ლია უგრეხელიძის დილა 6 საათზე, თონის გახურება-ჩაცხრობით, ცომის მოზელა-ამოსვლით, ამოგუნდავებული მასის ბალიშზე დაკვრითა და თონეში ჩაკვრით იწყება.

ახალგაზრდა მცირე მეწარმე, ყოველდღიურად 400-დან 500-მდე ნატურალურ ნედლეულზე დამზადებულ შოთის უგემრიელეს პურს აწარმოებს და დაქირავებულ მუშახელთან ერთად, თავადაც აქტიურადაა ჩართული ბიზნესის წარმოებაში.

ლიას მთავარი მამოძრავებელი ძალა საქმის სიყვარული, ენერგია და მონდომებაა. საცხობის გახსნის დღიდან თავადაც დაიწყო  თონეში პურის ჩაკვრა, მართალია თავიდან გაუჭირდა, მაგრამ არ შეეშვა და დღეს იგი საუკეთესო მეპურე ქალია ბოლნისში.

კარგ მცხობელთან ერთად, ლია ქველმოქმედია, საკუთარი შემოსავლის წყარო აძლევს იმის საშუალებას გაიღოს უანგაროდ და თუნდაც მცირედით დაეხმაროს ადამიანებს. მკაცრი საკარანტინო რეჟიმის დროს, მან არა ერთ საქველმოქმედო აქციაში მიიღო მონაწილეობა, მრავალშვილიან ოჯახებს, ცხელ-ცხელ შოთის პურებს სახლში მიტანით თავად ურიგებდა. სიკეთის ფერხულში ყოფნა მისთვის დიდი ბედნიერებაა, ნანობს, რომ ჯერ-ჯერობით ბიზნესს ვერ აფართოებს, ვერ ასაქმებს მეტ ადამიანს და ვერ ეხმარება სოციალურად დაუცველებს ისე, როგორც თავად უნდა.

ლია  აფხაზეთიდანაა. 6 წლისამ დედასთან და 2 დედმამიშვილთან ერთად დატოვა სოხუმი, უმამოდ, დევნილობაში გაზრდილმა კარგად იცის გაჭირვების, უქონლობის და დახმარების ფასი, სწორედ ეს ყველაფერი გახდა მოტივატორი დაეწყო კერძო საქმიანობა, გასჩენოდა საკუთარი შემოსავლის წყარო და ეკეთებინა სიკეთე, რომელიც მას დიდ ბედნიერებას ანიჭებს.

-ლია, როდის დაიწყე პურის ცხობა?

-4 წლის უკან გაჩნდა იდეა გამეხსნა საცხობი, სადაც ვაწარმოებდი შოთის პურს, ავიყვანე კარგი ხაბაზი, რომელმაც მასწავლა ცხობა და ასე, ნელ-ნელა მოვედი დღემდე.

-ქალისთვის მეპურეობა ალბათ შრომატევადი და დამღლელი საქმეა.

-რა თქმა უნდა რთულია, ყოველდღიურად 4 ტომარა ფქვილის მოცომვა, თონის მომზადება, 500-მდე შოთის პურის გამოცხობა და მისი რეალიზება, მქონდა მძიმე პერიოდიც, ერთწლიანი პაუზა, რომელიც გამოწვეული იყო ავტო-საგზაო შემთხვევის დროს მიღებული სერიოზული ტრამვით.

-ლია, ბოლნისში ბევრი თონეა, თუმცა ქალი მეპურე, არსად.

-დღემდე უკვირთ, რომ დამინახავენ თონეში პურს როგორ ვაკრავ, მეუბნებიან „გოგო და მეპურეო“? – იყო შემთხვევები, როცა პური ჩამვარდნია, მაგრამ დიდად არ მინერვიულია, ვიცოდი რომ გამომივიდოდა.

-რა განიჭებს ყველაზე დიდ ბედნიერებას?

-რა თქმა უნდა ჩემი შვილის ლაღი და ხალისიანი სახე,  როცა ვაკეთებ სიკეთეს, ვეხმარები ადამიანებს და ჩემი მცირედი წვლილი შემაქვს მათ კეთილდღეობაში.

-რა არის ის, რაც ყველაზე მეტად გსურს?

-როგორც ყველა დევნილის, ჩემი სურვილიც აფხაზეთში დაბრუნება და დაკარგული ტერიტორიების შემოერთებაა.  მთავარია გვიყვარდეს ერთმანეთი, ვაკეთოთ სიკეთე და ვიყოთ მიმტევებლები.

