საზოგადოებას კიდევ ერთხელ შევახსენებთ კორონავირუსის აცრასთან დაკავშირებით საქართველოს მართლმადიდებელი ეკლესიის ოფიციალურ პოზიციას, რომელიც სინოდის დადგენილებაშია ასახული.

მიუხედავად იმისა, რომ რამდენჯერმე მოხდა მისი განმარტება, უკანასკნელ პერიოდში ზოგიერთი სასულიერო პირის მხრიდან დაფიქსირებული რადიკალური პოზიციის გამო, კვლავ გავიმეორებთ, რომ აცრას არა აქვს რელიგიური დატვირთვა. და ამდენად დაუშვებელია, სასულიერო პირმა რელიგიური მოტივით მორწმუნეებს აუკრძალოს ამ პროცედურის ჩატარება ან შეუზღუდოს ზიარება იმის გამო, რომ ისინი აიცრნენ. მკურნალობის ამ მეთოდთან მიმართებაში, ქრისტიანისათვის რა თქმა უნდა, სრულიად მიუღებელია უხეში და შეურაცხმყოფელი მიმართვების გავრცელებაც. წმ. სინოდის განჩინებას ასევე ეწინააღმდეგება მოძღვრის მიერ მრევლისთვის მსახურებაზე პირბადის ტარების აკრძალვა.

შევნიშნავთ იმასაც, რომ ეკლესია მხარს ვერ დაუჭერს იძულებით ვაქცინირებას, რა მოტივითაც არ უნდა იყოს იგი ნაკარნახევი. ყველას უნდა ჰქონდეს თავისუფალი არჩევანის გაკეთების შესაძლებლობა. ეს ღვთისგან მონიჭებული ხელშეუხებელი უფლებაა და მისი დაცვა აუცილებელია.

კიდევ ერთხელ მივმართავთ სასულიერო პირებს, რომ მათი ქმედებები ვაქცინაციასთან დაკავშირებით არ გასცდეს სინოდის განჩინებას. თვითნებობის შემთხვევაში კი მრევლს შეუძლია    მომართოს საქართველოს საპატრიარქოს.

ქვემო ქართლის რეგიონს ახალი სახელმწიფო რწმუნებული ჰყავს, ამ თანამდებობაზე შოთა რეხვიაშვილი გიორგი დოხტურიშვილმა შეცვალა.

ადმინიტრაციის თანამშრომლებს და ადგილობრივი ხელისუფლების ხელმძღვანელ პირებს, ახალი რწმუნებული საქართველოს მთავრობის რეგიონებთან ურთიერთობის დეპარტამენტის უფროსმა, ლერი ბარნაბიშვილმა წარუდგინა.

გიორგი დოხტურიშვილს საჯარო სამსახურში მუშაობის მრავალწლიანი გამოცდილება აქვს, იგი იყო დედაქალაქის მეექვსე მოწვევის საკრებულოს წევრი, ბოლო პერიოდში კი ქვემო ქართლში სახელმწიფო რწმუნებულის მოადგილის თანამდებობას იკავებდა.

„გიორგი დოხტურიშვილი არ არის ახალი სახე ქვემო ქართლის რეგიონისთვის, იგი 2021 წლის აგვისტოდან მუშაობს გუბერნატორის მოადგილედ, აქვს საკმაოდ დიდი გამოცდილება სახელმწიფო სტრუქტურებში – ათ წელზე მეტი მუშაობდა, როგორც საკრებულოს, ასევე მერიის სტრუქტურებში სხვადასხვა მენჯერულ თანამდებობებზე და საკმაოდ დიდი გამოცდილება აქვს იმისთვის, რომ თავი გაართვას იმ გამოწვევებს, რომლებიც დგას ქვემო ქართლის რეგიონში“, – განაცხადა ლერი ბარნაბიშვილმა.

რეგიონებთან ურთიერთობის დეპარტამენტის უფროსმა, შოთა რეხვიაშვილს გაწეული სამსახურისთვის მადლობა გადაუხადა, მისი თქმით ყოფილი სახელმწიფო რწმუნებული საქმიანობას აღმასრულებელ ხელისუფლებაში საპასუხისმგებლო პოზიციაზე გააგრძელებს.

„შოთა რეხვიაშვილის უშუალო მონაწილეობით არაერთი პროექტი განხორციელდა და მოსახლეობის წინაშე არსებული ბევრი პრობლემა გადაწყდა. ის არის ჩვენი გუნდის ერთგული წევრი და გააგრძელებს საქმიანობას შესაბამის საპასუხისმგებლო თანამდებობაზე, ჩვენი მთავრობის შემადგენლობაში“- განაცხადა ბარნაბიშვილმა.

