საქართველოს ტექნიკური უნივერსიტეტის სტუდენტებს აგვისტო-სექტემბერში „არემჯის საზაფხულო სკოლა“ უმასპინძლებს.

აღნიშნული პროექტი სტუ-ს სამთო-გეოლოგიური ფაკულტეტის  სტუდენტისათვის ერთთვიან ანაზღაურებად პრაქტიკას ითვალისწინებს და ის წელს მესამედ ხორციელდება.

ყოველ წელს იზრდება პროექტში მონაწილეობის მსურველთა რაოდენობა. წინასწარ შევსებული აპლიკაციების საფუძველზე, წელს შეირჩა სამთო-გეოლოგიური ფაკულტეტის 30  სტუდენტი. აღსანიშნავია, რომ  17 მათგანი ადგილობრივია.

პროექტის მიზანია, აღმოაჩინოს და ხელი შეუწყოს მოტივირებულ სტუდენტებს, რომლებიც უნივერსიტეტში მიღებული თეორიული ცოდნისა და „არემჯის საზაფხულო სკოლაში“ გავლილი საწარმოო პრაქტიკის შემდეგ, სამთო მრეწველობისთვის  მიმზიდველ კადრებად ჩამოყალიბდებიან.

გიორგი ჩხეიძე „არემჯის“ აღმასრულებელი დირერქტორის მოადგილე ადამიანური რესურსების საკითხებში:

„სამთო-გეოლოგიური ფაკულტეტის სტუდენტებს „საზაფხულო სკოლის“ ფორმატში  უკვე  მე-3 წელია, რაც ვთავაზობთ თანამშრომლობას. მოხარული ვარ, რომ პროექტში ჩართული სტუდენტების რაოდენობა ყოველწლიურად იზრდება. თავიანთი სპეციალობების მიხედვით, სტუდენტები  სხვადასხვა სტრუქტურულ ერთეულებში გადანაწილდებიან. მათ შორის მადნეულის და საყდრისის კარიერებზე, სპილენძის გამამდიდრებელ ფაბრიკაში, გროვული გამოტუტვის უბანზე, გეოლოგიურ და გეოტექნიკურ სამსახურებში, ასევე რევერსული ბურღვის უბანზე. ეს ის სპეციალობებია, რომლებსაც სტუდენტები ტექნიკურ უნივერსიტეტში ეუფლებიან და რომლებიც  ჩვენ კომპანიაში პრიორიტეტულია. „არემჯის საზაფხულო სკოლის“ პრაქტიკული კურსის გავლის შემდეგ, ახალგაზრდებმა ზუსტად იციან ჩვენი საწარმოს სპეციფიკა და აქვთ ის პრაქტიკული უნარები, რომელიც მათ უმაღლესის სასწავლებლის დასრულების შემდეგ,  ჩვენი კომპანიისა და ზოგადად სამთო მრეწველობის დარგისათვის მიმზიდველ კადრებად ჩამოყალიბებაში შეუწყობს ხელს.“

ნათია მექუდიშვილი სამთო გეოლოგიური მიმართულების მე-4 კურსის სტუდენტი:

„არემჯის საზაფხულო სკოლის შესახებ ჩემი მეგობრებისგან შევიტყვე. დიდი სურვილი მქონდა მოვმხვდარიყავი საზაფხულო პრაქტიკებზე, ამიტომ გამოვაგზავნე ჩემი პირადი მონაცემები.  ვფიქრობ, ჩვენი პროფესიისათვის პრაქტუკული სამუშაობი ძალიან მნიშვნელოვანია. დარწმუნებული ვარ, აქ გატარებული დრო ძალიან წამადგება ჩემს პროფესიულ განვითარებაში.“

ირაკლი ჯაყელი, სამთო გეოლოგიური მიმართულების მე-2 კურსის სტუდენტი:

„პროფესიის არჩევის დროს ერთ-ერთი ფაქტორი ის იყო,  რომ ადგილობრივი ვარ. გასულ წელს საზაფხულო სკოლაში ჩემი მეგობრები იყვნენ, რომლებმაც მირჩიეს პროექტში ჩართვა.  დარწმუნებული ვარ, რომ სკოლა გაამართლებს ჩემს მოლოდინებს და გეოლოგიის საწყისებს, რაც პირველ კურსზე თეორიულად გავიარე უფრო გასაგებს და ხელშესახებს გახდის ჩემთვის.“

