დღეიდან, ბოლნისის მუნიციპალიტეტში, ექსპლუატაციაში შევიდა ივეკოს ფირმის 3 ერთეული ნაგავმზიდი, რომლის შესყიდვაც ცენტრალური და ადგილობრივი ბიუჯეტის თანადაფინანსებით განხორციელდა.
სპეცტექნიკა საერთაშორისო სტანდარტებითაა დამზადებული, რომელიც სხვადასხვა წარმადობისა და რელიეფისთვისაა განკუთვნილი, რათა ყველა სეზონზე და კლიმატურ პირობებშიც შეძლონ ოპერირება.
ნარჩენების მართვის მიმართულებით, გარდა იმისა, რომ დაემატა ახალი ნაგავმზიდები, განთავსდება ახალი ურნები, მოხდება ახალი უბნების და სოფლების ათვისება. ასევე, კომუნალური მეურნეობის თანამშრომლები შეიმოსნენ სეზონური ეკიპირებით.
