Kənd təsərrüfatı sahələrinin yandırılmasına görə yeni inzibati cərimə qanunu

Hökumətin iclasında Nazirlər Kabinetinin üzvləri kənd təsərrüfatı sahələrinin yandırılmasına görə ciddi cərimə tətbiq ediləcəyi qanun layihəsini müzakirə ediblər. Qanun layihəsinə əsasən, torpaq sahəsində taxıl bitkilərinin (onların üstü də daxil olmaqla) yandırılmasına görə yeni inzibati cərimə müəyyən edilir – fiziki şəxslər hər hektara üçün 1000 lari, hüquqi şəxs üçün 2000 lari. Qanun layihəsi məhsul yığımından sonra torpağa və ətraf mühitə böyük ziyan vuran kənd təsərrüfatı sahələrinin yandırılması kimi zərərli təcrübənin geniş yayıldığı üçün hazırlanıb. Bundan əlavə, yanğının yaxınlıqdakı sahələrə, əkin sahələrinə, meşələrə və ya yaşayış məntəqələrinə keçmə ehtimalı yüksəkdir. Hökumətin iclasında “Gürcüstanın bələdiyyələrində (özünüidarə edən şəhərlər istisna olmaqla) yaşıl bitkilərin seçilməsi, əkilməsi və onlara qulluq şərtləri haqqında” fərman layihəsi qəbul edilib. Yeni layihəyə əsasən, şəhər mühitində əhalinin sağlamlığının, rifahının və həyat keyfiyyətinin yaxşılaşdırılmasına kömək edəcək rekreasiya məkanları yaradılacaq. Bu layihənin məqsədi bələdiyyələrdə yaşıl bitkilərin seçilməsi, əkilməsi və saxlanılması şərtləri nəzərə alınmaqla şəhər ərazilərinin vahid və düzgün yaşıllaşdırılması sisteminin tətbiqinə kömək etməkdir.