კორონავირუსის პრევენციის მიზნით, ბოლნისის მუნიციპალიტეტში სადეზინფექციო სამუშაოები გრძელდება. ახალი სასწავლო წლის დაწყებასთან ერთად მუნიციპალურ ტრანსპორტში გაიზარდა მგზავრთა ნაკადი, ამიტომ მეტად გამკაცრდა ჯანდაცვის სამინისტროს რეკომენდაციები. მოქალაქეთა უსაფრთხო გადაადგილების მიზნით, სპეციალური ხსნარით დამუშავდა ავტობუსები, მგზავრობის დროს კი აუცილებელ პირობად რჩება პირბადის ტარება. მუნიციპალური ტრანსპორტის გარდა სადეზინფექციო სამუშაოები ჩაუტარდა კერძო მიკრო ავტობუსებს, საჯარო შენობებსა და სხვადასხვა ლოკაციებს. აღნიშნულ სამუშაოებს შპს „დეზ-ეფექტი“ ბოლნისის მუნიციპალიტეტში სისტემატიურად ახორციელებს.
