„როდესაც სპორტი ცვლის სამყაროს“ კამპანიის ფარგლებში, ბოლნისის მუნიციპალიტეტში სტარტი აიღო სასკოლო სპორტულმა ლიგამ მინი ფეხბურთში, სადაც 24 გუნდი ერთი თვის მანძილზე, პირველობისთვის, ერთმანეთს დაუპირისპირდება. ტურნირი 15 მაისს, ფირუზ რეხვიაშვილის სახელობის მინი სტადიონზე დაიწყო და მიზანი, მასობრივი სპორტის განვითარების ხელშეწყობა და სკოლებში ჯანსაღი ცხოვრების წესის პოპულარიზაციაა. აღნიშნულ სასკოლო ღონისძიებას სპორტის მართვის მეთოდოლოგიისა და ტექნოლოგიების ასოციაცია, ქვემო ქართლის მხარეში სახელმწიფო რწმუნებულის ადმინისტრაციისა და ბოლნისის მუნიციპალიტეტის მერიის მხარდაჭერით ახორციელებს.
„სასკოლო სპორტულ ლიგაში“ ბოლნისიდან 4 გუნდი ჩაერთვება.
