დღეს ბოლნისის მუნიციპალიტეტში მე-6 მოწვევის საკრებულოს პირველი სხდომა გაიმართა, რომელიც №23 საოლქო-საარჩევნო კომისიის თავმჯდომარემ რუსუდან ქურდიანმა გახსნა, აღსანიშნავია, რომ საკრებულო „ქართული ოცნება – დემოკრატიული საქართველოს“ მიერ წარდგენილი კანდიდატებით დაკომპლექტდა.
ბოლნისის ახლად არჩეულ საკრებულოზე დეპუტატებმა ფარული კენჭის ყრით საკრებულოს თავმჯდომარედ გიორგი სვანიძე აირჩიეს, ხოლო მოადგილეებად, ხმათა უმრავლესობით გიორგი მირიანაშვილის, ნონა რეხვიაშვილის და იმრან გასიმოვის კანდიდატურას დაუჭირეს მხარი. ასევე, დღევანდელ სხდომაზე, დეპუტატებმა მუდმივმოქმედი კომისიების თავმჯდომარეებიც აირჩიეს.
ბოლნისის მუნიციპალიტეტის საკრებულო, სრული კანონის დაცვით 30 ოქტომბრიდან შეუდგება უფლებამოსილების შესრულებას, რომელსაც „ქართული ოცნება – დემოკრატიული საქართველო“ და ფრაქცია „ხალხის ძალა“ უხელმძღვანელებს.
ახლად არჩეულ საკრებულოს ბოლნისის მუნიციპალიტეტის მერი, ზამურ ჭითანავა ესწრებოდა.
