნისის მუნიციპალიტეტი უკრაინის მოქალაქეებს, მათი საჭიროებებიდან გამომდინარე, შესაბამის დახმარებას აღმოუჩენს.„უკრაინაში მიმდმინარე საომარი მოქმედებების შედეგად, საქართველოში ჩარჩენილი უკრაინის 4 მოქალაქე ბოლნისში მცხოვრებმა ჯაბა სამსიანისა და მედეა ჯაფარიძის ოჯახმა შეიფარა. მსურს, ბატონ ჯაბა სამსიანისა და ქალბატონ მედეა ჯაფარიძის ოჯახს, უკრაინელი ტურისტების შეფარებისთვის დიდი მადლობა გადავუხადო. ქართველი ხალხი უკრაინელების გვერდით დგას და მათ სოლიდარობას უცხადებს. ვიმედოვნებ, რომ უკრაინაში მშვიდობა მალე დაისადგურებს“, – განაცხადა ბოლნისის მუნიციპალიტეტის მერმა დავით შერაზადიშვილმა.

ქართულ-ამერიკული დიპლომატიური ურთიერთობების 30 წლის საიუბილეო დღესთან დაკავშირებით, აშშ-ის ელჩი ქალბატონი კელი დეგნანი, “Peace Corps Georgia”დირექტორი ჯეფრი გოვეია, USAID საქართველოს წარმომადგენლები და USAID საბაზისო განათლების პროგრამის წარმომადგენლები ბოლნისის მუნიციპალიტეტის სოფელ ნახიდურის საჯარო სკოლას ესტუმრნენ. ,,საინტერესო და სასიამოვნო იყო მათი სტუმრობა, შეხვედრაზე ისაუბრეს ამერიკული ორგანიზაციების პროექტების გავლენაზე ქართულ საგანმანათლებლო სისტემაში, კერძოდ, ნახიდურის საჯარო სკოლაში წარმატებით განხორციელებული პროგრამების შესახებ,”აღნიშნულ ინფორმაციას ნახიდურის სკოლა აქვეყნებს.