ჯანსაღი ცხოვრების წესისა და რაგბის, როგორც სპორტის სახეობის პოპულარიზაციის მიზნით, ყოველწლიური სასკოლო ფესტივალი გაიმართა. დმანისის ცენტრალურ სტადიონზე ერთმანეთს ბოლნისის და დმანისის სკოლის გუნდები შეერკინენ. სპორტული ღონისძიება საქართველოს კულტურის, სპორტისა და ახალგაზრდობის სამინისტროს, რაგბის კავშირის და კლუბ „ყოჩების“ ორგანიზებით გაიმართა. მონაწილე სკოლებს ორგანიზატორებისგან წამახალისებელი პრიზები გადაეცათ.
