Bolnisi Aqromərkəzinin təşəbbüsü ilə üzümçülər və şərabçılarla 2023-cü ilin məhsuluna hazırlıq iclası keçirilib. Aqromərkəzin rəhbəri Nikoloz Mindiaşvili üzümçülər və şərab istehsalçıları ilə görüşündə məhsul yığımı ilə bağlı məsələləri müzakirə edib. İclasda həmçinin bildirilib ki, iqlim şəraiti ilə əlaqədar bu il üzüm məhsulunun bir hissəsinin keyfiyyətinin aşağı düşəcəyi gözlənilir. Bundan əlavə, bu il əvvəlki illərlə müqayisədə üzümün məhsulu xeyli azalıb ki, bu da öz növbəsində üzümün tələbatının və qiymətinin artmasına səbəb olub. Müvafiq olaraq, sənayenin müsbət inkişaf dinamikası və şərabçıların maraqları nəzərə alınaraq, üzüm digər bələdiyyələrdən də gətiriləcək. Qeyd edək ki, üzüm yığımı başlamazdan əvvəl Bolnisi Aqro Mərkəzinin təşəbbüsü və təşkilatçılığı ilə bu cür görüşlər gələcəkdə də davam etdiriləcək.