შოთა რეხვიაშვილმა მადლობა გადაუხადა ცენტრალურ ხელისუფლებას და რეგიონის მუნიციპალიტეტების ხელმძღვანელ პირებს სამწლიანი ნაყოფიერი თანამშრომლობისთვის და ამ პერიოდის განმავლობაში განხორციელებულ მასშტაბურ პროექტებზე ისაუბრა.

„განსაკუთრებული მადლობა ცენტრალური ხელისუფლების წარმომადგენლებს – სამთავრობო გუნდს, საერთაშორისო პარტნიორებს, სამოქალაქო და კერძო სექტორს, რომელთა უდიდესი მხარდაჭერის საფუძველზე, მხარეში მოსახლეობის საკეთილდღეოდ არაერთი მასშტაბური პროექტი განხორციელდა. მჯერა, რომ რეგიონის განვითარება ჩვენი გუნდის ახალი წევრების საქმიანობის პერიოდში, კვლავ, აქტიურად გაგრძელდება“, – განაცხადა შოთა რეხვიაშვილმა.

საქართველოს პარლამენტის წევრი ბოლნისის, დმანისის, თეთრიწყაროსა და წალკის მაჟორიტარი გოგი მეშველიანის ცნობით წალკის მუნიციპალიტეტში დაიწყო შიდასახელმწიფოებრივი მნიშვნელობის (შ-169) იმერა-ბარეთი-თეჯისი-ჩივთქილისა-ხაჩკოი-გუმბათი-ავრანლოს საწყისი 7,3 კმ-იანი საავტომობილო გზის სარეაბილიტაციო სამუშაოები. პროექტი 2 წლიანია და პირველ ეტაპზე მოეწყობა 4 კლომეტრიანი მონაკვეთი, ხოლო ამ დროისათვის უკვე დაგებულია 1 კმ. ასფალტი. სამუშაოების საერთო ღირებულება შეადგენს 4 149 899.99 ლარს.

„მახარებს ის ფაქტი, რომ შევძელით მოსახლეობისთვის კიდევ ერთი პრობლემური საკითხის მოგვარება. ჩემთვის მნიშვნელოვანია შევძლოთ ყველა დაპირების ასრულება და ადამიანების მოლოდინის გამართლება.წალკის მუნიციპალიტეტის, სოფელ ბარეთის მოსახლეობა წლების მანძილზე ითხოვდა საგზაო ინფრასტრუქტურის გამართვას და საუბრობდა მოუწესრიგებელი გზისგან წარმოქმნილი პრობლემეზე. ჩვენ ინტენსიურ რეჟიმში ვმუშაობდით მათთვის მნიშვნელოვანი საჭიროებების მოგვარებაზე. აღნიშნულ საკითხზე მუდმივი კომუნიკაცია გვქონდა რეგიონული განვითარებისა და ინფრასტრუქტურის სამინისტროსა და საქართველოს საავტომობილო გზების დეპარტამენტთან, რამაც შედეგი გამოიღო.“ წერს სოციალურ ქსელში გოგი მეშველიანი

შერიგებისა და სამოქალაქო თანასწორობის საკითხებში სახელმწიფო მინისტრის თეა ახვლედიანის 2021 წლის 1 დეკემბრის ბრძანების საფუძველზე, შოთა რეხვიაშვილი სახელმწიფო მინისტრის მოადგილედ დაინიშნა.

შოთა რეხვიაშვილი 2018 წლიდან დღემდე ქვემო ქართლში სახელმწიფო რწმუნებულის პოზიციას იკავებდა. 2014-2018 წლებში ის საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის მოადგილე იყო, ხოლო 2012-2013 წლებში მას საქართველოს მთავარი პროკურორის მოადგილის პოსტი ეკავა.

1993 წლიდან 2012 წლამდე შოთა რეხვიაშვილი დასაქმებული იყო სხვადასხვა სახელმწიფო უწყებაში.

