ბოლნისის მუნიციპალიტეტში გაზიფიცირების სამუშაოები აქტიურად მიმდინარეობს, სოფელ დისველის და აკაურთის შემდეგ, ბუნებრივი აირის ოჯახებში შეყვანის პროცესი ამჯერად ტანძიაში და მამხუტში გრძელდება. გაზიფიცირების შემდგომ სოფლებში მთავარი პრობლემა მოგვარდება. გასულ წელს საქართველოს მთავრობის განკარგულების თანახმად, ადგილობრივი ხელისუფლების და მაჟორიტარი დეპუტატის ინიციატივით, 19 სოფელში გაზის ტრანსპორტის კომპანიამ, მაგისტრალის მშენებლობა განახორციელა. მუნიციპალიტეტის მასშტაბით ამ დროისთვის გაზიფიცირებულია 37 სოფელი, დარჩენილ თერთმეტ სოფელში კი ქსელის მონტაჟი უახლოეს მომავალში მოხდება.
