“Omicron” haqqında ÜST-ün bəyanatı

Koronavirusun “omicron” ştammı ilə təkrar yoluxma ehtimalı digər variantlarla müqayisədə yüksək ola bilər. Bu haqda Ümumdünya Səhiyyə Təşkilatının İnsidentlərin İdarə Edilməsi üzrə Mütəxəssisi Abdi Mahmud mətbuat konfransında bildirib. “Biz çoxlu məlumat alırıq. Cənubi Afrikada təkrar yoluxma hallarının yüksək olduğunu görürük” ,- deyə ekspert bildirib. O həmçinin bildirib ki, başqa ölkələrdə vəziyyət fərqli inkişaf edə bilər. “Lakin ilkin məlumatlar göstərir ki, “Omicron” variantı ilə təkrar yoluxma ehtimalı digər variantlar, o cümlədən Delta variantı ilə müqayisədə daha yüksəkdir” ,- Abdi Mohammed bildirib.