სამოქალაქო განათლებისა და რეაბილიტაციის ცენტრის ორგანიზებით, ბოლნისის მუნიციპალიტეტის მერიის მცირე დარბაზში, დამსაქმებელი და დასაქმებული პირებისთვის საინფორმაციო შეხვედრა გაიმართა თემაზე „ანტიდისკრიმინაციული პოლიტიკის შექმნა და დანერგვა სხვადასხვა სამუშაო ადგილებზე“. შეხვედრის ორგანიზატორმა დამსწრე საზოგადოებისთვის ვრცლად ისაუბრა ქალთა შრომით უფლებებზე და სექსუალურ შევიწროებაზე.
დღევანდელი საინფორმაციო შეხვედრა ბოლნისის მუნიციპალიტეტის მერიის მხარდაჭერით და ქალთა ფონდის დაფინანსებით გაიმართა.
აშშ-ს საერთაშორისო განვითარების სააგენტოს (USAID) და ეროვნულ-დემოკრატიული ინსტიტუტის (NDI) მხარდაჭერით, პროექტის „არადომინანტური ჯგუფების საჭიროებების მარნეულის, ბოლნისი და დმანისის პოლიტიკურ დღის წესრიგში დაყენება კვლევის, ადვოკატირებისა და მონიტორინგის გზით“ ფარგლებში, პლატფორმამ „სალამ“ ბოლნისის მუნიციპალიტეტში მცხოვრები აზერბაიჯანელი მოქალაქეების საჭიროებების გამოვლენის მიზნით, კვლევა მოამზადა.შეხვედრაზე პლატფორმა „სალამ“-ის წარმომდგენლებმა ბოლნისის მუნიციპალიტეტის მერს დავით შერაზადიშვილსა და პირველ მოადგილე ბუბა გობეჯიშვილს კვლევის შედეგები და რეკომენდაციები გააცნეს.
ამ დროისთვის, მიმდინარეობს სათავე ნაგებობამდე გზის გაყვანითი და მოსამზადებელი სამუშაოები, რის შემდეგაც დაიწყება მაგისტრალური მილის რეაბილიტაცია, ახალი რეზერვუარების მშენებლობა და გამანაწილებელი ქსელის მოწყობა. სამუშაოები 2023 წლის გაზაფხულში დასრულდება, შედეგად სამივე სოფლის მოსახლეობა 24 საათიანი წყალმომარაგებით ისარგებლებს. პროექტის განსახორციელებლად სახელმწიფო ბიუჯეტიდან 6 მილიონ ლარზე მეტია გამოყოფილი. გარდა ამისა, გამოცხადებულია ტენდერი – ბოლნისის, დაბა კაზრეთისა და სოფლების: ბალიჭის, ქვეშის, ძეძვნარიანის წყლის სისტემების მშენებლობა-რეაბილიტაციაზეც.
4 აგვისტოს, ბაღის პედაგოგებისთვის ქალაქ რუსთავის ცენტრალურ საავადმყოფოში, ტუბერკულოზისა და ფილტვის დაავადებათა გამოკლევები ჩატარდა.
👤,,დღეს, 110 ბაღის პედაგოგი მიიღებს უფასო სამედიცინო გამოკვლევას. აღნიშნული პროგრამა მასშტაბურია და მოიცავს ქვემო ქართლის რეგიონის ყველა მუნიციპალიტეტს.
ბოლნისის, გარდაბნის, დმანისის, თეთრიწყაროს, წალკის, მარნეულის მუნიციპალიტეტების და ქალაქ რუსთავის მერია აქტიურად ჩაერთვება აღნიშნულ პროგრამაში.
15, 16 და 17 აგვისტოს უფასო გამოკვლევებით სარგებლობას რეგიონის მასშტაბით არსებული ბაღების ყველა პედაგოგი შეძლებს. მნიშვნელოვანია, ვიზრუნოთ ადგილობრივი მოსახლეობის ჯანმრთელობაზე“-
გიორგი დოხტურიშვილი, ქვემო ქართლში სახელმწიფო რწმუნებული.
