ბოლნისის მუნიციპალიტეტის მერიის მიერ მხარდაჭერილი საზოგადოებრივი გაერთიანება ,,ეროვნული იმპერატივის’’ პროექტი დასრულდა. ერთი  წლის მანძილზე ,,ილია ჭავჭავაძის შემოქმედებითმა კლუბმა’’ ბოლნისელი მოსწავლეებისთვის თორმეტი აქტივობა  განახორციელა. შემაჯამებელი ღონისძიების თემა  განათლება, აღზრდა, შემეცნება და სამოქალაქო  კულტურა იყო, მოეწყო სემინარი და შემეცნებითი თამაშები,რის შემდეგაც პროექტი საზეიმოდ დაიხურა, სერთიფიკატებით დაჯილდოვდნენ აქტიური მონაწილეები, ხოლო პროექტის წარმატებით განხორციელებაში შეტანილი წვლილისთვის  მადლობის სიგელი გადაეცა ბოლნისის მუნიციპალიტეტის მერიის  განათლების, კულტურის, სპორტისა და ახალგაზრდული საქმეთა  სამსახურის უფროსს.

საზოგადოებრივი გაერთიანება ,,ეროვნული იმპერატივის ‘’ პროექტი მიზნად ისახავდა რეგიონში კულტურისა და საგანმანათლებლო სივრცის სტიმულირება – წახალისებასა და ხელშეწყობას,არაფორმალური განათლების კომპონენტების დანერგვასა და პოპულარიზაციას,ახალგაზრდების სახელმწიფოებრივი და სამოქალაქო ცნობიერების ამაღლებას.

ბოლნისის სპორტულ ცხოვრებაში ახალ ტრადიციას ჩაეყარა  საფუძველი, ქართული სპორტის დიდი ქომაგის,  ზურაბ პეტრიაშვილის სახელობის ტურნირი ამიერიდან ყოველწლიურად ჩატარდება. მიმდინარე ტურნირში მხოლოდ ადგილობრივი ფეხბურთელები მონაწილეობდნენ, როგორც ერთ-ერთი ორგანიზატორი აცხადებს, მომავალი წლიდან  სხვადასხვა მუნიციპალიტეტის გუნდებიც ჩაერთვებიან. ტურნირის ჩატარების იდეა ზურაბ პეტრიაშვილის სამეგობროს ინიციატივით გაჩნდა და მიზანი სპორტის ამ სახეობის პოპულარიზაციაა. ბოლნისის კულტურისა და დასვენების  პარკში ტურნირი 21 დეკემბერს გაიმართა, გამოვლინდნენ   გამარჯვებულები.  პირველ ადგილზე გასულმა  გუნდმა  გარდამავალი თასი, მედლები და სიგელები მიიღო,ხოლო მეორე ადგილზე გასული მედლებით და სიგელებით დაჯილდოვდა.

25 დეკემბერს, ბოლნისის მთავარი საახალწლო ნაძვის ხე საზეიმოდ აინთება.
ღონისძიება სხვადასხვა აქტივობით იქნება დატვირთული.

პროგრამა:

16:00 საათი – სახალხო სეირნობა, ბოლნისის მუნიციპალიტეტში მცხოვრები ხელოვანი ადამიანების თვითნაკეთი ნივთების, აგრეთვე სახვითი და გამოყენებითი ხელოვნების ფართო სპექტრის გამოფენა – გაყიდვები და სხვადასხვა საახალწლო ინსტალაცია, საზოგადოების მხრიდან ფოტო – სესიის გამართვა ანიმაციის სხვადასხვა გმირთან.

17:00 საათი – პატარებისათვის გაიმართება კულტურის სახლთან არსებული თოჯინების თეატრის სპექტაკლი „სათაგური“.

17:15 საათი – ბოლნისის მუნიციპალიტეტის კულტურისა და ხელოვნების წარმომადგენელთა კონცერტი.

18:00 საათი – ბოლნისის მუნიციპალიტეტის მთავარი ნაძვისხის სახალხო – სადღესასწაულო ანთების ცერემონია.
მობრძანდით და ერთად შევიქმნათ წინასაახალწლო განწყობა!

ბოლნისი წელს უკვე მეორედ გახდა საქართველოში საუკეთესო პრაქტიკის მქონე მუნიციპალიტეტი, ნომინაციაში ,,მუნიციპალური სოციალური პროგრამები მოწყვლადი ჯგუფებისთვის”.
საქართველოდან 38 პროექტი იქნა წარდგენილი და აქედან მხოლოდ 5 მუნიციპალიტეტი გახდა გამარჯვებული: ბოლნისი, ქუთაისი, ცაგერი, ზუგდიდი და ბათუმი.

24 და 26 დეკემბერს 17 საათზე,  ბოლნისის მუნიციპალიტეტის კულტურის ცენტრი და  კულტურის სახლთან არსებული თოჯინების თეატრი გეპატიჟებათ ,,მელია დედობილის საშობაო ზღაპარზე“. თქვენ გელით დაუვიწყარი საშობაო  მასკარადი, ზღაპარი, სადაც თოჯინები ცოცხლდებიან და ნამდვილ გმირებად იქცევიან.

სეანსები გაიმართება ბოლნისის მუნიციპალიტეტის მთავარი ბიბლიოთეკის დარბაზში. 

ბილეთის ფასია 2 ლარი.

ბოლნისის მუნიციპალიტეტის მერმა დავით შერაზადიშვილმა სოფელ სავანეთში, ხიდისყურსა და ქვემო ბოლნისში მცხოვრები სამი შშმ პირი მოინახულა, მათ საჭიროებებს ადგილზე გაეცნო და საჩუქრად ეტლები გადასცა.

