საქართველოს განათლებისა და მეცნიერების სამინისტროსა და საქართველოს პარლამენტის განათლებისა და მეცნიერების კომიტეტის ერთობლივი გადაწყვეტილებით, „ზოგადი განათლების შესახებ“ საქართველოს კანონში ცვლილება შედის, რომლის მიხედვით, 2022-2023 სასწავლო წელს პირველ კლასში დარეგისტრირებას შეძლებენ ბავშვები, რომლებსაც 6 წელი 1-ელ ოქტომბრამდე შეუსრულდებათ.

აღნიშნული გადაწყვეტილების საფუძველი გახდა მოქალაქეთა არაერთი განცხადება, რომლებიც ითხოვენ საქართველოში დაწყებით საფეხურზე სწავლის დაწყების ასაკის მარეგულირებელი ნორმის გადახედვას. 6 წლამდე ბავშვების მშობლების მოთხოვნა გამონაკლისის დაშვების თაობაზე განსაკუთრებით მაღალია სექტემბრის თვეში დაბადებულ ბავშვებთან დაკავშირებით, როგორც საჯარო, ასევე კერძო სკოლებში ჩარიცხვის მიზნით.

საქართველოს იუსტიციის სამინისტროს სსიპ სახელმწიფო სერვისების განვითარების სააგენტოს მიერ მოწოდებული ინფორმაციით, მიმდინარე წლის 15 სექტემბრიდან 1-ელ ოქტომბრამდე დაბადებული ბავშვების რაოდენობა საქართველოს მასშტაბით, თითოეული მუნიციპალიტეტის მიხედვით, არ ქმნის დაუძლეველ წინააღმდეგობას, გათვალისწინებული იქნეს მშობელთა მოთხოვნა, მათი შვილების პირველ კლასში ჩარიცხვასთან დაკავშირებით.

საქართველოს პარლამენტი კანონპროექტს დაჩქარებული წესით განიხილავს, რადგან 2022-2023 სასწავლო წლისთვის პირველკლასელთა რეგისტრაციის I ეტაპი გამოცხადდა 15 მარტს, რომლის ფარგლებში სსსმ მოსწავლეები დარეგისტრირდნენ. მათ მიეცემათ დამატებით რეგისტრაციის საშუალება და პირველ კლასში ჩარიცხვის შესაძლებლობა ექნებათ.

აღსანიშნავია, რომ რეგისტრაციის მეორე ეტაპი 2 მაისს დაიწყება და 13 მაისის ჩათვლით გაგრძელდება. ამ ეტაპზე სკოლაში დარეგისტრირდებიან ბავშვები, რომელთა:

და-ძმა სწავლობს იმავე სკოლაში;

მშობელი/მეურვე/მზრუნველი იმ საჯარო სკოლის თანამშრომელია;

ოჯახიდან ერთდროულად ორი ან მეტი ბავშვი შედის პირველ კლასში.

III ეტაპი – საყოველთაო რეგისტრაცია – 17 მაისიდან დაიწყება და 8 ივნისის ჩათვლით გაგრძელდება. რეგისტრაცია განხორციელდება განათლების მართვის საინფორმაციო სისტემის ოფიციალურ ვებგვერდზე registration.emis.ge.

რაც შეეხება IV ეტაპს, რეგისტრაცია 28 ივნისიდან 12 ივლისის ჩათვლით სკოლებში განხორციელდება. ამ ეტაპზე გამოთავისუფლებულ ვაკანტურ ან დარჩენილ თავისუფალ ადგილებზე იმ მოსწავლეების რეგისტრაცია მოხდება, რომლებიც ვერ დარეგისტრირდნენ I, II და III ეტაპებზე, ან სურთ რეგისტრაციის შეცვლა.

მოქმედი კანონით, საქართველოს ყველა ზოგადსაგანმანათლებლო დაწესებულებაში სასწავლო წელი 15 სექტემბერს იწყება. თუ 15 სექტემბერი დასვენების ან უქმე დღეს ემთხვევა, სწავლა მის მომდევნო პირველ სამუშაო დღეს დაიწყება.

უკრაინაში მიმდინარე საომარი მოქმედებების შედეგად, უკრაინელების 2 ოჯახი ქალაქ ბოლნისში დროებით საცხოვრებლად ჩამოვიდა. უკრაინის მოქალაქეები თავდაპირველად ზურა ლიპარტელიანის ოჯახმა შეიფარა.

ბოლნისში მყოფი უკრაინელები ბოლნისის მუნიციპალიტეტის მერმა დავით შერაზადიშვილმა, მოადგილესთან ვალენტინა ნავერიანთან ერთად მოინახულა. დავით შერაზადიშვილმა უკრაინის მოქალაქეებს საკვები პროდუქტები, პირველადი მოხმარების საგნები მიუტანა, ბავშვებს კი ტკბილეული და უკრაინელი მოქალაქეების დასახმარებლად მერიაში შექმნილ შტაბში შეგროვებული სათამაშოები გადასცა.

