Teatr festivalı və sevgi dolu tamaşaçı

Tbilisidə “Çinturaka” Uşaq Musiqili Teatrının təşkilatçılığı ilə Tbilisidə Beynəlxalq Teatr Gününə həsr olunmuş gənclərin teatr həftəsi keçirilib. Həftədə Tbilisi, Bolnisi və Mtsxetinin uşaq və gənclər teatrları iştirak edirdi. Birinci gün Bolnisi Mədəniyyət Mərkəzinin “Yuxu və gerçəklik” tamaşasını (T.Çiladzenin “Gizləyici balladası” əsasında) təqdim edən “Nağıl 2” uşaq teatrına (rejissor İzo Niavadze) həsr olunub. Tbilisi şəhər 124 saylı dövlət məktəbinin şagirdləri Bolnisinin tamaşasına qatılıb, onlar balaca aktyorlarla xatirə şəkli çəkdirib, teatrın digər tamaşalarına baxmaq arzularını bildiriblər. “Teatr üçün öz gücünü yad mühitdə sınamaq, maarifləndirmək və sadəcə olaraq adi bir günü yaddaqalan günə çevirmək çox vacibdir. Dəstəyiniz üçün hamınıza təşəkkür edirik. “Nağıl-2” teatrının tarixinə daha bir maraqlı səhifə yazılıb. Tiflisdəki 124 saylı dövlət məktəbinin müəllimləri bizim üçün hərarət dolu sözlərini əsirgəmədilər”.- “Nağıl 2”nin rəhbəri İzo Niavadze qeyd edib. -Nana Butsxrikidze: -Tamaşa heyrətamiz sənətkarlıqla doymuşdu, aktyorluq məharəti ən yüksək səviyyədə nümayiş etdirildi, gənc aktyorlar tamaşaçılara emosiya və hissləri çatdırmağı mükəmməl bacardılar. Gənc nəslimizə parlaq gələcək yaradan rejissora təşəkkürlər. Nato Avalian: – Tələbələrlə birlikdə tamaşada iştirak etdim, heyrətamiz ifa idi, tamaşanı çox bəyəndik, bu işə görə İzo xanıma təşəkkür etmək istəyirəm, o, uzun müddətdir ki, bu işə xidmət edir və tələbələrlə gözəl sənəti bölüşür. . Elena Gvelesian: -Tələbələrimizin gününü şənliyə çevirdikləri üçün İzo xanıma və onun balaca aktyorlarına təşəkkürlər, bizə böyük zövq verdilər, onlara uğurlar arzulayıram.