დღეს საქართველო 2008 წლის რუსეთის ინტერვენციის შედეგად დაღუპულ გმირებს იხსენებს. ბოლნისის მუნიციპალიტეტის ადგილობრივმა ხელისულებამ, ვეტერანების საქმეთა სახელმწიფო სამსახურის ქვემო ქართლის სამმართველოს უფროსთან ერთად სოფელ დისველში, რატევანსა და ტანძიაში გმირების საფლავები გვირგვინებით შეამკეს. ღვთისმშობლის ნიშთან კი სასულიერო პირებმა ომში დაღუპული მეომრების სულის მოსახსენიებელი პანაშვიდი გადაიხადეს.2008 წლის რვა აგვისტო, დღე რომელმაც საქართველოს უახლესი ისტორია და უამრავი ადამიანის ცხოვრება შეცვალა. რუსეთ- საქართველოს აგვისტოს ომიდან 12 წელი გავიდა. ხუთ დღიანმა დაპირისპირებამ ქვეყანას მრავალი გმირი და საკუთარ მიწა-წყალზე უსახლკაროდ დარჩენილი ადამიანები შესძინა. აგვისტოს მოვლენების დროს დაღუპულთა შორის სამი ბოლნისელი, 40 წლის ნოდარ დევნოზაშვილი, 23 წლის ასლან შაინიძე და 18 წლის საბა დადვანი, სამსახურებრივი მოვალეობის შესრულების დროს გმირულად დაიღუპნენ.აგვისტოს ომს ჯამში 228 მშვიდობიანი მოქალაქის, 170 სამხედრო მოსამსახურის, თოთხმეტი პოლიციელისა და სამი ჟურნალისტის სიცოცხლე ემსხვერპლა. 30 ათასამდე მოქალაქე კი საკუთარ ქვეყანაში დევნილად იქცა.

 7 აგვისტოს, ბოლნისის მუზეუმში, საქართველოს ტრადიციული რეწვის ასოციაციამ   “ქვემო ქართლის რეწვის სახელოსნოების გზამკვლევის” პრეზენტაცია გამართა.  ტურის ფარგლებში სტუმრები გაეცვნენ  ახლადგახნილ მუზეუმში დაცულ ექსპონატებს,  აღნიშნული ღონისძიება  ინფო-ტურის ფარგლებში ჩატარდა , რომლის მიზანი ქვემო ქართლის სახელოსნოების პოპულარიზაცია და ტურისტულ მარშრუტებში ინტეგრაციაა. “ქვემო ქართლის სახელოსნოების გზამკვლევი” მოიცავს რეგიონში მოღვაწე ისეთ ოსტატებს როგორიცაა: ლითონმქანდაკებლობა, ქვაზე კვეთა, მეხალიჩეობა, მინა,  კერამიკა და ხის მხატვრული დამუშავება. ოსტატები ვიზიტორებს სთავაზობენ როგორც მასტერკლასებს, ასევე სახეოსნოების დათვალიერებასა და კურსების გავლასაც. ტურს  ტურისტული კომპანიების წარმომადგენლები, ადგილობრივი და მოწვეული რეწვის ოსტატები ესწრებოდნენ. დასასრულს კი გაიმართა ბოლნისური ღვინის დეგუსტაცია,სადაც წარმოდგენილი იყო ,,ძმების მარნის’’სხვადასხვა  სახეობის ღვინო. ინფო-ტური,   USAID ,,ზრდა’’ პროექტის ფინანსური ხელშეწყობით,  საქართველოს ეროვნულ მუზუმებთან და საქართველოს ეკოტურიზმის ასოციაციასთან თანამშრომლობით მოეწყო.

