საქართველოს პარლამენტის წევრი გოგი მეშველიანი, ბოლნისის მუნიციპალიტეტის მერთან, დავით შერაზადიშვილთან, საკრებულოს თავმჯდომარე თამაზ ჟორჟოლიანთან და საკრებულოს სივრცით ტერიტორიული დაგეგმარებისა და ინფრასტრუქტურის საკითხთა კომისის თავმჯდომარე , დავით ჯაფარიძესთან ერთდ სამაჟორიტარო ბიუროში, სოფელ ტალავერში მცხოვრებ ახალგაზრდას ხაიალ გუსეინოვს შეხვდა . ახალგაზრდამ ხელისუფლების წარმომადგენლებს საკუთარი სურვილი გააცნო – მას სურს უცხოეთში მცხოვრები ბიზნესმენის დახმარებით სოფლისთვის მნიშვნელოვანი პროექტი განახორციელოს. „ჩვენ ყოველთვის მზად ვართ ვიმუშაოთ ინვესტიციების მოზიდვაზე და მხარდაჭერა გამოვუცხადოთ ადამიანებს, რომლებსაც სურვილი აქვთ საკუთარი წვლილი შეიტანონ მათი თემის განვითარებაში. რათქმა უნდა ჩვენის მხრივ მაქსიმალურად შევეცდებით თანადგომა გამოვუცხადოთ ,“- განაცხადა გოგი მეშველიანმა.

საქართველოს პარლამენტის წევრი გოგი მეშველიანი, ბოლნისის მუნიციპალიტეტის მერთან, დავით შერაზადიშვილთან, საკრებულოს თავმჯდომარე თამაზ ჟორჟოლიანთან და საკრებულოს სივრცით ტერიტორიული დაგეგმარებისა და ინფრასტრუქტურის საკითხთა კომისის თავმჯდომარე , დავით ჯაფარიძესთან ერთდ სამაჟორიტარო ბიუროში, სოფელ ტალავერში მცხოვრებ ახალგაზრდას ხაიალ გუსეინოვს შეხვდა . ახალგაზრდამ ხელისუფლების წარმომადგენლებს საკუთარი სურვილი გააცნო – მას სურს უცხოეთში მცხოვრები ბიზნესმენის დახმარებით სოფლისთვის მნიშვნელოვანი პროექტი განახორციელოს. „ჩვენ ყოველთვის მზად ვართ ვიმუშაოთ ინვესტიციების მოზიდვაზე და მხარდაჭერა გამოვუცხადოთ ადამიანებს, რომლებსაც სურვილი აქვთ საკუთარი წვლილი შეიტანონ მათი თემის განვითარებაში. რათქმა უნდა ჩვენის მხრივ მაქსიმალურად შევეცდებით თანადგომა გამოვუცხადოთ ,“- განაცხადა გოგი მეშველიანმა.

ეროვნული ლიგა 2-ის 2021 წლის სეზონმა, სტარტი პირველ მარტს აიღო. ჩემპიონატი ოთხ წრედ ჩატარდება და გუნდები 36 ტურს ითამაშებენ.
ბოლნისის ,,სიონმა“, 7 ტურიდან ყველა თამაში მოიგო და სატურნირო ცხრილში 21 ქულით ერთპიროვნულად ლიდერობს. 17 აპრილს კი ჩემპიონატის ერთ -ერთ ლიდერთან  „გაგრასთან“ გამართავს  მე-8 ტურის შეხვედრას. შეგახსენებთ, რომ „გაგრა“ ცხრილში 14 ქულით მეორე ადგილზეა.

ბოლნისის კლუბის ხელმძღვანელად 11 თებერვალს ლევან სილაგაძე დაინიშნა, მისთვის ბოლნისური კლუბი უცხო არაა,  წლების წინ ის, „სიონის“ ღირსებას იცავდა, ბოლო წლებში კი საფეხბურთო კლუბ „რუსთავის“ დირექტორის თანამდებობა ეკავა. იგი ,,სიონში“ ახალი გეგმებითა და მიზნებით დაბრუნდა. სულ რამდენიმე თამაში დარჩა და „სიონი“ პირველ ტურს სრული მოგებით დახურავს.  ლევან  სილაგაძის მთავარი მიზანი კლუბის უმაღლეს ლიგაში დაბრუნებაა, რისთვისაც თავდაუზოგავად შრომობენ ფეხბურთელები და კლუბის ხელმძღვანელობა.

