„სოფლის მხარდაჭრის პროგრამის“ ფარგლებში მოსახლეობასთან შეხვედრები აქტიურ რეჟიმში მიმდინარეობს. 12 თებერვალს, ბოლნისის მუნიციპალიტეტის ხელმძღვანელმა პირებმა, სოფელ ჭაპალაში, მწყნეთსა და რაჭისუბანში ადგილობრივებისგან წამოჭრილი პრობლემები და საჭიროებები მოისმინეს.
შეხვედრის ფარგლებში, ყურადღება გამახვილდა შიდა გზების კეთილმოწყობაზე, სარწყავი არხების მოწესრიგებასა და სოფლებისთვის სხვადასხვა პრიორიტეტულ საკითხებზე.
„სოფლის მხარდაჭერის პროგრამა“, რომელიც რეგიონებში განსახორციელებელი პროექტების ფონდიდან ფინანსდება, მიზნად ისახავს სოფლად არსებული ინფრასტრუქტურის მოწესრიგებასა და მოსახლეობის პრობლემების მოგვარებას.
