“Kvemo Kartli regionunda qadınların reproduktiv sağlamlığı xidmətlərinə çıxışın artırılmasının təşviqi” layihəsinin yekun iclası keçirilib

Marneuli şəhərində “Vətəndaş Bərabərliyi Platforması” qeyri-hökumət təşkilatı “Kvemo Kartli regionunda qadınların reproduktiv sağlamlığı xidmətlərinə çıxış imkanlarının artırılmasının təşviqi” layihəsinin yekun iclasını keçirib. İclasda “Vətəndaş Bərabərliyi Platforması”nın sədri Samirə İsmayılova layihə çərçivəsində həyata keçirilən fəaliyyətlərdən və gələcək planlardan danışıb. İclasda Bolnisi Bələdiyyəsinin meri Davit Şerazadişvili, Bolnisi, Dmanisi, Tetritskaro və Tsalkinin majoritar deputatı Qoqi Meşveliani, Gürcüstanın işğal olunmuş ərazilərindən olan məcburi köçkünlərlə iş, Əmək, Barışıq və Vətəndaş Bərabərliyi üzrə Dövlət Naziri Aparatının nümayəndələri iştirak ediblər. “Kvemo Kartli regionunda qadınların reproduktiv sağlamlığı xidmətlərinə çıxışın artırılmasının təşviqi” layihəsinin məqsədi Marneuli və Bolnisi bələdiyyələrində yaşayan qadınların dövlət və/yaxud imtiyazlı sağlamlıq proqramlarına çıxış imkanlarını artırmaq idi.