მოქალაქეს მწვანე სტატუსი მიენიჭება იმ შემთხვევაში თუ ის აკმაყოფილებს შემდეგი კრიტერიუმებიდან ერთ-ერთს:

არის სრულად ვაქცინირებული;

გადატანილი აქვს Covid-19 და ვირუსის დადასტურებიდან გასულია 14 დღე;

ჩატარებული აქვს 72-საათიანი ვალიდურობის PCR ტესტი;

ჩატარებული აქვს 24-საათიანი ვალიდურობის ანტიგენ ტესტი;პანდემიის ეფექტური მართვისა და ბიზნესისა და მოქალაქეების მიერ სერვისების შეუფერხებლად მიღება-მიწოდების მიზნით, ჯანდაცვის სამინისტროს მიერ შექმნილია ორი სპეციალური აპლიკაცია – CovidPass Georgia და Georgia e-Health.CovidPass Georgia აპლიკაციით სარგებლობა შეუძლია საქართველოს ტერიტორიაზე მყოფ ნებისმიერ პირს, როგორც საქართველოს მოქალაქეს, ისე უცხოელ ვიზიტორს. აღნიშნული აპლიკაციის გამოყენება შესაძლებელია სხვადასხვა დაწესებულებებში შესვლისა და ღონისძიებებზე დასწრების მიზნით.საზღვარგარეთ ვაქცინირებული პირი (უცხოელი ვიზიტორი ან საქართველოს მოქალაქე), საზღვარზე შემოსვლისას წარადგენს ვაქცინაციის დამადასტურებელ ცნობას ან PCR ტესტის ნეგატიურ პასუხს. საზღვრის კვეთის შემდეგ, პირს შეეძლება მარტივად დარეგისტრირდეს CovidPass Georgia აპლიკაციაში და ის შეუფერხებლად შეძლებს შესაბამის სივრცეებში შესვლას და ღონისძიებებზე დასწრებას.აპლიკაცია Georgia e-Health გამოიყენება, საერთაშორისო მგზავრობისთვის და უზრუნველყოფს შეუფერხებლად შესვლას ევროკავშირის ციფრული კოვიდ-სერტიფიკატის სისტემაში ჩართულ 51 ქვეყანაში.შეგახსენებთ, რომ მოქალაქეები „მწვანე პასპორტით“ შესვლას შეძლებენ შემდეგ დაწესებულებებში: სასტუმროები და განთავსების სხვა ობიექტები, კვების ობიექტები (რესტორნების, კაფეების, ბარების ღია და დახურული სივრცეები, მათ შორის სავაჭრო ცენტრებში არსებული), კინოთეატრები, თეატრები, საკონცერტო დარბაზები, ოპერა, გასართობი ობიექტები, სამორინეები და სათამაშო ბიზნეს ობიექტები, სპა ცენტრები და ფიტნეს დარბაზები, სამთო კურორტების საბაგიროები.მონიტორინგს, შერჩევის პრინციპით, განახორციელებს ჯანდაცვის სამინისტროს შრომის ინსპექციის სამსახური, შსს-ს და შემოსავლების სამსახურის შესაბამისი დეპარტამენტები, ადგილობრივი მუნიციპალიტეტები, სურსათის ეროვნული სააგენტო.ობიექტზე არა მწვანე სტატუსის მქონე პირის დაშვებაზე პასუხისმგებლობა ეკისრება დაწესებულებას. წესის დარღვევის შემთხვევაში სანქცია იურიდიული პირისთვის შეადგენს 10,000 ლარს, ინდ. მეწარმისთვის – 2,000 ლარს. სამართალდარღვევის განმეორების შემთხვევაში კი მოხდება ობიექტის დალუქვა.ციფრული კოვიდ-სერტიფიკატით სარგებლობისთვის, საჭიროა მოქალაქეებმა App Store-დან https://apps.apple.com/ge/app/georgia-e-health/id1590322048

ან Google Play-დან https://play.google.com/store/apps/details…

ჩამოტვირთონ აპლიკაცია Georgia e-Health და გაიარონ მარტივი რეგისტრაცია.

Covidpass- აპლიკაციის ჩამოსატვირთად კი მიჰყევით ბმულს:App store-დან https://apps.apple.com/us/app/covidpass-georgia/id1590323605

Google Play-დან https://play.google.com/store/apps/details…

დამატებითი ინფორმაციისთვის მიმართეთ ცხელ ხაზის შემდეგ ნომრებს- 1505, 144, 1522 და ასევე, ეწვიეთ ვებ-გვერდს – https://www.provax.ge/

დეტალური ინფორმაციისთვის იხილეთ – https://matsne.gov.ge/ka/document/view/5293475?publication=0

საქართველოს პარლამენტის წევრის ბოლნისის,დმანისის,თეთრიწყაროსა და წალკის მჟორიტარის გოგი მეშველიანის ჩართულობით წალკის მუნიციპალიტეტში ათწლეულების პრობლემური საკითხი მოქალაქეების სასიკეთოდ გადაწყდა. წალკის მუნიციპალიტეტში ადგილობრივ სკოლებში, კადრების დეფიციტის აღმოფხვრის მიზნით, სახელმწიფოს მიერ ჩამოსახლებული პედაგოგებისათვის, საცხოვრებელი ფართების დარეგისტრირების საკითხი ათწლეულების მანძილზე გადაუჭრელი იყო. გოგი მეშველიანის , სახელმწიფო უწყებებთან აქტიური კომუნიკაციის შედეგად, სახელმწიფო ქონების ეროვნული სააგენტოს ჩართულობით, წალკის მუნიციპალიტეტში მცხოვრებ 8 პედაგოგს და მათ ოჯახებს სიმბოლურ ფასად – 1 (ერთ) ლარად საკუთრებაში გადაეცათ საცხოვრებელი ფართები .