დღეს, სახელმწიფო რწმუნებულის მოადგილეები, ნიკა კობახიძე და კახა კობერიძე, სამედიცინო გამოკვლევების მიმდინარეობას ადგილზე გაეცნენ.
საქართველოს განათლებისა და მეცნიერების მინისტრმა მიხეილ ჩხენკელმა და გაეროს ბავშვთა ფონდის წარმომადგენელმა საქართველოში, ღასან ხალილმა ურთიერთთანამშრომლობის მემორანდუმს მოაწერეს ხელი, რომელიც საქართველოს სკოლებში მოსწავლეთა სასკოლო კვების პროგრამის დანერგვის ხელშეწყობის კუთხით კონკრეტული ნაბიჯების გადადგმას ითვალისწინებს.
მემორანდუმის ფარგლებში საქართველოს განათლებისა და მეცნიერების სამინისტროს განათლების ხარისხის განვითარების ეროვნული ცენტრი და მასწავლებელთა პროფესიული განვითარების ეროვნული ცენტრი, გაეროს ბავშვთა ფონდთან ერთად, სასკოლო კვების პროგრამის საკითხზე ერთობლივად იმუშავებენ. კერძოდ, საგანგებოდ შექმნილი უწყებათაშორისი სამუშაო ჯგუფი გააანალიზებს სასკოლო კვების პროგრამების მსოფლიო პრაქტიკებს, ჩაატარებს სიტუაციურ ანალიზსა და შეაფასებს არსებულ ვითარებას ლოკალური ინფრასტრუქტურული და ლოჯისტიკური საჭიროებების იდენტიფიცირების მიზნით. მხარეები ასევე შეიმუშავებენ სასკოლო კვების შესაძლო მოდელებსა და ხარისხობრივ სტანდარტებს, საკანონმდებლო/მარეგულირებელ ბაზებს და ჯანსაღი კვების კურიკულუმს. გარდა ამისა, დოკუმენტი, სასკოლო კვების პროგრამის შესახებ ცნობიერების ამაღლების მიზნით, მასშტაბური კამპანიის ჩატარებასაც ითვალისწინებს.
UNICEF-ი აქტიურად იქნება ჩართული პროექტის შემუშავებისა და იმპლემენტაციის მიმართულებით.
საქართველოს პარლამენტში ბოლნისის, დმანისის, თეთრიწყაროსა და წალკის მაჟორიტარი გოგი მეშველიანი კოლეგა, ბაია კვიციანთან ერთად თეთრიწყაროს მუნიციპალიტეტში იმყოფებოდა , სადაც სამუშაო შეხვედრა გამართეს თვითმმართველობის ორგანოების წარმომადგენლებთან, ადგილობრივ დონეზე მომუშავე არასამთავრობო ორგანიზაციებთან, ქალებისა და გოგოების ფოკუს ჯგუფებთან. აღსანიშნავია, რომ შეხვედრა პარლამენტის გენდერული საბჭოს ინიციატივით განხორციელდა თემატური მოკვლევის ჯგუფის მუშაობის ფარგლებში. შეხვედრას უძღვება თემატური მოკვლევის წევრი ბაია კვიციანი. „მიმაჩნია, რომ მსგავსი კვლევები დაგვეხმარება საჭიროებებისა და გამოწვევების ზუსტი სურათის გამოვლენაში, რაც შემდგომში მოგვცემს შესაძლებლობას აღმოვფხვრათ არსებული სირთულეები და შევქმნათ თანაბარი გარემო პირობები.“ განაცხადა გოგი მეშველიანმა.
