ბოლნისის კულტურისა და დასვენების პარკში მდებარე სასტუმრო, რომელიც პანდემიის გამო, კოვიდრეგულაციების გათვალისწინებით დაკეტილი იყო, დღეს მუნიციპალიტეტის მერმა დავით შერაზადიშვილმა გახსნა. აღსანიშნავია, რომ სასტუმრო ვიზიტორებს ერთი წლის განმავლობაში ვერ მასპინძლობდა.
ქალაქის ყველაზე მწვანე ზონაში მდებარე სასტუმრო ვიზიტორების მისაღებად მზადაა. სტუმარზე გათვლილი სივრცე მაღალ სტანდარტებს პასუხობს. ნომრები აღჭურვილია ყველა საჭირო ატრიბუტებით. ასევე შესაძლებელია ტრენინგებისა და კონფერენციების ჩატარება. რაც შეეხება გარე პერიმეტრს, ზამთარისა და ზაფხულის ბაღი პარკის დამთვალიერებელთა დიდ ინტერესსა და მოწონებას იმსახურებს. შესაძლებელია სპორტული აქტივობები, ფეხბურთისა და კალათბურთის მოედნებზე და ტრენაჟორებზე.
ერთწლიანი კოვიდპაუზა პარკის ადმინისტრაციამ სარეაბილიტაციო ღონისძიებებისთვის გამოიყენა და უკვე განახლებული ინტერიერით ხვდება სტუმრებს. როგორც კულტურისა და დასვენების პარკის ხელმძღვანელი აცხადებს, სასტუმროს სახელი ჯერ-ჯერობით არ აქვს, ამასთან დაკავშირებით სიამოვნებით მიიღებს ბოლნისელების იდეებს.
[:]