დაბა კაზრეთში გამწვანების აქცია მოეწყო. პარკში, საგაზაფხულო სამუშაოების ფარგლებში, შპს “ბოლნისის კულტურისა და დასვენების პარკის“ თანამშრომლებმა 10 სახეობის 40 ხე-მცენარე დარგეს.გამწვანების აქციაში მონაწილეობა ბოლნისის მუნიციპალიტეტის მერმა დავით შერაზადიშვილმა და სივრცითი მოწყობისა და ინფრასტრუქტურის სამსახურის უფროსმა კონსტანტინე კორძაძემ მიიღეს.აღსანიშნავია, რომ დაბა კაზრეთის გარდა, ხე-მცენარეები ქალაქ ბოლნისში მდებარე პარკშიც დაირგო.

უწყებათაშორისი საკოორდინაციო საბჭო დამსაქმებლებს თანამშრომელთა დისტანციურ სამუშაო რეჟიმში გადაყვანის რეკომენდაციით მიმართავს, 4-11 მაისი კი საქართველოს მასშტაბით უქმე დღეებად ცხადდება, – აღნიშნული გადაწყვეტილებები უწყებათაშორისი საკოორდინაციო საბჭოს სხდომაზე მიიღეს, რომელიც პრემიერ-მინისტრ ირაკლი ღარიბაშვილის ხელმძღვანელობით დღეს ვიდეოკონფერენციის ფორმატში გაიმართა.

საკოორდინაციო საბჭომ დღევანდელ სხდომაზე განიხილა ეპიდემიოლოგიური მდგომარეობა, რომელიც, მთელს მსოფლიოში და მათ შორის, საქართველოშიც უარესდება.

აღინიშნა, რომ ქვეყანაში დაფიქსირებული შემთხვევების მატების დინამიკა საყურადღებოა და როგორც ხელისუფლების, ისე მოქალაქეების მხრიდან განსაკუთრებული პასუხისმგებლობით მიდგომას მოითხოვს. კიდევ ერთხელ გაესვა ხაზი დადგენილი რეგულაციების დაცვის აუცილებლობას, რაც ქვეყანას ვირუსის გავრცელების მესამე ტალღას და, შესაბამისად, მკაცრი შეზღუდვების დაწესების საჭიროებას ააცილებს.

საკოორდინაციო საბჭო მოქალაქეებს კიდევ ერთხელ მოუწოდებს, სწორად გამოიყენონ პირბადე, დაიცვან სოციალური დისტანცია და თავი აარიდონ ხალხმრავალი შეკრებებისა

და სოციალური ღონისძიებების ორგანიზებას, რომელთა გამართვა მთავრობის დადგენილებით აკრძალულია. ამასთან, როგორც ცნობილია, საქართველოს მთავრობის დადგენილებით აიკრძალა ფართის გადაცემა/დათმობა საზოგადოებაში დამკვიდრებული სოციალური ღონისძიებებისა (მაგ.: ქორწილი, ნებისმიერი იუბილე, ქელეხი და ა.შ.) და მასობრივი გასართობი ღონისძიებების გამართვის მიზნით. აღნიშნული შეზღუდვის დარღვევა კი გამოიწვევს კანონით გათვალისწინებულ პასუხისმგებლობას.

მთავრობის მეთაურის დავალების შესაბამისად, შესაბამისი უწყებები კიდევ უფრო მკაცრად გააკონტროლებენ ყველა იმ რეგულაციის აღსრულებას, რომელიც მიმართულია ვირუსის გავრცელების პრევენციისკენ.

საბჭოს გადაწყვეტილებით, არსებული ეპიდემიოლოგიური ვითარების შეფასების საფუძველზე, ამ ეტაპზე ძალაში რჩება ღამის 21:00-05:00 საათამდე გადაადგილებაზე მოქმედი შეზღუდვა.

