მუნიციპალიტეტის მერმა „განთიადის“ ბენეფიციარები მოინახულა

2 აპრილი აუტიზმის ცნობიერების ამაღლების საერთაშორისო დღეა. ამასთან დაკავშირებით ბოლნისის მუნიციპალიტეტის მერი, სოციალური და ჯანდაცვის სამსახურის წარმომადგენლებთან ერთად, საგანმანათლებლო-სარეაბილიტაციო დღის ცენტრ „განთიადს“ ესტუმრა.

აღსანიშნავია, რომ მერმა დაათვალიერა ცენტრში არსებული ვითარება და გაეცნო ბენეფიციარების პირობებს, რის შემდეგაც მუნიციპალიტეტის პირველმა პირმა მათ ყველანაირი მხარდაჭერა აღუთქვა.

აუტიზმის მსოფლიო დღის აღნიშვნის მიზანია, გაზარდოს საზოგადოების ცნობიერების დონე და ხელი შეუწყოს აუტიზმის მქონე ადამიანების ფუნდამეტური უფლებების  დაცვასა და რეალიზაციას.