ბოლნისის მუნიციპალიტეტის მერიის დიდ დარბაზში სკოლამდელი აღზრდის დაწესებულებაში დასაქმებული პედაგოგებისთვის და ექთნებისთვის ტრენინგი ჩატარდა თემაზე – „პირველადი გადაუდებელი დახმარება“.
ტრენინგი ჯანდაცვის წარმომადგენლებმა ჩაატარეს, რომლებმაც მონაწილეებს არა მხოლოდ თეორიული ცოდნა, არამედ პრაქტიკული უნარებიც გაუზიარეს და მულაჟების დახმარებით მათ ვიზუალურად აჩვენეს, როგორ უნდა იმოქმედონ საგანგებო შემთხვევებში.
პირველადი დახმარების სწავლების მიზანია სკოლამდელ დაწესებულებებში მომუშავე პერსონალი უკეთ მოემზადოს და საჭიროების შემთხვევაში შეძლოს სწრაფი და ეფექტური რეაგირება, სანამ პროფესიონალი სამედიცინო დახმარება მივა ადგილზე.
ბოლნისის მუნიციპალიტეტის მერიის ჩართულობით, მსგავსი ტრენინგები ბოლნისში უკვე რამდენიმე წელია ტარდება, რათა სკოლამდელი აღზრდის დაწესებულებებში მომუშავე პერსონალს ჰქონდეს თანამედროვე ცოდნა და პრაქტიკული უნარები უსაფრთხო საგანმანათლებლო გარემოს უზრუნველსაყოფად.