ავტორი:მარინა გავაშელი

19 დეკემბერს მართლმადიდებელი ეკლესია წმინდა ნიკოლოზის ხსენებას აღნიშნავს. დღესასწაულთან დაკავშირებით სადღესასწაულო წირვა-ლოცვა საქართველოში მოქმედ ყველა ეკლესია მონასტერში შესრულდება.ნიკოლოზობა წელიწადში ორჯერ აღინიშნება. 19 დეკემბერი – წმიდა ნიკოლოზ სასწაულთმოქმედის ხსენების, 22 მაისი კი – ნიკოლოზ სასწაულთმოქმედის წმიდა ნაწილების მირონიდან ბარში გადასვენების დღეა.

წმიდა ნიკოლოზ სასწაულთმოქმედი საქართველოს მართლმადიდებელი ეკლესიის მფარველად მას შემდეგ ითვლება, რაც საქართველოს კათოლიკოს-პატრიარქმა წმიდანს ქართული ეკლესია შეავედრა. საქართველოში წმიდა ნიკოლოზის სახელზე მრავალი ტაძარია აგებული.

17 დეკემბერს კომპანია არემჯიში სამთოელის დღისადმი მიძღვნილი საზეიმო ღონისძიება გაიმართა. უკვე მე-3 წელია, რაც კომპანიამ მივიწყებული ტრადიცია აღადგინა და  3500-მდე  დასაქმებულთან ერთად, პროფესიულ დღესასწაულს სამთოელის დღეს აღნიშნავს.

ტრადიციულად, კომპანიის მენეჯმენტმა წლის ხუთი საუკეთესო თანამშრომელი გამოავლინა და მათ სამთოელის ჯილდოები გადასცა.

 2021 წლის სამთოელები გახდნენ: არჩილ ჯაყელი – წარმოების დირექტორის მოადილე, რეზო ლობჯანიძე – წარმოების დირექტორის მოადილე, კახაბერ კეკელიძე – სპილენძის გამამდიდრებელი ფაბრიკის უფროსი, ლალი ჯავახიშვილი – ფეთქი მასალების საწყობის უფროსი და როზა გველესიანი – ინჟინერ-კონსტრუქტორი.

წელს პირველად  დაჯილდოებაზე დასახელდა წლის საუკეთესო დეპარტამენტებიც. სამთოელის ჯილდო კომპანიის კოვიდ 19-ის მართვის ოპერატიულ შტაბს და გარემოს დაცვის დეპარტამენტს გადაეცა.

ღონისძიებაზე კომპანიის აღმასრულებელმა დირექტორმა თორნიკე ლიპარტიამ  2021 წელი შეაჯამა და მოწვეულ სტუმრებს, კომპანიის წინაშე არსებული გამოწვევებისა და მიღწევების შესახებ მიაწოდა ინფორმაცია.

„ვულოცავ ყველა ჩვენ თანამშრომელს სამთოელის დღეს! მინდა გითხრათ, რომ ჩვენი კომპანიის ყოველდღიური საქმიანობის უკან 3500-მდე დასაქმებული და მათი ყოველდღიური თავდაუზოგავი შრომა დგას, ამიტომ კიდევ ერთხელ მადლობა ყველა სამთოელს! მათ ვინც ახლაც, სხვადასხვა ლოკაციაზე პირნათლად ასრულებს საკუთარ მოვალეობას და მუშაობს საკუთარი ოჯახის, რეგიონის და ქვეყნის უკეთესი მომავლისთვის.“ – განაცხადა არემჯის აღმასრულებელმა დირექტორმა თორნიკე ლიპარტიამ.

საზეიმო ღონისძიებას ადგილობრივი თვითმართველობის,  არემჯის კორპორაციული სოციალური პასუხისმგებლობის პროექტებში ჩართული სპორტული, კულტურული და საგანმანათლებლო პროექტების წარმომადგენლები ესწრებოდნენ. 

ღონისძიება კომპანიის კორპორაციულმა დირექტორმა კახაბერ მჭედლიშვილმა შეაჯამა. მან დამსწრე  საზოგადოებას მიმდინარე წელს კომპანიის მიერ მიღებული ადგილობრივი და საერთაშორისო ჯილდოების შესახებ მიაწოდა ინფორმაცია და  კომპანიის სოციალური პასუხისმგებლობის ფარგლებში განხორციელებული პროექტები გააცნო.

საახალწლო განწყობის შესაქმნელად, ბოლნისელებისთვის, ტრადიციულად სხვადასხვა საახალწლო დეკორაციით, მოეწყობა მერიის მიმდებარე ტერიტორია, განათებები დამონტაჟდება ცენტრალურ ქუჩებზე, გრანდიოზული სანახაობით, საზეიმო ვითარებაში განათდება ნაძვისხე, 24 დეკემბერს წინასაახალწლო კონცერტი გრანდიოზული ფოიერვერკით დაგვირგვინდება.