სხდომაზე ასევე განიხილეს ქვეყანაში მიმდინარე ვაქცინაციის პროცესის კიდევ უფრო გააქტიურების მნიშვნელობა. აღინიშნა, რომ უახლოეს მომავალში ქვეყანა ვაქცინების ახალ დოზებს მიიღებს. პარალელურად, პრემიერ-მინისტრის დავალებითა და უშუალო ჩართულობით, გრძელდება აქტიური მოლაპარაკებები ვაქცინის მწარმოებლებსა და პარტნიორ სახელმწიფოებთან, დამატებითი დოზების რაც შეიძლება მოკლე ვადაში მობილიზების მიზნით.

საქართველოში კორონავირუსის პირველი შემთხვევის გამოვლენიდან დღემდე, ვირუსით ინფიცირების 287 183 ლაბორატორიულად დადასტურებული შემთხვევა გამოვლინდა, საიდანაც 276 426 პირი გამოჯანმრთელდა, გარდაცვლილია 3 858 ადამიანი.

ამ ეტაპზე კარანტინში იმყოფება 233 ადამიანი, კლინიკურ სასტუმროებში – 285 მოქალაქე, ხოლო სტაციონარში, მეთვალყურეობის ქვეშ – 2 129 პირი.

პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს მუშაობაში აქტიურად მონაწილეობენ საქართველოს პარლამენტი, თავმჯდომარე არჩილ თალაკვაძის ხელმძღვანელობით და პრეზიდენტის ადმინისტრაცია.

საქართველოს პარლამენტის წევრი, გოგი მეშველიანი, სამაჟორიტარო ოლქში: ბოლნისში, დმანისში, თეთრწყაროსა და წალკაში საქართველოს რეგიონული განვითარებისა და ინფრასტრუქტურის მინისტრის მოადგილეებთან: ილია ბეგიაშვილთან და კობა გაბუნიასთან , ქვემო ქართლის სახელმწიფო რწმუნებულის მოადგილე ზვიად ჭუნაშვილთან, ერთად გაეცნო რეგიონებში განსახორციელებელი პროექტების ფონდიდან დაფინანსებულ სამუშაოებს. ასევე განიხილეს სამომავლოდ ინფრასტრუქტურის განვითარების გეგმები. ქალაქ ბოლნისში 1 197 885 ლარის ღირებულების გზის სარეაბილიტაციო სამუშაოები მიმდინარეობს, ესენია: • მერაბ კოსტავას და იაკობ ცურტაველის (თამარ მეფის ქუჩა N10 დან N12-მდე) ქუჩებზე გზის რეაბილიტაციის სამუშაოები (N1 მონაკვეთი, N2 მონაკვეთი 2-1) ; • ფარნავაზ მეფის ქუჩაზე (N54-დან N79-მდე) ქვაფენილების მოწყობა; • შოთა რუსთაველის ქუჩაზე (N47-დან N79-მდე) ქვაფენილების მოწყობა. თეთრწყაროს მუნიციპალიტეტში დასრულებულია 3 135 062 ლარის ღირებულების ინფრასტრუქტურული სამუშაოები სოფლების: ჯორჯიაშვილისა და ბოგვში მოეწყო წყალმომარაგების სისტემები. სოფელ ენაგეთში მოწესრიგდა და სარეაბილიტაციო სამუშაოები ჩაუტარდა სკოლამდე მისასვლელ გზას. სოფელ ჯორჯიაშვილში კი საბავშვო ბაღის რეაბილიტაცია მიმდინარეობს – 535 999 ლარი. წალკის მუნიციპალიტეტის სოფელებში: საბეჭისი, ბარეთი ლივადი და იმერაში დასრულდა სასმელი წყლის სისტემებისა და ჭაბურღილების რეზერუარების მოწყობის სამუშაოები, რომლის მთლიანი ღირებულება 856 996 ლარი შეადგინა. „აქვე მინდა სასიხარულო ინფორმაცია მივაწოდო წალკელებს, რომ ბარეთის გზის მშენებლობის პროექტირება დაიწყო „ – გოგი მეშველიანი