Gürcüstanın Mədəniyyət, İdman və Gənclər Nazirliyinin dəstəyi ilə Azərbaycanlı uşaq Teatrı “BEEZ” Bolnisidə tamaşa nümayiş etdirib. Balaca aktyorlar Mədəniyyət evinin səhnəsində məşhur gürcü klassiki Vaja-Pşavelanın ölməz pyesi “Meşə komediyası” tamaşasını canlandırıblar.
Tamaşa Bolnisi Bələdiyyəsi və Mədəniyyət Evinin dəstəyi ilə keçirilib.
“BEEZ” uşaq teatrı “Meşə komediyası” tamaşası ilə Qardabani, Rustavi və Marneulidə də qonaq olub.
Tamaşada baş rolları kiçik aktyorlar – Zəhra Akif, Nuray Əhmədova, Seymur Muradov, Amil Həsənov, Rabiə Əhmədova, Nuri Qurbanov, Əzəm Əfəndiyeva, İslam Akif, Necati Əliyev, Milana Əliyeva, Onur Muradov, Samir Əzizov və Məryəm Əliyeva ifa edirlər.
Tamaşanın quruluşçu rejissoru “BEEZ” Uşaq Teatrının bədii rəhbəri Binəli İslamoğlu, rəssamı AzMus, geyim üzrə rəssamı isə Mahnur Enverdir.