პრემიერმა ღარიბაშვილმა მთავრობის საქმიანობის 2021 წლის ანგარიშის წარდგენისას საყოველთაო ჯანდაცვის პროგრამაზე ისაუბრა და აღნიშნა, რომ მომავალი წლიდან მისი დაფინანსება 20 მილიონი ლარით გაიზრდება. მისი თქმით, ასევე დაგეგმილია თბილისისა და რეგიონების სასწრაფო სამედიცინო დახმარების ექიმების, პერსონალის ანაზღაურების გათანაბრება, რაც ასევე ერთ-ერთი მნიშვნელოვანი ნაბიჯი იქნება ჯანდაცვის რეფორმის მიმართულებით:

„მომავალ წელს უკვე დიაბეტით დაავადებული ბავშვებისთვის დაფინანსდება სისხლში გლუკოზის უწყვეტი მონიტორინგის სისტემები. მომდევნო წლიდან სკოლებში სკოლის ექიმის მომსახურების მიწოდება და სამედიცინო კაბინეტების ფუნქციონირება სამინისტროს მიერ შემუშავებული სტანდარტის შესაბამისად განხორციელდება. ასევე გეტყვით, რომ დაახლოებით 3000-ზე მეტ დევნილ ოჯახს უკვე გადაეცა ბინები წელს და ამდენივეს გადაეცემა გაისად. უკვე ვახსენე პენსიებზე და სხვადასხვა ინსტრუმენტზე, რომელთა საშუალებითაც მომდევნო წელს ჩვენი მოქალაქეების სოციალური მდგომარეობა გაუმჯობესდება“, – განაცხადა ირაკლი ღარიბაშვილმა.

უკვე მე-3 წელია, რაც კომპანია „არემჯიმ“ მივიწყებული ტრადიცია აღადგინა და 3500-მდე დასაქმებულთან ერთად, პროფესიულ დღესასწაულს, სამთოელის დღეს აღნიშნავს. სამთოელის დღისადმი მიძღვნილ საზეიმო ღონისძიებაზე კომპანიის მენეჯმენტმა წლის საუკეთესო 5 თანამშრომელი გამოავლინა. წელს პირველად დასახელდა ასევე წლის საუკეთესო დეპარტამენტიც.საზეიმო ღონისძიებას ბოლნისის მუნიციპალიტეტის მერი დავით შერაზადიშვილი, დმანისისა და თეთრიწყაროს ახლად არჩეულ მერებთან ერთად დაესწრო. ღონისძიებას ასევე ესწრებოდნენ არემჯის კორპორაციული სოციალური პასუხისმგებლობის პროექტებში ჩართული კულტურული და საგანმანათლებლო პროექტების წარმომადგენლები, ასევე ტიტულოვანი სპორტსმენები ლაშა შავდათუაშვილი და ვაჟა მარგველაშვილი, რომლებმაც 2021 წლის საუკეთესო სამთოელების გამოვლენაში მერებთან ერთად მონაწილეობა მიიღეს.ბოლნისის მუნიციპალიტეტის მერმა დავით შერაზადიშვილმა დამსწრე საზოგადეობას სიტყვით მიმართა და კომპანიის თანამშრომლებს პროფესიული დღე მიულოცა.სამთოელის დღე, 2019 წელს, „არემჯის“ მენეჯმენტის გადაწყვეტილებით, კორპორატიულ დღედ დაწესდა და კომპანიაში დასაქმებული 3500-მდე თანამშრომლისთვის უქმე დღედ არის გამოცხადებული. კომპანიაში ყოველწლიურად 17 დეკემბერს წლის შემაჯამებელი ღონისძიებები იმართება. „მოხარული ვარ, რომ შესაძლებლობა მქონდა „სამოთოელის დღე“ კომპანია „არემჯის“ თანამშრომლებისთვის მიმელოცა. მოგეხსენებათ, სამთო-მოპოვებით მრეწველობას მნიშვნელოვანი წვლილი შეაქვს ქვეყნის ეკონომიკის განვითარებაში და თითოეული სამთოელის როლი ამ მხრივ განსაკუთრებულია. ბოლნისის მერია ყოველთვის ცდილობს კერძო ბიზნესს ხელი შეუწყოს და მას რაც შეიძლება ხელსაყრელი სამუშაო გარემო შეუქმნას, ამის ნათელი დასტური კი „არემჯისა“ და მუნიციპალიტეტის თანამშრომლობაა. უდავოდ სამაგალითოა კომპანიიის დამოკიდებულება თანამშრომლებისადმი, „არემჯიში“ აფასებენ აქ დასაქმებულ პირებს და ამ მხრივ კომპანია ყოველთვის მოწოდების სიმაღლეზეა, რისთვისაც „არემჯის“ ხელმძღვანელებს დიდ მადლობას ვუხდი“, – განაცხადა ბოლნისის მუნიციპალიტეტის მერმა დავით შერაზადიშვილმა.

