Regional İnkişaf və İnfrastruktur Nazirliyinin Birləşmiş Su Təchizatı Şirkəti Bolnisi bələdiyyəsinin Talaveri kəndində su təchizatı sisteminin layihələndirilməsi və tikintisinə başlayır. Müvafiq müqaviləni su təchizatı şirkətinin direktor müavini Nino Narozaşvili və tenderdə qalib gələn “Qza” MMC-nin nümayəndəsi Malxaz Dumbadze imzalayıblar. Layihə çərçivəsində mövcud quyuların və anbarın bərpası nəzərdə tutulur. Bundan əlavə, yeni nasos stansiyası, magistral boru və su təchizatı şəbəkəsi tikiləcək. Əlavə olaraq yeni su anbarı tikiləcək. Tikinti işlərinin 2026-cı ilin yayında başa çatdırılması planlaşdırılır. Layihədə nəzərdə tutulan işlərə dövlət büdcəsindən 22 milyon laridən artıq vəsait sərf olunacaq.
