ბოლნისის №5 საჯარო სკოლის (გიმნაზიის) დაარსებიდან 30 წელი გავიდა. საიუბილეო ღონისძიების ფარგლებში, მთავარი ბიბლიოთეკის დარბაზში, სკოლის დამფუძნებლის, ლეილა ალადაშვილის „ჩვენ გიმნაზიელები“, წიგნის პრეზენტაცია გაიმართა, რომელსაც სასკოლო საზოგადოება, კურსდამთავრებულები და ავტორის მეგობრები ესწრებოდნენ. სკოლის დამფუძნებელმა და წიგნის ავტორმა, შეკრებილ საზოგადოებას წიგნის მეშვეობით კიდევ ერთხელ შეახსენა სკოლის დაარსებიდან დღემდე განვლილი გზა. გამოცემაში ასევე შეტანილია მოსწავლეებისა და მათი მშობლების მოგონებებიც, რამაც კიდევ უფრო სახასიათო და ემოციური გახადა წიგნი „ჩვენ გიმნაზიელები“.
- Advertisment -
