საქართველოს დამოუკიდებლობის დღის აღსანიშნავად, ბოლნისში სხვადასხვა სახის ღონისძიებები გაიმართა. ქალაქის ცენტრალურ ქუჩაზე გამოიფინა ადგილობრივი ხალხური რეწვისა და გამოყენებითი ხელოვნების ოსტატების ნამუშევრები, მოხდა მეწარმეების პროდუქციის გამოფენა-გაყიდვა, მოეწყო საგანმანათლებლო- შემეცნებითი და სპორტული სივრცეები და პატარებისთვის გასართობი კუთხეები. ტრადიციულად, დამოუკიდებლობის დღისადმი მიძღვნილი ღონისძიებები, ქვეყნის მასშტაბით, საზეიმოდ იმართება. აღნიშნული აქტივობა წელსაც ბოლნისის მუნიციპალიტეტის მერიისა და კულტურის ცენტრის ორგანიზებით გაიმართა და მონაწილეობდნენ ადგილობრივი შემოქმედებითი კოლექტივები, რომლებმაც შეკრებილ საზოგადოებას სადღესასწაულო განწყობა შეუქმნეს. დამოუკიდებლობის დღე საქართველოში, ყოველწლიურად, 26 მაისს აღინიშნება, რომელიც გვაერთიანებს და გვახსენებს ქვეყნის ისტორიულ გზას თავისუფლებისთვის.
ბოლნისში საქართველოს დამოუკიდებლობის დღე აღინიშნა
მსგავსი სტატიები
- Advertisment -