„მოხარული ვარ, რომ შევძელით წალკის მუნიციპალიტეტში ათწლეულების მანძილზე არსებული პრობლემის მოქალაქეების სასიკეთოდ გადაწყვეტა. მოსახლეობის ინტერესების გათვალისწინებით აქტიურად ვთანამშრომლობთ, როგორც სამთავრობო ასევე არასამთავრობო სექტორთან და აღნიშნული საკითხი CENN-ის პროექტის ,,ეს წალკაა” ფარგლებში იქნა მოკვლეული და ჩემამდე მოტანილი. რაც არის სხვადასხვა უწყებების სწორი/აქტიური კომუნიკაციის შედეგის კარგი მაგალითი. „- განაცხადა გოგი მეშველიანმა.

დღეს ევროკავშირის ENPARD-ის პროგრამის მხარდაჭერილი პროექტის ,,ეს წალკაა” გენერალური ასამბლეის შეხვედრაზე, გაიმართა პედაგოგებისთვის სახლების საკუთრებაში გადაცემის ცერემონია.

ევროპის ჩემპიონატზე შერეულ გუნდებს შორის საქართველოს ძიუდოს ნაკრებმა, რომლის ერთ-ერთი წევრი, ბოლნისელი ფალავანი, ფრიდონ გიგანია, ევროპის ჩემპიონის ტიტული მოიპოვა. რუსეთში, ქალაქ უფაში საქართველომ ავსტრიას, საფრანგეთს, თურქეთსა და ნიდერლანდებს მოუგო. ,,ვულოცავ ფრიდონსა და საქართველოს ნაკრებს ამ ისტორიულ გამარჯვებას. ფრიდონს კვლავ არაერთ წარმატებას ვუსურვებ. მჯერა, რომ ფრიდონი მომავალშიც არაერთხელ გვასახელებს. ბოლნისის მუნიციპალიტეტი გვერდში უდგას ჩვენს სპორტსმენებს, მუნიციპალიტეტს მათთვის სპეციალური სასტიპენდიო პროგრამა აქვს შემუშავებული, რის ფარგლებშიც, წარმატებული სპორტსმენები მერიისგან ერთჯერად ფულად ჯილდოსა და ყოველთვიურ სტიპენდიებს იღებენ. ეს წამახალისებელი პროგრამა, ვფიქრობ, ერთგვარი მოტივაცია და დაფასებაა იმ დიდი სიხარულის, რაც სპორტსმენების გამარჯვებებს ახლავს თან”,განაცხადა ბოლნისის მუნიციპალიტეტის მერმა, დავით შერაზადიშვილმა.

საქართველოს პარლამენტის წევრი ბოლნისის, დმანისის, თეთრიწყაროსა და წალკის მაჟორიტარი გოგი მეშველიანი საქართველოს ძიუდოს ნაკრების გამარჯვებას საკუთარ “ფეისბუქ” გვერდზე ეხმაურება.

„ფრიდონ გიგანი საქათველოს ნაკრების შემადგენლობაში ევროპის ჩემპიონი გახდა. საქართველოს ძიუდოისტთა ნაკრები რუსეთის ქალაქ უფაში ევროპის გუნდური ჩემპიონატის გამარჯვებული გახდა. საქართველომ ავსტრიის, საფრანგეთის, თურქეთისა და ნიდერლანდების დამარცხება შეძლო. აღსანიშნავია, რომ ამ დიდ გამარჯვებაში წვლილი ბოლნისელმა ფალავანმა ფრიდონ გიგანმაც შეიტანა, რომელიც ნაკრების ერთ-ერთი წევრია. გვახარებს ფრიდონის წარმატებები და ვუსურებ კიდევ დიდ გამარჯვებებს! კიდევ ერთხელ ვულოცავ ფრიდონსა და საქართველოს ნაკრებს ისტორიულ გამარჯვებას!“,- წერს მეშველიანი სოციალურ ქსელში.