ჩემი ოჯახი, რამდენიმე თვის წინ, სიკვდილ-სიცოცხლის ზღვარზე დადგა,  მეუღლე გია კარგარეთელი კოვიდით დაავადდა და საკმაოდ დამძიმებული, ბოლნისის ცენტრალურ კლინიკაში გადავიყვანეთ, სადაც უმძიმესი დღეები გამოვიარეთ.  ჩემი ოჯახი ხელახლა დაიბადა,მაშინ,  როდესაც თითქმის დამთავრებული გვეგონა, სწორედ მაშინ მოახდინა  სასწაული უფალმა და გამომიგზავნა ისეთი ადამიანები როგორებიც არიან ბოლნისის ცენტრალური კლინიკაში, ეს იყო სიცოცხლის სიკვდილზე გამარჯვება, რასაც მთელმა კოლექტივმა,  კლინიკის ხელმძღვანელებმა, დარეჯან ჩხეტიანმა და გია სანიკიძემ მედპერსონალთან ერთად, თავგანწირული შემართებით, ღირსეულად გაართვა თავი, უდიდესი მადლიერება და პატივისცემა მათ ამისთვის.  

ოჯახის და ნათესავების სახელით დიდი მადლობა მთელ კოლექტივს:

ისმაილ ქევხიშვილს, გიორგი ჭუჭულაშვილს,

 ლალი სიკინჭალაშვილს, ქეთი მახარაშვილს, დოდო არეშიძეს, თამრიკო რობაქიძეს,  მაია მუშკუდიანს, ნელი გუგუსიანს, ზეხრა ბაირამოვას  და  ეკა მიქელაძეს, ამ საოცარმა გუნდმა, ჩემი ოჯახი დიდი ტრაგედიისგან იხსნა, პროფესიონალმა და თავდადებულმა ადამიანებმა დაამტკიცეს, რომ კოვიდი განაჩენი არაა, კლინიკებში ხალხს   არჩენენ და სიცოცხლის საშუალებას აძლევენ.

პატივისცემით:  მზია თუთიაშვილი.

 ბოლნისის მუნიციპალიტეტის სოფელ რატევნის საჯარო სკოლაში, საჭირო ტექნიკითა და ინვენტარით აღჭურვილი სატრენინგო სივრცე, საზეიმო ვითარებაში გაიხსნა, რომელიც ისრაელის საელჩოს მხარდაჭერით, ისრაელის საერთაშორისო თანამშრომლობის განვითარების სააგენტომ , ,,მოხალისე ჰაბთან” ერთად შესრულებული პროექტის ფარგლებში მოაწყო.

,, აღნიშნული სივრცე შესანიშნავი საშუალება იქნება მოსწავლეებისთვის, როგორც ფორმალური  ასევე არაფორმალური განათლების მიღების მიზნით.

სასკოლო საზოგადოების სახელით, უდიდეს მადლობას ვუხდი ისრაელის სახელმწიფოს ელჩს საქართველოში, ბატონ რან გიდორს, საელჩოს თანამშრომლებს, ,,მოხალისე ჰაბის” თავმჯდომარეს, ბატონ ირაკლი ხუჭუას და ყველა მოწვეულ სტუმარს, ვინც ჩვენი სკოლის სიხარული გაიზიარა და მოგვილოცა ეს შესანიშნავი ზეიმი სკოლაში!

დიდი მადლობა, ჩვენის სკოლის კურსდამთავრებულს, მარიამ დევნოზაშვილს, ამ შესანიშნავ ადამიანებთან დაკავშირებისთვის,“-განაცხადა სკოლის დირექტორმა მაია ხარაიშვილმა.

ლაშა ტა­ლა­ხა­ძემ ატაც­ში ოქ­როს მე­და­ლი მო­ი­პო­ვა და მსოფ­ლიო რე­კორ­დიც და­ამ­ყა­რა.

ტაშ­კენ­ტში მიმ­დი­ნა­რე ძა­ლო­სან­თა მსოფ­ლიო ჩემ­პი­ო­ნატ­ზე ლაშა ტა­ლა­ხა­ძემ ატაც­ში 210/218/225 კგ. დაძ­ლია და ოქ­როს მე­და­ლი მო­ი­პო­ვა.