“Mavi Axın” kampaniyası çərçivəsində Bolnisi Bələdiyyəsinin Muşevan kəndindəki dərə bu gün zibildən təmizləndi.
Bolnisi Bələdiyyə Meri Davit Şerazadişvili müxtəlif xidmət işçiləri ilə birlikdə təmizlik aksiyasına qatıldı. Kommunal xidmətlər şöbəsinin müdirinin qeyd etdiyi kimi, Muşevan kəndində zibil qutularının qoyulmasından sonra məişət tullantıları ilə çirklənmiş ev təsərrüfatlarının sayı xeyli azalmışdır.
Qeyd edək ki, təmizlik aksiyası bütün bələdiyyəni mərhələlərlə əhatə edəcək və əvvəlcədən seçilmiş yerlər bələdiyyə binasının müxtəlif struktur bölmələrinin işçiləri tərəfindən kommunal xidmətlə birlikdə təmizlənəcəkdir.
Bugünkü aksiya “Gürcüstan Yaşıl Hərəkatı / Dünya Dostları” nın dəstəyi ilə keçirilib.
[:]
