Kvemo Bolnisidə Novruz bayramı qeyd olundu

Kvemo Bolnisi Gənclər İcma Mərkəzində Novruz Bayramı münasibətilə tədbir keçirilib. Gənclər dəvət olunmuş qonaqlara Novruz bayramının mənası və adət-ənənələri haqqında qısa təqdimat edib, musiqi nömrələri ifa ediblər. Novruz bayramı 3 gün davam edir və baharın, yeni ümidlərin, yeniləşmənin bayramıdır. BMT Baş Assambleyası 2010-cu ildə Novruzu beynəlxalq gün kimi tanıyıb. 2009-cu ildə YUNESKO-nun sammitində Novruz rəsmən Bəşəriyyətin Qeyri-Maddi Mədəni İrs siyahısına daxil edilib. 2010-cu ildə Novruz Bayramı Gürcüstanda dövlət bayramı elan edilib.