მერი უკრაინის მოქალაქეების საჭიროებებს ადგილზე გაეცნო და მათ სოლიდარობა გამოუცხადა. ამ ეტაპზე უკრაინელების ორი ოჯახი ქალაქ ბოლნისში ნაქირავებ ბინაში აგრძელებს ცხოვრებას. დავით შერაზადიშვილის გადაწყვეტილებით, მერია მათ ბინის ქირით უზრუნველყოფს. აღსანიშნავია ისიც, რომ მცირეწლოვანი ბავშვები ქალაქ ბოლნისში მოქმედ მე-5 საბავშვო ბაღში ჩაირიცხნენ.

„ქალაქ ბოლნისში უკრაინელების 2 ოჯახი იმყოფება. ეს ადამიანები ჩვენს მოძმე ქვეყანაში რუსულ აგრესიას გამოექცნენ. დღეს ისინი მოვინახულე, საკვები პროდუქტები, პირველადი მოხმარების საგნები და ტკბილეული გადავეცი. უკრაინის მოქალაქეებს ბინის ქირითმერია უზრუნველყოფს, ჩვენ ამ ადამიანებს ყველანაირად დავუდგებით გვერდში. აქვე მინდა დიდი მადლობა გადავუხადო ზურა ლიპარტელიანის ოჯახს, რომელმაც უკრაინელები შეიფარა. ვიმედოვნებ, უკრაინაში ომი მალე დასრულდება და თითოეული უკრაინელი სამშობლოში მშვიდად ცხოვრების გაგრძელებას შეძლებს“, – განაცხადა ბოლნისის მუნიციპალიტეტის მერმა დავით შერაზადიშვილმა.

უკრაინაში მიმდინარე საომარი მოქმედებების შედეგად, უკრაინელების 2 ოჯახი ქალაქ ბოლნისში დროებით საცხოვრებლად ჩამოვიდა. უკრაინის მოქალაქეები თავდაპირველად ზურა ლიპარტელიანის ოჯახმა შეიფარა.ბოლნისში მყოფი უკრაინელები ბოლნისის მუნიციპალიტეტის მერმა დავით შერაზადიშვილმა, მოადგილესთან ვალენტინა ნავერიანთან ერთად მოინახულა. დავით შერაზადიშვილმა უკრაინის მოქალაქეებს საკვები პროდუქტები, პირველადი მოხმარების საგნები მიუტანა, ბავშვებს კი ტკბილეული და უკრაინელი მოქალაქეების დასახმარებლად მერიაში შექმნილ შტაბში შეგროვებული სათამაშოები გადასცა.მერი უკრაინის მოქალაქეების საჭიროებებს ადგილზე გაეცნო და მათ სოლიდარობა გამოუცხადა. ამ ეტაპზე უკრაინელების ორი ოჯახი ქალაქ ბოლნისში ნაქირავებ ბინაში აგრძელებს ცხოვრებას. დავით შერაზადიშვილის გადაწყვეტილებით, მერია მათ ბინის ქირით უზრუნველყოფს. აღსანიშნავია ისიც, რომ მცირეწლოვანი ბავშვები ქალაქ ბოლნისში მოქმედ მე-5 საბავშვო ბაღში ჩაირიცხნენ. „ქალაქ ბოლნისში უკრაინელების 2 ოჯახი იმყოფება. ეს ადამიანები ჩვენს მოძმე ქვეყანაში რუსულ აგრესიას გამოექცნენ. დღეს ისინი მოვინახულე, საკვები პროდუქტები, პირველადი მოხმარების საგნები და ტკბილეული გადავეცი. უკრაინის მოქალაქეებს ბინის ქირითმერია უზრუნველყოფს, ჩვენ ამ ადამიანებს ყველანაირად დავუდგებით გვერდში. აქვე მინდა დიდი მადლობა გადავუხადო ზურა ლიპარტელიანის ოჯახს, რომელმაც უკრაინელები შეიფარა. ვიმედოვნებ, უკრაინაში ომი მალე დასრულდება და თითოეული უკრაინელი სამშობლოში მშვიდად ცხოვრების გაგრძელებას შეძლებს“, – განაცხადა ბოლნისის მუნიციპალიტეტის მერმა დავით შერაზადიშვილმა.