პრემიერ-მინისტრის, გიორგი გახარიას განცხადებით, ​საქართველოს მთავრობის გადაწყვეტილებით მოქალაქეებისთვის კომუნალური მხარდაჭერის პროგრამა ზამთრის თვეებშიც გაგრძელდება. პრემიერმა ამის შესახებ მთავრობის დღევანდელ სხდომაზე განაცხადა.მისი თქმით, მთავრობა მოქალაქეებს კომუნალურ გადასახადებს ოთხი თვის განმავლობაში (ნოემბერი, დეკემბერი, იანვარი, თებერვალი) დაუფარავს.„ჩვენც ყველაფერი უნდა გავაკეთოთ რომ ჩვენს მოქალაქეებს შეძლებისდაგვარად შევუმსუბუქოთ ამ კირიზისს ზეგავლენა. ჩვენი მოქალაქეების ოჯახების შემოსავლების კლება ან სამუშაო ადგილების დაკარგვა რომ დავაკომპენსიროთ, მთავრობამ მიიღო გადაწყვეტილება, კომუნალური გადასახადების მხარდაჭერის თვალსაზრისით გაგრძელდეს ეს პროგრამა ზამთრის ოთხი თვის განმავლობაში, ეს იქნება ნოემბერი, დეკემბერი იანვარი და თებერვალი, იგივე პრინციპით, როგორც აქამდე იყო 200 კილოვატსაათი და 200 კუბური მეტრი გაზის მოხმარება მთავრობის მიერ იქნება კომპენსირებული. ჩვენ ჩვენს შედარებით შეძლებულ მოქალაქეებს ექნებათ შესაძლებლობა, ასეთ დახმარებაზე თქვან უარი“, – განაცხადა გიორგი გახარიამ.

სოფლების, ჭაპალასა და სამტრედოს დამაკავშირებელ გზაზე, 1300 გრძივ მეტრზე მოეწყო ბეტონის საფარი თავისი სანიაღვრეებით. ობიექტის მშენებლობა რეგიონში განსახორციელებელი პროექტების ფონდისა და ადგილობრივი ბიუჯეტის თანადაფინანსებით განხორციელდა.  გზის სარეაბილიტაციო სამუშაოების III ეტაპი, მომავალ წელს იგეგმება, რითაც, ორი სოფლის დამაკავშირებელი გზა, სრულად რეაბილიტირდება. დასრულებული სამუშაოები ბოლნისის მუნიციპალიტეტის მერმა ინფრასტრუქტურის სამსახურის უფროსთან ერთად მოინახულა.

,,7×7 ფეხბურთის ასოციაციის” ორგანიზებით იწყება  ,,MASTER LEAGUE“ს და ,, MASTER CUP’’-ის  საფეხბურთო ჩემპიონატი, რომელიც მიზნად ისახავს: ჯანსაღი და სპორტული ცხოვრების წესის დამკვიდრებას, ნიჭიერი ახალგაზრდა ფეხბურთელების აღმოჩენას, საქართველოს  ყველა რეგიონში მზარდი საფეხბურთო ლიგის ჩამოყალიბებას და განვითარებას. ჩემპიონატი მოიცავს რამდენიმე ეტაპს:

პირველი ეტაპი – მუნიციპალური გუნდები, ლიგის პრინციპით  ითამაშებენ  საკუთარ ჩემპიონატს და გამოავლენენ საკუთარი მუნიციპალიტეტის გამარჯვებულს;

მეორე ეტაპი – მუნიციპალიტეტების ჩემპიონები გადაერთვებიან რეგიონალურ ეტაპზე და ოლიპმიური  პრინციპით გამოავლენენ საკუთარი რეგიონის ჩემპიონს, ასევე იბრძოლებენ ფინალური ეტაპის საგზურისთვის.

მეასამე ეტაპი – ფინალურ ეტაპზე წარმოდგენილი 32 გუნდიდან 16 იქნება დასავლეთ საქართველოდან, 16 კი აღმოსავლეთ საქართველოდან. ფინალური ტური ჩატარდება ოლიმპიური სისტემით.

გამოვლინდება ჩემპიონი, საუკეთესო გუნდი, საუკეთესო მოთამაშე, მწვრთნელი, მეკარე, და ა.შ. სხვადასხვა კატეგორიაში გამოვლენილი გამარჯვებულები დაჯილდოვდებიან ფულადი ჯილდოთი, შესაბამისი მედლებითა და სპეციალური პრიზებით.

ჩემპიონატში მონაწილეობის მსურველმა გუნდმა, შფა-ს მიერ დადგენილ ვადებში უნდა წარმოადგინოს განაცხადის ფორმა და შესაბამისი დოკუმენტაცია.

განცხადების ფორმა  და დაწვრილებითი ინფორმაცია იხილეთ მითითებულ ბმულებზე.

               განცხადების ფორმა კი  უნდა გადააგზავნოთ შემდეგ მისამართზე: kulturabolnisi19@gmail.co

დებულება

განაცხადის ფორმა