Bolnis də Yer Gününə qoşulub

Aprelin 22-də dünya Yer Gününü qeyd edir. Bolnisi bələdiyyəsi hər il ətraf mühitin mühafizəsi kampaniyasında fəal iştirak edir. Beynəlxalq Yer Günü ilə əlaqədar Xidiskuri kəndində Maşavera çayının yaxınlığında təmizlik aksiyası keçirilib. Merin birinci müavini Buba Qobejişvili administrasiya xidmətinin rəhbəri Papuna Müşkudianla birlikdə təmizlik aksiyasına qatılıb. Bugünkü aksiyada meriyanın əməkdaşları ilə birlikdə 5 saylı dövlət məktəbinin şagirdləri də iştirak ediblər. Yer Günü 1970-ci ildən bəri dünyanın 193 ölkəsində qeyd olunur. Yer günü Gürcüstanda ilk dəfə 1990-cı ildə Gürcüstan Yaşıl Hərəkatının təşəbbüsü ilə qeyd edilib. O vaxtdan bəri hər il bu tədbirə ölkə daxilində müxtəlif növ ekoloji fəaliyyətlər həyata keçirən bir çox təşkilat və könüllülər qoşulur.