წარჩინებული სტუდენტების ყოველთვიური ფულადი წახალისების პროგრამაში ცვლილებები შევიდა:

წარჩინებული სტუდენტები, რომელთა მაღალი აკადემიური მოსწრება დასტურდება საგანმანათლებლო პროგრამის ფარგლებში მიღებული შეფასებების საშუალო არითმეტიკულით საბაკალავრო პროგრამაზე ((A) ფრიადი – შეფასების 91-100 ქულა) დაფინანსდებიან ყოველთვიურად 100 ლარის ოდენობით (მიმდინარე სასწავლო წლის 1 ოქტომბრიდან 1 მარტამდე და 1 მარტიდან 1 აგვისტომდე);

წარჩინებული სტუდენტები, რომელთა მაღალი აკადემიური მოსწრება დასტურდება საგანმანათლებლო პროგრამის ფარგლებში მიღებული შეფასებების საშუალო არითმეტიკულით ((B) ფრიადი – მაქსიმალური შეფასების 81-90 ქულა) დაფინანსდებიან ყოველთვიურად 50 ლარის ოდენობით (მიმდინარე სასწავლო წლის 1ოქტომბრიდან 1 მარტამდე და 1 მარტიდან 1 აგვისტომდე);

სამაგისტრო პროგრამაზე მიღებული შეფასებების საშუალო არითმეტიკულით ((A)ფრიადი – შეფასების 91-100 ქულა) – 150 ლარის ოდენობით (მიმდინარე სასწავლო წლის 1 ოქტომბრიდან 1 მარტამდე და 1 მარტიდან 1 აგვისტომდე);

სადოქტორო პროგრამაზე მიღებული შეფასებების საშუალო არითმეტიკულით ((A)ფრიადი – შეფასების 91-100 ქულა) – 300 ლარის ოდენობით (მიმდინარე სასწავლო წლის 1ოქტომბრიდან 1 მარტამდე და 1 მარტიდან 1 აგვისტომდე);

წარჩინებულ სტუდენტს ყოველთვიური ფულადი წახალისება მიეცემა წინა სემესტრული შეფასების გათვალისწინებით. სტუდენტებს, რომლებიც შემოდგომის სემესტრში ისარგებლებენ სოციალური დახმარებით არ მოეთხოვებათ ქვეპროგრამის მოქმედების ფარგლებში საგაზაფხულო სემესტრის დახმარების მისაღებად განცხადების ხელმეორედ წარდგენა, გარდა სტუდენტის სტატუსის შესახებ და უმაღლესი სასწავლებლიდან წინა სემესტრული შეფასების შესახებ ცნობებისა. დაფინანსების გაცემა განხორციელდება განცხადების შემოტანის თარიღის გათვალისწინებით. ყოველთვიური სტიპენდიის მისაღებად წარჩინებულ სტუდენტთა მიერ წარმოსადგენი დოკუმენტაცია:

ა) განცხადება;

ბ) სახელმწიფო აკრედიტებული უმაღლესი სასწავლებლიდან ცნობა, რითაც დასტურდება სტუდენტის სტატუსი (მიმდინარე წლის ან /და სემესტრის აქტიური სტატუსის მქონე სტუდენტი)

გ) წინა სემესტრული შეფასების შესახებ ცნობა(ქულების ამონაწერი), რითაც სტუდენტის მაღალი აკადემიური მოსწრება დასტურდება საგანმანათლებლო პროგრამის ფარგლებში მიღებული შეფასებების საშუალო არითმეტიკულით ((A)ფრიადი – შეფასების 91-100 ქულა; (B) ძალიან კარგი-შეფასების 81-90 ქულა);

დ) პირადი ანგარიშის საბანკო რეკვიზიტები;

ე) პირადობის დამადასტურებელი მოწმობის ასლი;

გაითვალისწინეთ, სტიპენდიების მისაღებად აუცილებელია ორიგინალი დოკუმენტაციის წარდგენა.

ილია დარჩიაშვილი საგარეო საქმეთა მინისტრად დაინიშნა. ამის შესახებ მთავრობის ადმინისტრაციაში გამართულ ბრიფინგზე პრემიერ-მინისტრმა, ირაკლი ღარიბაშვილმა განაცხადა. დარჩიაშვილმა ამ თანამდებობაზე დავით ზალკალიანი შეცვალა, რომელიც აშშ-ში საქართველოს ელჩის პოზიციაზე გააგრძელებს მუშაობას.

აღსანიშნავია, რომ ბოლნისის მუნიციპალიტეტის განვითარებაში შეტანილი განსაკუთრებული წვლილისთვის 2019 წელს ილია დარჩიაშვილს ბოლნისის საპატიო წოდება მიენიჭა.

სწორედ მისი დამსახურებაა აზიის განვითარების ბანკის მიერ ბოლნისის კანალიზაციის სისტემის პროექტის გრანტით დაფინანსება. მის სახელს უკავშირდება ასევე ბოლნისის მუნიციპალიტეტით სხვადასხვა მიმართულებებში ინვესტიციების მოზიდვა, ბოლნისში გლობალური მასშტაბური და აქტუალური პროექტების განხორციელება.

ილია დარჩიაშვილი საგარეო საქმეთა მინისტრად დაინიშნა. ამის შესახებ მთავრობის ადმინისტრაციაში გამართულ ბრიფინგზე პრემიერ-მინისტრმა, ირაკლი ღარიბაშვილმა განაცხადა. დარჩიაშვილმა ამ თანამდებობაზე დავით ზალკალიანი შეცვალა, რომელიც აშშ-ში საქართველოს ელჩის პოზიციაზე გააგრძელებს მუშაობას.