პროექტი ბოლნისის მუნიციპალიტეტმა ასოციაცია „საქართველოს ქალები მშვიდობისა და სიცოცხლისათვის“ მხარდაჭერით განახორციელა. აღსანიშნავია, რომ ბოლნისის მუნიციპალიტეტმა პარტნიორ არასამთავრებო და კერძო ორგანიზაციბთან თანამშრომლობის შედეგად 2017-2019 წლებში ბოლნისში მცხოვრებ სხვადასხვა ასაკის შშმ პირს ჯამში 27 ეტლი გადასცა.

“დღეს მოგვეცა შესაძლებლობა მუნიციპალიტეტში მცხოვრები შშმ პირებისთვის გადაგვეცა სამედიცინო ეტლი. ეს აქცია დღეს არ მთავრდება და ჩვენ მაქსიმალურ მხარდაჭერას აღმოვუჩენთ ყველა იმ პირს, რომლებიც ეტლით სარგებლობენ და მისი შეცვლის საჭიროება გააჩნიათ. მინდა მადლობა გადავუხადო ასოციაციას ,,საქართველოს ქალები მშვიდობისა და სიცოცხლისთვის“, რომელიც ჩვენი საიმედო პარტნიორია. ბოლნისის მუნიციპალიტეტი მუდმივად ზრუნავს განსაკუთრებული საჭიროებების მქონე პირებისთვის პირობების გაუმჯობესებაზე. ამ მხრივ მუნიციპალიტეტი ახორციელებს არაერთ სოციალურ პროგრამას, რომლებიც უშუალოდ ამ შშმ პირების საჭიროებებზეა მორგებული” , – განაცხადა ბოლნისის მუნიციპალიტეტის მერმა დავით შერაზადიშვილმა.

 „არემჯის“ მენეჯმენტის გადაწყვეტილებით, კომპანიაში 17 დეკემბერი სამთოელის დღედ გამოცხადდა. 

პროფესიული დღის აღსანიშნავად, „არემჯის“ კაზრეთის ოფისში საზეიმო ღონისძიება გაიმართა, რომელზეც 2019 წლის საუკეთესო სამთოელები დაჯილდოვდნენ. 

ღონისძიებას ბოლნელი მთავარეპისკოპოსი, ბოლნისის მაჟორიტარი დეპუტატი, მუნიციპალიტეტის მერი, ასევე ქვემო ქართლის სახელმწიფო რწმუნებულის ადმინისტრაციის  წარმომადგენლები ესწრებოდნენ. კომპანიის თანამშრომლებს სამთოელის დღე საქართველო ტექნიკური უნივერსიტეტისა და პროფესიული სასწავლებლის წარმომადგენლებმა მიულოცეს. მათ ღონისძიებაზე  კომპანიასა და საგანმანათლებლო დაწესებულებებს შორის წარმატებულ თანამშრომლობაზე ისაუბრეს.

„წმინდა ბარბარეს ხსენების დღე, რომელიც არის სამთოელების მფარველი, პროფესიულ დღედ დავაწესეთ და დასვენებად გამოვაცხადეთ. ის თანამშრომლები, რომლებიც 24 საათიანი საწარმოო ციკლის გამო ვერ შეძლებენ დასვენებას, აღნიშნული დღის შრომის ანაზაურებას ორმაგი ოდენობით მიიღებენ.  მინდა მივულოცო თითოეულ თანამშრომელს სამთოელის დღე, მადლობა 00გადავუხადო მათ ერთგულებისა და თავდაუზოგავი შრომისათვის. დღეს ძალიან კარგ ტრადიციას ჩაეყარა საფუძველი, ყოველწლიურად 17 დეკემბერს „არემჯის“ წლის შემაჯამებელ  ღონისძიებას გავმართავთ და საუკეთესო სამთოელებს გამოვავლენთ. ვულოცავ წლევანდელ გამარჯვებულებს და იმედი მაქვს, რომ ეს იქნება სტიმული ყველა თანამშრომლისთვის“ – განაცხადა არემჯის აღმასრულებელმა დირექტორმა თორნიკე ლიპარტიამ.

ადგილობრივი და ცენტრალური ხელისუფლების წარმომადგენლების მოსახლეობასთან  ღია შეხვედრების დროს, ხატისოფლისა და ცურტავის მოსახლეობამ, სასმელი წყლის  პრობლემის მოგვარება მოითხოვა, რასაც მყისიერი რეაგირება მოჰყვა და აღნიშნული საკითხი გადაიჭრა. ქვემო ქართლის სამხარეო ადმინისტრაციის ჩართულობითა და ბოლნისის მუნიციპალიტეტის ძალისხმევით, ხატისოფელში წყლის ტუმბო გამოიცვალა, ახალი დანადგარის საშუალებით კი 80 ტონიანი რეზერვუარის შევსებაა შესაძლებელი. პარალელურად, ბოლნისის მუნიციპალიტეტის გამწვანების სამსახურმა ტერიტორია, სადაც  ჭაბურღილი და წყლის რეზერვუარია დამონტაჟებული, ეკალ-ბარდისგან გაასუფთავა.

სასმელი წყლის პრობლემა გადაიჭრა ასევე სოფელ ცურტავშიც, ძველი, მწყობრიდან გამოსული ტუმბო ახალმა ჩაანაცვლა. შეიცვალა  5 კმ სიგრძის კოროზირებული მილი. აღნიშნული სამუშაოების შემდეგ, მოსახლეობისთვის სასმელი წყლის მიწოდება აღდგა.