ბოლნისის მუნიციპალიტეტში კორონა ვირუსი   ფეხმძიმე ქალს დაუდასტურდა. მედიკოსების ინფორმაციით   აღნიშნულ პაციენტს კონტაქტი ჰქონდა მარნეულში  მცხოვრებ ქალთან  და იმყოფებოდა თვითიზოლაციაში.  შეგახსენებთ, რომ გუშინ ტესტი ნახიდურში მცხოვრებ  13 ადამიანს  ჩაუტარდა, ამათგან მხოლოდ  ერთი დადასტურდა.  ახალგაზრდა  ქალი

თბილისის  პირველ საუნივერსიტეტო კლინიკაშია გადაყვანილი. აღნიშნულთან დაკავშირებით ,  ბოლნისის მაჟორიტარი დეპუტატი გოგი მეშველიანი აკეთებს განცხადებას.

ბოლნისის მუნიციპალიტეტს მესამე დღეა კარანტინის რეჟიმში უწევს ცხოვრება, შესასვლელს პოლიცია და თავდაცვის ძალები აკონტროლებს. მოწყობილია ბლოკ-პოსტი, მუნიციპალიტეტიდან არავის უშვებენ, გამონაკლისი მხოლოდ ის ადამიანები არიან, ვისაც სასწრაფო-სამედიცინო დახმარება სჭირდება, ბოლნისში შესვლის უფლება კი იმ  პირებს აქვთ, ვინც აქ არიან ჩაწერილები, თუმცა ისინი ორი კვირის განმავლობაში მუნიციპალიტეტს ვეღარ დატოვებენ. მოსახლეობა გაგებით ეკიდება საკარანტინო რეჟიმს, დაკეტილია ყველა ობიექტი გარდა სასურსათო მაღაზიებისა და აფთიაქებისა.  აქტიურად მუშაობს ჯანდაცვის სამსახური და ადგილობრივი ხელისუფლება, კორონავირუსის პრევენციის მიზნით მუნიციპალიტეტში არაერთი ღონისძიება ტარდება. ადგილობრივი ხელისუფლება  ცენტრალურ მთავრობასთან ერთად მასშტაბურ სამუშაოებს ატარებს, რომ მოსახლეობას სურსათთან დაკავშირებით პრობლემები არ შეექმნათ.

ბოლნისის  მუნიციპალიტეტში ფართო  მასშტაბით  სადეზინფექციო სამუშაოები  საქართველოს გარემოს დაცვისა და  სოფლის მეურნეობის სამინისტროს მიერ გამოყოფილმა სპეციალურმა ტექნიკამ, თავდაპირველად   სოფელ ნახიდურიდან დაიწყო, სადაც რამდენიმე ოჯახი თვითიზოლაციაში იმყოფება, რადგან მათ  კონტაქტი ჰქონდათ მარნეულში დაინფიცირებულ ქალთან. სადეზინფექციო სამუშაოები გაგრძელდება და ბოლნისის მუნიციპალიტეტის ყველა დასახლებულ პუნქტს მოიცავს.  საქართველოს პარლამენტის წევრი, გოგი მეშველიანი და  მუნიციპალიტეტის მერი  დავით შერაზადიშვილი სხვა ხელმძღვანელ პირებთან ერთად არსებულ ვითარებას პირადად დაესწრო. 

ასევე აქტიურ რეჟიმში მუშაობს ჯანდაცვის სამსახური . თხუთმეტმა  სამედიცინო ჯგუფმა , ინტენსიურად, დაიწყო თითოეულ სოფელეში  მოქალაქეების შემოწმება, ესაუბრებიან მათ, უზომავენ  ტემპერატურას.  ღონისძიების მიზანია  კარანტინის რეჟიმში მყოფ მოსახლეობას მიეცეს  საშუალება  დროულად  გაარკვიონ საკუთარი ჯანმრთელობის მდგომარეობა.

დღესვე დაიწყო  სპეციალური ტესტის ჩატარება,  სოფელ ნახიდურში მცხოვრები ,    თვითიზოლაციის რეჟიმში მყოფი მოსახლეობისთვის. სიმპტომების დადგენის შემთხვევაში, მოხდება მოქალაქის  გადაყვანა მარნეულის საველე ჰოსპიტალში.

სამთავრობო უწყებათაშორისი საკოორდინაციო საბჭოს რეკომენდაციით, ბოლნისის მერია დისტანციური მუშოების რეჟიმზეა გადასული.   გამოცხადებული კარანტინის მიუხედავად, მერიის გარკვეული სამსახურების თანამშრომლები, მუშაობის სპეციციფიკიდან გამომდინარე, შენობაში   საკუთარი მოვალეობის შესრულებას მაინც აგრძელებენ. კორონავირუსის პრევენციისა და საჯარო მოხელეთა ჯანმრთელობის დაცვის მიზნით, შპს ,,დეზ-ეფექტი“ მერიის  შენობაში სადეზინფექციო სამუშაოებს რეგულარულად  ახორციელებს.

აღსანიშნავია, რომ დერეფნებში  დამონტაჟებულია სპეციალური დისპანსერები, სადაც ანტისეპტიკური ხსნარია მოთავსებული. 

მერიის შენობის გარდა,  შპს „დეზ-ეფექტის“ თანამშრომლებმა, დეზინფექცია  ჩაუტარეს   მუნიციპალიტეტის მასშტაბით არსებულ საჯარო სკოლებს, ბაღებსა და მუნიციპალურ შენობებს.

,,ვირუსისგან დასაცავად საჭიროა გამოიჩინოთ სიფრთხილე, დარჩით სახლში, ნუ ჩააგდებთ თქვენს ჯანმრთელობას საფრთხეში“ –  ასე მოუწოდებდნენ  დღეს მოხალისეთა ჯგუფები, ბოლნისის მუნიციპალიტეტის  არაქართულ სოფლებში მცხოვრებლებს. ახალგაზრდებმა  მოსახლეობას  ინფორმაცია მათთვის გასაგებ ენაზე ხმის გამაძლიერებლების საშუალებით მიაწოდეს.  მოხალისეებმა დღეს   ბოლნისის  მუნიციპალიტეტის  სოფლები მთლიანად  მოიცავეს, მოწოდებები საჭიროების  მიხედვით კვლავ გაგრძელდება.

კორონავირუსთან დაკავშირებით შექმნილი პრობლემების გამო, საქართველოში მოქმედი ყველა საგანმანათლებლო და სააღმზრდელო დაწესებულებებში, სასწავლო პროცესი 2 მარტს შეწყდა. ამასთან დაკავშირებით, ადგილობრივი ხელისუფლების გადაწყვეტილებით, აღსაზრდელისთვის განკუთვნილი არამალფუჭებადი, დაფასოებული პროდუქტების პაკეტების გადაცემა რამდენიმე ეტაპად, მუნიციპალიტეტის ყველა ბაღში ხორციელდება.
დღეს საბავშვო ბაღში პროდუქტების გაცემა მრავალშვილიან, მარტოხელა და სოციალურად შეჭირვებულ 11 ოჯახს ბავშვებისთვის განკუთვნილი ნორმა გადაეცათ. პროცესს ესწრებოდა ააიპ „ბოლნისის მუნიციპალიტეტის სკოლამდელი აღზრდისა და მეთოდური კოორდინაციის დაწესებულების დირექტორი ლელა გოგმაჩაძე.