Bolnisidə Uşaqların Beynəlxalq Müdafiəsi Günü

Uşaqların Beynəlxalq Müdafiəsi Günü Bolnisi Mədəniyyət və İstirahət Parkında müxtəlif mədəni tədbirlərlə qeyd olunub. “İmedi” ansamblı və onun rəhbəri Laura Durqlişvili səhər saatlarından uşaqların əhval-ruhiyyəsinin qayğısına qalıb. Kukla Teatrı “Qırmızı papaq” tamaşasını təqdim edib, Ratevan dövlət məktəbinin şagirdləri arzu edənlərin üzünü rəngləyiblər. Gün ərzində təşkil edilən əyləncə məkanlarında uşaqlar üçün müxtəlif mədəni və idman tədbirləri keçirilib. Uşaqların Beynəlxalq Müdafiəsi Gününə həsr olunmuş tədbirlərdə yerli icra hakimiyyəti orqanlarının nümayəndələri də iştirak ediblər. Uşaqların Beynəlxalq Müdafiəsi Günü 1950-ci il iyunun 1-dən etibarən hər il dünyanın bir çox ölkələrində müxtəlif əyləncə tədbirləri ilə qeyd olunur.