საქართველოს განათლებისა და მეცნიერების სამინისტროს პროგრამის „ჩემი პირველი კომპიუტერის“ ფარგლებში დღეს, ბოლნისის მუნიციპალიტეტის საჯარო სკოლების მოსწავლეები, რომელთაც საბაზო საფეხური წარმატებით დაასრულეს, პორტაბელური კომპიუტერებით დააჯილდოვეს.
40 წარმატებულ მოსწავლეს კომპიუტერები საზეიმო ვითარებაში, მუნიციპალიტეტის მერმა დავით შერაზადიშვილმა, საქართველოს პარლამენტის წევრმა გოგი მეშველიანმა და რესურსცენტრის ხელმძღვანელმა ია სვანიძემ გადასცეს.
პროგრამა „ჩემი პირველი კომპიუტერის“ მიზანია მოსწავლეთა მოტივაციის ამაღლება.
