ბოლნისის მუნიციპალიტეტში საგზაო ინფრასტრუქტურის მოწყობის სამუშაოები გრძელდება. სამი სოფლის: ქვემო და ზემო არქევანისა და ხატავეთის დამაკავშირებელი საავტომობილო გზა სრულად რეაბილიტირდა. დასრულებული სამუშაოები ბოლნისის მუნიციპალიტეტის მერმა, სივრცითი მოწყობისა და ინფრასტრუქტურის სამსახურის ხელმძღვანელთან ერთად მოინახულა.
მოსახლეობას გზასთან დაკავშირებული პრობლემები აღარ შეაწუხებს. აქ მასშტაბური სამუშაოები ჩატარდა, 1700 გრძივ მეტრზე დაიგო ბეტონის გზა და მოეწყო სანიაღვრეები.
სამუშაოები „რეგიონში განსახორციელებელი პროექტების ფონდისა“ და ადგილობრივი ბიუჯეტის თანადაფინანსებით განხორციელდა.