ბოლნისის კულტურისა და დასვენების პარკს, რომელიც შვაბმა კოლონისტებმა, ბურგომისტრ გოლდსლოპ ალფემინგერის მეთაურობით 4 ჰექტარზე გააშენეს, 2023 წელს დაარსებიდან 100 წელი უსრულდება
სამხარეო–საკონსულტაციო საბჭოს სხდომას ბოლნისის მუნიციპალიტეტის მერი დავით შერაზადიშვილი, ბოლნისის მუნიციპალიტეტის საკრებულოს თავმჯდომარის მოადგილეები, ქვემო ქართლში სახელმწიფო რწმუნებულის, გიორგი დოხტურიშვილის მოადგილეები, რეგიონისა და ადგილობრივი თვითმმართველობების ხელმძღვანელი პირები და ქვემო ქართლის რეგიონული განვითარების სააგენტოს აღმასრულებელი დირექტორი, მიხეილ ღურწკაია დაესწრნენ. საბჭოს წევრებმა სამუშაო ფორმატში დღის წესრიგით გათვალისწინებული საკითხები განიხილეს, მათ შორის რეგიონში დამატებით განსახორციელებელი პროექტები და სახელდების რეფორმა.
მხარისთვის ინფრასტრუქტურული პროექტების განსახორციელებლად, ცენტრალური ბიუჯეტიდან საერთო ჯამში დამატებით 18 550 000 ლარი გამოიყო, რომლითაც 40-მდე პროექტი დაფინანსდება. თითოეულ მუნიციპალიტეტს რეგიონში განსახორციელებელი პროექტების ფონდიდან 2 650 000 ლარი გადაეცემა.
სახელდების და დამისამართების რეფორმა ქვემო ქართლის რეგიონისთვის ერთ-ერთი პრიორიტეტული საკითხია. ამ ეტაპზე 132 ქუჩა უკვე დამისამართებულია. დაწყებულია რეფორმის მეორე ეტაპი და 259 ქუჩის დამისამართება მიმდინარე.
მხიარული და თავგადასავლებით სავსე ბედნიერი დღეები -ასე ატარებენ ზაფხულის ცხელ დღეებს ბოლნისში მყოფი ბავშვები,რომელთა გახარებაზეც კულტურის სახლმა ცენტრის ხელმძღვანელობასთან ერთად იზრუნა,თოჯინების თეატრის დამფუძნებლის თამარ ბობოხიძის იდეა განხორციელდა სახელმწიფო მზრუნველობის ქვეშ მყოფი და უკრაინიდან იძულებით გადაადგილებული ბავშვებისთვის ხელოვნების საზაფხულო სკოლა გაიხსნა. მოთხოვნა დიდია, ბავშვთა რაოდენობა მზარდი,ამიტომ სკოლა ფუნქციონირებას აგრძელებს. კულტურის სახლში მათთვის სასიამოვნო გარემოა შექმნილი, აქ ბავშვებისთვის შემეცნებითი,საგანმანათლებლო და გასართობი ხასიათის გაკვეთილები ტარდება, მათ გართობაზე კულტურის სახლის თანამშრომლები ზრუნავენ, რომლებიც მოსწავლეების ინტერესებიდან გამომდინაე გეგმავენ აქტივობებს
სამების საკათედრო ტაძარში გუდაურში ვერტმფრენის ჩამოვარდნის შედეგად დაღუპულთა სამოქალაქო პანაშვიდი ჩატარდა.
ტრაგიკულად დაღუპულებისთვის პატივის მისაგებად ტაძარში დილიდან შინაგან საქმეთა სამინისტროს საგანგებო სიტუაციების მართვის სამსახურისა და ჯანდაცვის სამინისტროს თანამშრომლები, ასევე რიგითი მოქალაქეები მივიდნენ
სამოქალაქო პანაშვიდის დასრულების შემდეგ გმირების გადასვენება მოხდება , ისინი საგვარეულო სასაფლაოზე დაიკრძალებიან.
© შპს "გაზეთი ბოლნისი" 2014 - 2024 წწ
