25 ნოემბერს, ბოლნისის მუნიციპალიტეტის საკრებულოს მორიგი სხდომა გაიმართა, სადაც საჯაროდ მოხდა 2026 წლის ადგილობრივი ბიუჯეტის პროექტის განხილვა. მუნიციპალიტეტის მთავარი ფინანსური დოკუმენტი 52 652 000 ლარით განისაზღვრა, სადაც პრიორიტეტულ პროექტებად კვლავ, ინფრასტრუქტურა, ჯანდაცვა, სოციალური უზრუნველყოფა, განათლება, კულტურის განვითარება, დასუფთავება, გარემოს დაცვა და ახალგაზრდობის სხვადასხვა სერვისებით უზრუნველყოფა რჩება
ფინანსური დოკუმენტის საჯარო განხილვის ფორმატში, დამსწრეებს შესაძლებლობა ჰქონდათ, საკუთარი პოზიცია დაეფიქსირებინათ ადგილობრივი ბიუჯეტის პროექტთან დაკავშირებით.
