საქართველოს პარლამენტის სოფლის მეურნეობის კომიტეტის თავმჯდომარის მოადგილე, ბოლნისის, დმანისის, თეთრიწყაროსა და წალკის დელეგატი დავით შერაზადიშვილი გუნდის გამარჯვებას ულოცავს და მადლობას უხდის თითოეულ ამომრჩეველს ნდობისა და მხარდაჭერისთვის.
„ადგილობრივი თვითმმართველობის არჩევნებში პარტია „ქართულმა ოცნებამ“ ამომრჩევლის სრული მხარდაჭერა მოიპოვა. ამ შედეგებით კიდევ ერთხელ დადასტურდა, რომ საქართველოს მოქალაქეებისთვის მშვიდობა, სტაბილურობა და განვითარება რჩება უმთავრეს ფასეულობებად.“ -აღნიშნა დავით შერაზადიშვილმა
დავით შერაზადიშვილი განსაკუთრებულად ულოცავს საკუთარ სადელეგატო ოლქში არჩეულ მერებს, რომლებმაც ადგილობრივი მოსახლეობის უპირობო ნდობა მოიპოვეს:
• ბოლნისი – ზამურ ჭითანავა (96.65%) – „მჯერა, ბატონი ზამური ახალი ენერგიითა და ხედვით განაგრძობს ბოლნისის განვითარებას.“
• დმანისი – კობა მურადაშვილი (100%) – „ბატონმა კობამ მეორედ მოიპოვა დმანისელების ნდობა და დარწმუნებული ვარ, დაწყებულ საქმეს წარმატებით გააგრძელებს.“
• თეთრიწყარო – მიხეილ აფციაური (100%) – „ბატონი მიხეილი, როგორც საკრებულოს თავმჯდომარის მოადგილე, კარგად იცნობს მუნიციპალიტეტის საჭიროებებს და მნიშვნელოვან ცვლილებებს განახორციელებს.“
• წალკა – ილია საბაძე (100%) – „ბატონი ილია წალკელების არაერთგზის რჩეულია და კვლავ ღირსეულად იმუშავებს მუნიციპალიტეტის უკეთესი მომავლისთვის.“ – წერს სოციალურ ქსელში
