Əfsanəvi yapon cüdoçusu Bolnisidə qonaq olub

Bu gün yapon cüdoçusu, ikiqat Olimpiya və üçqat dünya çempionu Şohey Ono veteran gürcü cüdoçuları – Gürcüstan parlamentinin deputatı Varlam Liparteliani, Avtandil Çrikişvili və Luxum Çxvimiani ilə birlikdə Bolnisidə qonaq olub. Yeni İdman Sarayında qonaqlar Gürcüstan himni ilə qarşılanıb, daha sonra Nino Dvalişvilinin oğlanlar xorunun çıxışı olub. Dəvət olunan qonaqlara Bolnisi bələdiyyəsinin meri vəzifəsini icra edən Buba Qobejişvili və Şəhər Şurasının sədri Tamaz Jorjoliani çıxış ediblər, sonra qonaqlara simvolik hədiyyələr təqdim olunub, qonaqlar isə Bolnisidən olan gənc cüdoçulara kimonolar təqdim ediblər. Kvemo Kartli qubernatorunun birinci müavini Giorgi Şinjikaşvili, gürcü veteran cüdoçular, bolnisili Qoqa və Koka Abramişvilinin təşkilatçılığı ilə ölkəmizdə olan Şohey Ono məqsədi cüdoçulara ustad dərsləri keçirmək, idman təcrübəsini bölüşməkdir. Bu cür tədbirlər gənclərdə idmana marağı artırır ki, bu da gələcəkdə daha böyük uğurların əldə olunması üçün ilkin şərtdir. “Yeni Bolnisi İdman Kompleksində cüdo üzrə ikiqat Olimpiya və üçqat dünya çempionu Şohey Ononu qəbul etdik. Bolnisi Bələdiyyəsinin çoxlu uğurlu cüdoçuları var və dəfələrlə dünya çempionu ilə tanış olmaq çox vacibdir, buna görə cənab Şoheyə təşəkkür etmək istərdim. Bugünkü görüşün təşkilinə görə Kvemo Kartli üzrə dövlət nümayəndəsinin birinci müavini, Gürcüstan parlamentinin üzvü, veteran cüdoçu Giorgi Şinjikaşviliyə, eləcə də veteranlar Varlam Liparteliani, Avtandil Çrikişviliyə, Bolnisi sakinləri Qoqa və Koka Abramişviliyə təşəkkür etmək istəyirəm. Şohey Ononun Gürcüstana səfəri məhz onların sayəsində mümkün olub. Maraqlıdır ki, bu gün tədbirin təşkilatçıları balaca cüdoçulara kimono hədiyyə ediblər. Bolnisi Bələdiyyəsi meriyasının adından biz qonaqlara simvolik hədiyyələr təqdim etdik və Gürcüstan-Alman Şərab Evində şərab istehsalı mədəniyyəti və yerli məhsullarla tanış olduq. Düşünürəm ki, əfsanəvi cüdoçularla görüş idmançılarımızın motivasiyasını artıracaq və bu gün onlar üçün təsirli və yaddaqalan olacaq”, – Bolnisi Bələdiyyəsinin meri vəzifəsini icra edən Buba Qobejişvili bildirib.