ოლნისის მუნიციპალიტეტი ოცდამეტვრამეტე დღეა მკაცრ საკარანტინო რეჟიმში ცხოვრობს, მაღალი ეპიდემიოლოგიური რისკის გამო ჩაკეტილია რამდენიმე სოფელი, ქალაქი ბოლნისი და დაბა კაზრეთი. ეპიდემიოლოგები და მედიკოსები აგრძელებენ ინტენსიურ მუშაობას. მიმდინარეობს ადგილობრივების კვლევა და კონტაქტების მოძიება, გუშინ ლუგარის ლაბორატორიაში გამოსაკვლევად გაიგზავნილი 14 ბიოლოგიური ნიმუშის პასუხები დღის ბოლოს გახება ცნობილი. ამ დროისთვის ბოლნისის მუნიციპალიტეტში
COVID-19 -ის 93 შემთხვევა ფიქსირდება, აქედან ხუთი გამოჯანმრთელებული, ორი კი გარდაცვლილია. თვითიზოლაციაში იმყოფება 259 ადამიანი, კარანტინში-113.
მოხალისეების ჩართულობით გრძელდება განმეორებითი თერმოსკრინინგის პროცესი. რომელიც რამდენიმე დღეში დასრულდება.
მასშტაბური სახე მიიღო, ბოლნისის მუნიციპალიტეტში საქველმოქმედო ღონისძიებებმა. საქველმოქმედო აქციების ფარგლებში, დღეის მონაცემებით სურსათით უზრუნველყოფილია 9 000 ოჯახი. აქტიურად მიმდინარეობს მუნიციპალიტეტში არარეგისტრირებული პირების გაყვანაც.
24 საათიან რეჟიმში განაგრძობს მუშაობას, მერიაში შექმნილი საგანგებო შტაბიც.
მოხალისეთა ჯგუფების მიერ, ხორციელდება ჩაკეტილი სოფლებისთვის მედიკამენტების და სურსათის მიწოდება.
27 აპრილიდან , კარანტინის ზონაში მოქალაქეებისთვის საშვის გარეშე ავტომობილით გადაადგილება დაშვებულია სურსათის, მედიკამენტებით უზრუნველყოფის და სხვა გადაუდებელი საჭიროებების შემთხვევაში, შესაბამისი რეგულაციების დაცვით. სხვა შემთხვევაში დაკეტილ დასახლებულ პუნქტებში, შესვლა შესაძლებელია მხოლოდ სპეციალური საშვით.მკაცრი კარანტინის ზონიდან გასვლა კი დასაშვებია, მხოლოდ ორკვირიანი სავალდებულო კარანტინის გავლით, შესაბამისი სპეციალისტების მონიტორინგით.
კარანტინის ოცდამეტვრამეტე დღე ბოლნსში. რა მდგომარეობაა და რა ღონისძიებები ხორცილდება წითელ ზონაში, გაზეთ ,,ბოლნისთან“ვრცლად ბოლნისის მუნიოციპალიტეტის მაჟორიტარმა დეპუტატმა, გოგი მეშველიანმა ისაუბრა.
